Momente Pashke 2013

"O ma me premtove qe do te thyejme vezet e kuqe.." 

"Eheee....te premtova, por jo me 7 te mengjesit"

E keshtu u ngrita nga krevati gjithe pertese per te nisur nje dite feste, por qe une nuk e ndjeva si feste. 

I mungonte kesaj feste tavolina e shtruar per 8-10 persona, muhabetet me ze te larte, qeshjet, perplasjet e cingerrimat e pjatave dhe gotave. Shkurt i mungonte atmosfera...

Por te pakten koha u tregua bujare. Te pakten ate kohe qe qendrova ne kuzhine me shoqeroi dielli. Gjysma e te keqes apo jo....tani eshte bere prape per shi.

Ah sot me shoqeroi (perveç hanes15she qe shtroi tavolinen) edhe nje kantautor italian, Rino Gaetano.

  

Disa nga recetat qe do te doja te shenoja jane:

nje tip krypaneci ose pispiliti me jeshilliqe dhe djathe deleje

Perberesit per nje tepsi te vogel si ne foto:

200 gr miell misri

25 gr miell gruri

250 gr spinaq

100 gr lepjete

1 qepe e njome

koper e fresket

majdanoz i fresket

1 veze

200 ml qumesht

150 gr djathe deleje (Feta greke)

kripe

piper

vaj ulliri

gjysem luge e vogel pluhur pjekes

Pergatitja:

shpelajme dhe grijme imet spinaqin, lepjeten dhe qepen e njome. I hedhim pak kripe dhe i shtypim me duar.

Ne nje tjeter tas rrahim vezen me qumeshtin dhe rreth 6-7 luge vaj ulliri. I shtojme djathin e shkermoqur, piperin, miellin e misrit, pluhurin pjekes dhe miell gruri.

I shtojme gjithashtu edhe jeshilliqet e shtypura dhe e perziejme masen mire e mire.

Lyejme me vaj ulliri nje tepsi dhe e sperkatim bollshem me miell misri.

Hedhim masen ne tepsi dhe e njomim me pak uje te vaket dhe vaj ulliri.

E pjekim ne furren e ngrohur paraprakisht ne temp. 180°C per afro 1 ore ose derisa siperfaqja te marre nje ngjyre te arte.

E servirim te ngrohte me djathe deleje ose gjize dhije.

Mish qingji ne salce vere

Perberesit:

1kg mish qingji i njome

vaj ulliri 

1 dege selino

1 dege rozmarine

1 gjethe dafine

1 tufez sherebele

1 tufez majdanoz

1 tufez hudher gjarpri

leng perimesh

gjysem gote vere Chianti

kripe 
piper

Pergatitja:

ne nje tepsi te ceket shtrojme degen e selinos dhe erezat e fresketa te grira imet. Mbi to vendosim copat e mishit. I sperkatim me vaj ulliri extravergine dhe i pjekim ne furren e ngrohur paraprakisht ne temp. 200°C per afro 10 minuta. 

Pas 10 minutash, i shtojme 2 gota leng perimesh dhe e gatuajme ne furre per 20 minuta te tjera. 

Pas kesaj kohe i heqim copat e mishit dhe i vendosim ne nje tave balte, te cilen e mbajme ne vend te ngrohte (ne furren e fikur psh.) te mbuluar me leter alumini.

Mbetjet e tepsise, erezat dhe degen e selinos, i vendosim ne nje tenxhere. I shtojme veren dhe i ziejme derisa lengu te trashet pak. 

Me pas e filtrojme dhe ia hedhim copave te mishit.
E servirim me qepujka ne uthull balsamike dhe patate gratin.

Qepujka ne uthull balsamike

500 gr qepujka 

90 ml uthull balsamike e Modena-s

90 ml leng portokalli

kripe

piper

vaj ulliri extravergine
trumez
1 thelb hudher

Pergatitja:

pastrojme qepujkat dhe i skuqim ne vaj te nxehte per afro 9 minuta se bashku me hudhren, duke i kaverdisur here pas here.

I shtojme uthullen balsamike dhe lengun e portokallit dhe i gatuajme ne zjarr mesatar, derisa te zbuten dhe lengu te trashet si sherbet.

Patate gratin

Perberesit:

500 gr patate

300 ml qumesht

3 luge pana

1 thelb hudher

arre moskat

pak gjalp

kripe

piper

djathe parmigiano reggiano i grire

Pergatitja:

ndezim fillimisht furren ne temp. 150°C.

Qerojme hudhren. E hedhim ne nje tenxhere bashke me qumeshtin dhe panen dhe i leme ne zjarr te ulet derisa te arrijne temp. e vlimit.

Patatet i qerojme, i lajme dhe i thajme me leter kuzhine.

I presim ne feta te holla dhe i hedhim ne tenxheren ku kemi qumeshtin e vluar.

I shtojme kripe, piper dhe arre moskat dhe i gatuajme per 5 minuta. 

Lyejme me gjalp nje tave balte dhe me shume kujdes shtrojme patatet. I sperkatim me djathe parmigiano reggiano te grire dhe pak gjalp ne siperfaqe dhe i pjekim per afro 45 minuta derisa te marrin nje ngjyre te bukur ne siperfaqe.

Argjinare ne salce hollandeze

Perberesit: 

4 argjinare 

1 thelb hudher

2 fije majdanoz

leng limoni

disa kokrra piperi

kripe

vaj ulliri

Per salcen hollandeze:

2 te verdha vezesh

150 gr gjalp 

5 ml uthull vere te bardhe

25 ml vere e bardhe

35 ml uje i vaket

kripe

piper

leng limoni 

Pergatitja:

per salcen hollandeze fillimisht shkrijme gjalpin ne zjarr te ulet.

Ne nje tenxhere hedhim veren e bardhe, uthullen e veres dhe ujin dhe i vlojme derisa te shterojne ne gjysmen e vellimit.

Rrahim me rrahes elektrik te verdhat e vezeve ne nje tas te pershtatshem per t'u perdorur me pas ne banjomaria dhe i shtojme gradualisht dhe pa pushuar rrahjen lengun e perftuar me siper.

E vendosim tasin mbi nje tenxhere me uje dhe e veme mbi zjarr te ulet. E mbajme temperaturen e zjarrit gjithmone te ulet, ne menyre qe uji te mos arrije temp. e vlimit.

Duke rrahur masen ne banjomaria, i shtojme gjalpin e shkrire e tashme te vaket dhe e rrahim masen derisa te perftojme nje salce te ngjashme me majonezen.

Ne fund i shtojme piper te bardhe, kripe dhe leng limoni sipas deshires dhe e servirim me argjinaret.
Argjinaret pasi i qerojme dhe pastrojme, i ziejme bashke me pak majdanoz, leng limoni, piper dhe kripe. Ngrohim pak vaj ulliri dhe hudher te grire ne nje tigan dhe i skuqim per pak minuta argjinaret e zier. I servirim me salcen hollandeze.

Si embelsire kete viti zgjodha Eton Mess, qe eshte tejmase e thjeshte, e mire dhe pranverore. Praktikisht pergatitet per 5 minuta.

E vetmja gje e veçante eshte marinatura e luleshtrudheve ne leng shege, sipas recetes se Nigella Lawson.
Une e shoqerova me colomba te gatshme.

Eton Mess me leng shege

Perberesit:

500 gr luleshtrydhe 

2 luge te vogla sheqer

2 luge te vogla leng shege 

500 ml pana per embelsira

mafishe

Pergatitja:

presim ne copa te vogla luleshtrydhet. I shtojme sheqerin dhe lengun e sheges dhe i leme te marinohen.

Nderkohe rrahim panen dhe shkermoqim mafishet.

Hedhim ne çdo tas pak pana te rrahur, mafishet e shkermoqura dhe luleshtrydhet me lengun e tyre. 

E sherbejme menjehere.

Gezuar Pashken! 

Nana Hachapuri

I love Nigella Lawson! Eshte e paarritshme!

Moj po ka lezet kur te flet per kuzhinen nje femer si ajo, me nje dekolte per marshallah, me ato faqet si ballakume, me ato vithkat si brume panettone...si shumica e grave normale te kesaj bote mo :P

Kur me flet per kuzhinen nje laraske si Benedetta Parodi qe i peshojne takat me teper sesa pjesa tjeter e trupit, apo keto hollywood-ianet qe s'dine si te mbushin ate gjysem ore qe u le te lire personal traineri-estetisti-psikologu, m'u ai nervi qe s'drejtohet kurre sikur futet midis dy rrahesve te vezeve...
Si guxojneee???? Te flasesh per kuzhinen duhet ne rradhe te pare ta dashurosh ushqimin, te flirtosh me te, e te shijosh ate kreature qe pjell fantazia jote ne kuzhine. Keto mire se gatuajne shpifurina, por edhe ato dyshoj se ia servirin qenit :P.

Duhet pranuar qe Nigella e ekzagjeron içik me gjalpin por...miqte e mi siç ka thene G. Bernard Shaw "Gjerat mira ose jane imorale, ose jane te paligjshme ose te shendoshin" :D


Mgjth simpatine qe ushqej per Nigelle-n, kete recete qe po ju percjell sot nuk e njihja. Flm per te duhet t'ia adresojme Gentes, e cila ma dergoi receten.

Nana Hachapuri
(receta e hachapuri eshte gjeorgjane por versioni i meposhtem eshte i Nana-s, kuzhinieres se nje restoranti londinez.)  




Perberesit per 3 hachapuri


per brumin:
350 gr miell 0
250 gr kos me yndyre
1 veze
25 gr gjalp
gjysem luge e vogel kripe
1 luge e vogel sode buke


Per mbushjen:
100 gr djathe stracchino (Nigella perdor "mozzarella di buffala" por mua nuk me bind perzierja e djathit grek dhe gjizes me mozzarellen, sepse "mozzarella di buffala" sado qe ta kullosh nuk e eliminon te gjithe sasine e ujit, prandaj une perdora stracchino. Sdq kush nuk ka mundesi te gjeje djathe stracchino, mund te perdore vetem djathe te bardhe dhe gjize)
1 veze
150 gr djathe i bardhe grek 
50-60  gr gjize pa kripe


Pergatitja:
perziejme ne nje tas kosin me vezet, gjalpin e shkrire dhe kripen.
I shtojme pak e nga pak miellin dhe soden e bukes derisa te na formohet nje brume i bute si per byrek.
Brumin e mbeshtjellim me qese kuzhine dhe e vendosim ne frigorifer per te pakten 20 minuta.
Une e lashe gjithe naten.

Per mbushjen grijme djatherat. U shtojme vezen dhe i perziejme.

Ndezim furren ne temp. 220°C. 
E hapim brumin ne peta. Mund te hapni 2 peta te medhaja, si te ishte lakror ose 6 peta te vogla. 
Ne mes te çdo pete vendosim mbushjen dhe e mbyllin me peten tjeter.
I lagim bordet e petave me uje dhe ushtrojme pak force me gishterinj pergjate gjithe perimetrit te tyre ne menyre qe gjate pjekjes te mos hapen.
I pjekim ne furren e ngrohur paraprakisht per afro 20 minuta ose derisa te marrin nje ngjyre te arte. 
I servirim te ngrohta. 
Gjak e dhjame :D

Italiano
Nana Hachapuri
(la ricetta degli hachapuri è georgiana però la versione di cui sotto è di Nana, la cuoca di un ristorante londinese.)  




Ingredienti per 3 hachapuri


per l'impasto:
350 gr farina 0
250 gr yogurt di latte intero
1 uovo
25 gr burro
1/2 cucchiaino sale
1 cucchiaino lievito di birra fresco


Per il ripieno:
100 gr stracchino (Nigella ci mette la "mozzarella di buffala" però, secondo me la mozzarella di buffala rimane acquosa anche dopo averla scolata per 1 ora, perciò io ho ripiegato per lo stracchino. Cmq si può usare anche solo formaggio feta e ricotta fresca)
1 uovo
150 gr formaggio feta 
50-60  gr ricotta fresca


Preparazione:
amalgamare lo yogurt con l'uovo, il burro fuso ed il sale.
Aggiungere man mano la farina 0 ed il lievito fino ad ottenere un impasto elastico e morbido.
Avvolgere l'impasto nella pellicola trasparente e metterlo nel frio per almeno 20 minuti.
Io l'ho lasciato per una notte.


Per il ripieno sbriciolare i formaggi. Aggiungere la ricotta e l'uovo ed amalgamare.

Accendere il forno a 220°C. 
Stendere l'impasto in 2 sfoglie grandi oppure 6 piccoli.
In mezzo a ciascuna sfoglia stendere il ripieno.
Richiudere con l'altra sfoglia bagnando le estremità ed esercitando pressione con le dita di modo che durante la cottura l'hachapuri non si aprono.
Infornare nel forno preriscaldato per 20 minuti finché gli hachapuri si gonfiano e prendano un bel colore dorato.
Servire calde.