Shkruaj perberesin ...

Saturday, January 28, 2012

Kraharor rose me portokalle


Perberesit per 4 persona:
400 gr kraharor rose
1 portokall
1 dege rozmarine
1 gote vere e kuqe
1 luge mjalte
vaj ulliri 
gjalp
kripe
piper

Pergatitja:
ngrohim vajin e ullirit dhe pak gjalp ne nje tigan. I shtojme rozmarine per t'i aromatizuar.
Nderkohe ne kraharorin e roses, nga pjesa e lekures, bejme disa prerje me thike ne forme rombesh. 
E vendosim kraharorin e roses ne tigan dhe e skuqim ne zjarr me temp. te larte per disa minuta, duke e kthyer here pas here ne menyre qe te skuqet nga te gjitha anet. 
E kriposim dhe peperosim.
Presim a julienne lekuren e portokallit, duke bere kujdes qe asnje pjese e bardhe te mos mbetet tek lekura, pasi pjesa e bardhe e portokallit i jep nje shije te athet roses.
Pasi i kemi hequr lekuren portokallit, e presim pergjysem dhe e shtrydhim.
Shtojme ne tigan lekurat e prera a julienne dhe lugen e mjaltit. I perziejme dhe i shuajme me lengun e portokallit. Kur lengu te jete trashur, por jo aq sa te karamelizohet, i shtojme veren e kuqe. 
E leme per disa minuta tiganin ne zjarr derisa te avulloje 2/3 e veres.
Me pas e presim rosen ne feta dhe e servirim me lengun e gatimit dhe feta portokalli. 

Gjak e dhjame :D

Torte me çokollate te zeze dhe xhinxher







Perberesit per 8 persona:

140 gr sheqer
130 gr miell 00
125 gr gjalp
100 ml qumesht i fresket
2 veze
80 gr çokollate e zeze
30 gr kakao
1 luge e vogel xhinxher pluhur
2 gr pluhur pjekes
40 gr kubike limoni te sheqerosur
150 gr sheqer pluhur






Pergatitja:
shkrijme ne banjomaria çokollaten duke bere kujdes qe fundi i tasit ku jemi duke e shkrire te mos preke ujin.
Ne nje tas rrahim gjalpin me sheqerin derisa te formohet nje lloj kremi. Me pas i shtojme vezet nje e nga nje, pa e ndaluar rrahjen.
Veç perziejme miellin me pluhurin pjekes, kakaon dhe xhinxherin. I sitim mbi masen me gjalp.
I shtojme mases çokollaten e shkrire dhe qumeshtin.
I perziejme dhe e hedhim masen ne nje tepsi me diameter rreth 16 cm, te cilen e kemi shtruar me leter pjekjeje ose e kemi lyer me gjalp dhe miell. 
E vendosim tepsine ne furre. Ne 50 minutat e para e pjekim ne temp 160°C dhe 15 minutat e fundit ne temp. 180°C.
Ne fund pergatisim kremin me te cilin do te veshim pjeserisht torten. Hedhim ne nje tas sheqerin pluhur dhe i shtojme 2-3 luge uje, derisa te formohet nje krem i trashe.
Pasi torta ka dale nga furra e hedhim kete krem mbi torte dhe e leme te kulloje aneve si ne foto. 
Receta origjinale e marre nga nje reviste italiane, "A Tavola (Il mensile della grande cucina italiana nel mondo)", numer i vitit 2006, ka si perberes edhe xhinxherin e sheqerosur por une e zevendesoj me kubike limoni te sheqerosur pasi nuk me pelqen fort shija e xhinxherit te sheqerosur.

Gjak e dhjame :D



In italiano

Torta con cioccolata fondente e zenzero

Ingredienti per 8 persone:
140 gr zucchero
130 gr farina 00
125 gr burro
100 ml latte fresco
2 uova
80 gr cioccolato fondente
30 gr cacao
1 cucchiaino zenzero 
2 gr lievito per dolci
40 gr scorza di limoni candida
150 gr zucchero a velo


Procedimento:
sciogliere a bagnomaria il cioccolato fondente facendo attenzione che il recipiento non tocchi l'acqua.
In un altro recipiente sbattere il burro con lo zucchero finché diventi una crema chiara.
Aggiungere una ad una le uova.
Da parte mischiare la farina con il lievito, il cacao ed la polvere di zenzero.
Settaciare sopra l'impasto di burro e zucchero.
Aggiungere il cioccolato sciolto ed il latte. 
Rivestire di carta da forno un teglia con diametro ca. 16 cm e versare l'impasto.
Cuocere a 160°C per 50 minuti e poi alzare la temp. a 180°C e cuocere per altri 15 minuti.

Nel frattempo mischiare lo zucchero a velo con 2-3 cucchiai di acqua finché si forma una cremina.
Appena la torta sarà pronta versare sulla superficie la cremina e cospargere con i candidi.


Thursday, January 26, 2012

Supa magjike e Marise

Ku qendron magjia e kesaj supe do te pyesni ju....po, ja kjo supe te liron rruget e frymemarrjes kur je i mberthyer nga rrufa. Funksionon gati me mire sesa aerosoli - sipas Marise :)
Maria, eshte mikja ime kalabreze qe s'heq dore nga keto kurimet prej "gysheje". Megjithese une fillimisht qesha me vlerat kurative te kesaj recete, duhet te pranoje qe ne keta 10 vjet, sa here jam paqejf pergatis supen e Marise. Megjithate jo gjithmone i qendroje besnike perberesve te recetes. Kur nuk kam shume kohe ose digjem nga temperatura apo jam e pafuqishme, e pergatis vetem me leng pule, pak makarona supe, lekure limoni, hudher dhe majdanoz te grire. Me pas i hedh pak djathe te grire reggiano parmigiano dhe vaj ulliri.
Ndersa receta sipas Marise eshte kjo me poshte:



Perberesit per 1-2 persona:

pule e ndare ne pjese, mjaftojne edhe 2 kofsha apo disa krahe
2 thelbinj hudher
pak qepe, afro nje çerek qepe
gjysem karrote
gjysem dege selinoje
makarona te vogla per supe
majdanoz i fresket
pak spec djeges (si kalabreze qe eshte Maria i hedh çdo pjate spec djeges :D, por ju mund ta zevendesoni me piper)
vaj ulliri i nje cilesie shume te mire
kripe

Pergatitja:
e thjeshte fare! I ziejme te gjitha bashke, perveç makaronave, per afro 1 ore e ca ne tenxhere normale ose per gjysem ore ne tenxhere me presion.
Me pas i kullojme ne nje tenxhere tjeter dhe i shtojme makaronat.
I ziejme per disa minuta te tjere.
E servirim supen me djathe parmigiano reggiano te grire dhe e sperkatim me vaj ulliri te nje cilesie shume te mire. 

Epssshiuuuuuu...

Sunday, January 22, 2012

Quiche me lakerza Brukseli



 Perberesit:

1 pasta sfoglia e gatshme
250 gr lakerza Brukseli
60 gr stika pishe, por qe mund te zevendesohen me arra
40 gr proshute e tymosur
2 ml pana e fresket
50 gr djathe parmigiano reggiano
50 gr djathe pecorino romano
2 veze + 2 te verdha vezesh
kripe
piper

Pergatitja:
ziejme ne avull lakerzat e Brukselit.
Veshim me leter pjekjeje nje tepsi dhe shtrojme mbi te peten e pasta sfoglia-s.
Ne nje tas rrahim 2 vezet dhe 2 te verdhat e vezeve. I shtojme panen e fresket, djatherat e grire, stikat e pishes ose arrat dhe proshuten e tymosur, te cilen me perpara e skuqim per pak minuta ne nje tigan antiaderent.
E rregullojme mbushjen me kripe dhe piper.
Ndajme pergjysem lakerzat e Brukselit dhe i vendosim mbi peten e pasta sfoglia-s.
U hedhim siper kremin dhe e pjekim ne furre ne temp. 180°C per afro 45 minuta. 
E servirim te vaket.
Gjak e dhjame :D

Tuesday, January 17, 2012

Lasagne me salce pesto dhe djathe te tymosur




Receten qe po shkruaj sot e kam provuar ne shtator te vitit te kaluar ne nje restorant ne qender te Bolzanos, Walther's (http://www.walthers.it/it-137-2770.aspx), e me pelqeu aq shume saqe me t'u kthyer ne zyre e shenova ne axhende per ta riprovuar ne kuzhinen time. 
Nderthurja e perberesve dhe aromave mesdhetare qe ndjekin nje itinerar jug-lindje-perendim e bejne kete recete sa te shijshme po aq edhe interesante.  Aroma e forte e borzilokut ne salcen gjenoveze i kombinuar me nje djathe te tymosur me tym kashte, i prodhuar ne jug te Italise, eshte - e ketu po huazoj nje shprehje italiane qe i referohet kombinimit ideal te perberesve ne nje recete - "la morte sua" .
E duke mbetur tek kombinimi ideal une do t'ju sugjeroja qe ta shoqeroni me nje sallate te thjeshte me domate qershize dhe rukola.

Perberesit:
1/2 pako lasagne te fresketa me veze (une perdora lasagne-t me peta te holla te Giovanni Rana-es)
kripe

afro 100 gr djathe i tymosur me arome kashte (provola affumicata)
50 gr djathe parmigiano reggiano

Per salcen pesto:

1 tufe borzilok gjenovez, dmth me gjethe te holla dhe te stergjata
1 thelb hudher
gati 2 grushta stika pishe
1 luge djathe pecorino DOP
1 luge djathe parmigiano reggiano
kripe me kokrra te medha
vaj ulliri te nje cilesie shume te mire

Per salcen beshamel:

50 gr miell
50 gr gjalp
gati nje liter qumesht, pasi per kete recete salca beshamel nuk duhet te jete shume e trashe
kripe
arre moskat




Duke qene salca gjenoveze shume e thjeshte si ne perberje ashtu edhe ne pergatitje, diferencen per nje rezultat te shkelqyer e ben cilesia e produkteve qe perdoren ne realizimin e saj. Nese ju perdorni nje borzilok gjenovez te sapo keputur dhe djathera te cilesishem qe mbajne marken DOP (marke evropiane qe tutelon produktet origjinale) salca pesto qe do rrihni ne havan eshte salca e vertete gjenoveze.
Ne te kundert nese produktet tuaja jane imitime qe tregtohen ne markatat low cost si Lidl apo ku ta di une, rezultati final s'eshte gje tjeter veç nje surrogato. 
Eshte njesoj si te gatuash fergesen me "ricotta" apo "djathe grek" apo ballakumet me margarine. Ka disa receta, si keto qe sapo permenda, qe jane unike pikerisht fale produkteve lokale e zevendesimi me produkte te tjera, ben qe te humbin shijen e tyre te veçante.
Ne pamundesi te gjetjes se produkteve origjinale per realizimin ne kushte shtepie, sipas meje eshte me e logjikshme te shkosh te blesh ne dyqanin me prodhime italiane kavanozin me te shtrenjte me pesto gjenovez. Ndoshta dikujt i dukem prezentuoze por provoni te nuhasni nje kavanoz me salce gjenoveze bio dhe nje tjeter te gatuar me prodhime fallco.... 
Per kete recete duhet patjeter nje salce gjenoveze origjinale!


Ja dhe pergatitja:

fillimisht pergatisim salcen beshamel. Receten e gjeni ketu: http://ballakumeelbasani.blogspot.com/2011/03/salca-beshamel.html
Presim ne kubike te vegjel djathin.
Pergatisim salcen pesto duke shtypur ne havan perberesit dhe duke i shtuar vajin pike-pike ose e blejme te gatshme.
Perziejme salcen beshamel me salcen pesto.
Lyejme bazen e taves me disa luge nga salca e perftuar dhe fillojme shtrimin e lasagne-ve. 
Secilen pete e lyejme me salce dhe  i hedhim ne siperfaqe kubike djathi. 
Peten e fundit e sperkatim me djathe parmigiano reggiano dhe pak gjalp.
Kjo lloj lasagne nuk duhet te jete shume e trashe!
E mbeshtjellim taven me qese kuzhine dhe e vendosim ne frigorifer per disa ore.
Me pas e pjekim ne temp. 180°C per afro 40 minuta, derisa siperfaqja te rezultoje e pjekur.

Gjak e dhjame :D

Thursday, January 12, 2012

Il dhallture di mia nonna


Nell'Albania dei tempi della mia infanzia, cioè quasi 30 anni fa, la merenda era a base di pane, burro, marmellata o zucchero, pane e formaggio e così via. Insomma niente a che fare con le merendine di oggi o le torte fatte dalle nonne italiane all'epoca. Purtroppo i dolci erano considerati di lusso e avevano una loro ricorrenza o venivano preparati per eventi di una certa importanza, tipo matrimoni, fidanzamenti oppure per compleanni, ma non di certo ogni giorno oppure ogni finesettimana come avviene adesso.
Nonostante la mia famiglia economicamente facesse parte del ceto medio, la mamma e la nonna non sempre riuscivano a procurare tutti gli ingredienti per preparare i dolci. Ricordo che per un certo periodo non si trovava in commercio il cioccolato. Sì, avete capito bene il cioccolato! Se nel resto della maggior parte dei paesi europei era un bene di consumo quasi giornaliero, nell'Albania degli anni '80, si tornava ai primi tempi quando il cioccolato era appena sbarcato in Europa e di conseguenza era un lusso concesso ai pochi.
Io, figlia unica e coccolata praticamente da tutti gli zii, cugini (tutti all'epoca single) e amici di famiglia, ero un po’ (forse troppo!) capricciosa a tavola. Mi nutrivo volentieri solo e soltanto di cioccolato.
Quindi potete immaginare lo stress che procuravo alla povera nonna quando chiedevo, sbattendo i piedi per terra e urlando a squarciagola, il cioccolato.
Ma non solo il cioccolato mancava negli scaffali dei negozi alimentari, pure il cacao, a volte lo zucchero, le uova, ecc., che peraltro erano razionati a seconda del numero di persone in famiglia. 
Tutta questa mancanza in genere alimentare e soprattutto l’isolamento forzato dal resto del mondo ha portato secondo me un impoverimento nella cultura gastronomica albanese. I dolci tipici come baklava, kadaif, revani, kompeka ecc. erano di importazione bizantina, tracce di un'occupazione ottomana durata 5 secoli. Questi venivano preparati di rado, in cadenza delle festività di fine anno, per il resto ci si accontentava di dolci semplici che richiedevano pochi ingredienti, di facile preparazione e cottura.
Tutto questo faceva assumere al dolce il valore di qualcosa di molto pregiato, quasi un capriccio.
In casa di mia nonna non mancavano mai le confetture che lei preparava ogni estate e che nascondeva nei suoi armadietti per fargli spuntare quando a me veniva voglia di qualcosa di dolce :)
E tutto questo deficit di dolci – essendo io una golosona soprattutto di dolci sciropposi il termine deficit ci sta - lo compensava con una merenda della quale ne andavo ghiotta. Era un tipo di torta salata dal nome strano "dhallture". Strano perché "dhalle" in albanese significa yogurt diluito con dell'acqua ed insaporito con del sale, ed io non ho ancora chiaro se il nome di questa torta deriva dalla bevanda con la quale veniva accompagnata oppure nella ricetta antica si usava proprio lo yogurt diluito con dell’acqua nella preparazione.   
Ecco la ricetta:

200 gr di (fioretto) crema di mais 
50 gr di farina 00
200 gr di yogurt naturale (ottimo quello greco)
50 ml olio d’oliva
2 uova
1 cucchiaino di lievito  
Sale
50 gr burro
Una spruzzata di raki, che sarebbe una grappa d’uva.

Preparazione:
sbattere le uova con l’olio in un recipiente.
Salare ed aggiungere mescolando lo yogurt, dopodichè le farine setacciate con il lievito.
Spruzzare con mezzo bicchierino di grappa ed infine aggiungere il burro a temp. ambiente. L'impasto finale dovrebbe avere la consistenza di un impasto per torte.
Ungere una teglia con del burro e versare l’impasto.
Infornare a temp. 220°C per ca. 40  minuti o fin quando la torta assume u bel colore dorato e risulta asciutta alla prova dello stuzzicadente.
Far raffreddare e tagliare a quadratini piccoli.
Ottimo accompagnamento sarebbe quello con la bevanda sopradescritta, che può essere comprata anche nei negozi etnici.






Oppure con una salsa di yogurt un po’ piccante ed un bicchierino di grappa.

Per la salsa di yogurt  piccante servono:
yogurt compatto greco
peperoncini sott’aceto
sale
olio d’oliva extravergine
aglio
(le dosi in base ai gusti)
Preparazione:
tagliare a pezzettini i peperoncini.
Unirli allo yogurt. Aggiungere anche l’olio, l’aglio tritato ed il sale.
Mescolare e chiudere il recipiente per benino e lasciare diverse ore in frigo prima di servire.  

E se volete renderla fescion 'sta ricette potete provare a prepararla a mo di cupcakes.
Guardate qua: http://ballakumeelbasani.blogspot.com/2011/08/cupcakes-prej-dhallture-me-krem-djathi.html



Tuesday, January 10, 2012

Pushimi "kthimi ne baze"

Gnocchi alla romana me djathe

Pasi pergatita cremè de la cremè te kuzhines franceze si fileto pate me portokall, fruta flambè, mousse au chocolate, foie gras apo proshute pate etj. etj, me erdhi nje deshire e pafrenueshme per t'u kthyer ne baze.
Aventurat, sado ta çojne adrenalinen ne kupe te qiellit (ne rastin konkret te rrisin kurben glicemike vetem me nuhatje :D), perseri vjen nje moment kur ndjehesh si i velitur nga ajo mori informacionesh apo emocionesh te reja, e ke ndjesine sikur truri, i detyruar te punoje me ritme stakanoviste, nuk eshte me ne gjendje te magazinoje sakte kete vershim te rejash. Ndoshta keto te mijat jane deduksione prej dembeleje por ne kete konkluzion kam arritur per here te pare ne 2001 kur, pas nje xhiro te gjate neper Evrope, ndalova 2 jave ne Paris.
Sikur te mos mjaftonin ato qe veshtrova/shijova/admirova gjate ndalesave neper qytetet e tjera qe vizituam - nje pjese e te cilave i kujtoje vetem fale imazheve qe memorizoi aparati fotografik - u mbylla per nje dite ne muzeun e Louvre-t. 
Mbyllja per nje dite ne Louvre, njeri prej atyre vendeve te shenjta te cilat imagjinata ime i kishte vizituar qysh nga koha kur me librin e Jules Verne ne dore zija nje cep ballkoni te lagjes se kinezeve ne Elbasan, pra kur isha akoma femije, ishte nje enderr. Por nje enderr qe fatkeqesisht nuk e shijova aq sa duhet pasi erdhi nje moment qe, me gjithe deshiren per te fiksuar ne kujtese çdo veper, çdo detaj, çdo emer, truri kaloi ne stand-by.
E njejta situate, por qe kete here prek nervat e shijes, perseritet kur provoje per disa dite, per te mos thene muaj, receta te reja qe ndonjehere u perkasin viseve aq te largeta sa edhe emrat e perbereseve me zor i shqiptoje. Vjen nje moment qe ndjeje nje si mbingopje me aroma te reja aq sa harroje edhe perberes apo komplet receten.
Ky per mua eshte indikator lodhjeje te nervave te shijes, prandaj nxjerr tenxheren e makaronat dhe gatuaje "spaghetti, aglio, olio e peperoncino", e me del nje "Ahhhhh" :)  
"Ahhh"-ja e kesaj here qe rrjedhoje e nje recete italiane (e zonen se Lazios).
Kjo recete realizohet me ate, qe ne italisht quhet semola, dmth me grure te bluajtur trashe (emertimin e sakte nuk e di ne shqip) por, ne pamundesi, mund ta gatuani edhe me miell misri.

 
Gnocchi alla romana me djathe dhe me te brendshme pule


Gnocchi alla romana
       
Perberesit per 4 -6 persona:
250 gr semola
3 te verdha vezesh
1 liter qumesht
gjalp
salce beshamel
djathera te ndryshem psh. grana padano, parmigiano reggiano, fontina etj.
kripe
piper
arre moskat



Pergatitja:
hedhim ne nje tenxhere qumeshtin me pak gjalp dhe prak kripe dhe e vendosim ne zjarr derisa te vloje.
I hedhim pak e nga pak semolen dhe piperin dhe e gatuajme perafersisht 8 minuta, duke e kaurdisur panderprerje.
E heqim nga zjarri dhe e shtrojme masen mbi nje leter pjekjeje. 
I shtojme 3 te verdhat e vezeve dhe e punojme brumin derisa te marre konsistencen e polentes.
Siper e mbulojme me nje tjeter leter pjekjeje dhe me ndihmen e nje okllai i japim petes nje gjeresi prej 1 ose 2 cm.
Kur masa te jete ftohur plotesisht e presim ne disqe me diameter 5 cm me ane te nje forme ose gote.
I rendisim disqet ne nje tave te lyer me gjalp.

Veç pergatisim salcen beshamel, se ciles i shtojme ne fund djatherat e grire.
Salcen beshamel e hedhim mbi disqet e semoles.
I hedhim pak djathe te grire siper dhe gjalp gjithashtu.
E pjekim ne furre te nxehte derisa te marre ngjyren e pjekjes.



Kjo recete e gatuar ne kete menyre i pelqen shume sime bije por t'i pelqyer edhe tim shoqi une i shtoje edhe te brendshme pule, te cilat i skuq ne pak vaj ulliri me nje hudher te shtypur por te paqeruar dhe i shuaj thjesht me uje ose leng pule kur me ndodhet. Me pas i shtroj mbi disqet, para se t'u hedh salcen beshamel.





Tuesday, January 3, 2012

Torte me spinaq


Torte me spinaq

Perberesit per 6 persona:
1 kg spinaq
3 veze
100 gr djathe te tipit kaçkavall te bute
salce beshamel
gjalp 
kripe
piper
buke e thate e grire 

Pergatitja:
lajme spinaqin. E kullojme mire e mire dhe e skuqim ne gjalp. 
Une perdora spinaq te ri, dmth me gjethe te vogla, por nese perdorni spinaq me gjethe te trasha duhet ta zieni fillimisht ne uje e me pas ta shtrydhni dhe ta grini imet.
Pergatisim salcen beshamel me 50 gr miell, 50 gr gjalp dhe gjysem litri qumesht. Proceduren e gjeni ketu:  http://ballakumeelbasani.blogspot.com/2011/03/salca-beshamel.html
Salces beshamel i shtojme spinaqin e skuqur, djathin ose djatherat e grire, te verdhat e vezeve nje e nga nje, kripe dhe piper. 
Te bardhat e vezeve i rrahim me rrahes elektrik derisa te fryhen dhe zbardhen.
Ia shtojme mases me spinaq duke i perzier me kujdes.
Lyejme me gjalp dhe buke te grire nje tave ne formen e plumcake dhe hedhim masen e tortes.
Gjithashtu edhe siperfaqen e tortes e sperkatim me buke te grire. 
E pjekim ne banjomaria, dmth mbushim nje tave me te madhe me uje dhe brenda ne kete tave vendosim taven ku kemi torten, per afro 1 ore ne temp. 180°C.
E leme te ftohet para se ta presim ne feta. 
Une e servira me nje si tip sallate me domate te prera ne copa te vogla, ndersa ne periudhe pranvere dhe vere kete recete me pelqen ta shoqeroje me coulis domatesh, dmth domate te reduktuara ne pure bashke me borzilokun, kripen, piperin, copa akulli dhe vaj ulliri te nje cilesie shume te mire. 
Gjak e dhjame :D




Pulehine rosto dhe romsteket e mamit


Sot dua te shenoje dy receta shume te mira. Fotoja eshte per faqe-te-zeze, por keto dy receta u pelqyen shume nga te ftuarit e mi dhe une dua t'i gatuaje perseri. Pulehina e gatuar si rosto rezulton te jete me e bute dhe shume me e shijshme sesa e pjekur.

Pulehine rosto

Perberesit:
1 pulehine
50 gr feta dhjami te tymosur
rozmarine
2 gjethe sherbele
40 gr gjalp
3 luge vaj ulliri
kripe
piper
sipas recetes se marre nga nje liber kuzhine duhej vere e bardhe, por paraditja e dates 31 eshte teper e ngarkuar per mua pasi eshte dita kur takohemi me miqte per t'ju uruar vitin e ri dhe nga nxitimi harrova te bleje veren e bardhe ath i kerkova nje ide mikut tim Giuseppe-s, qe ne kuzhine eshte nje Chef i vertete, si gjithe meshkujt italiane :). Ai me keshilloi ta zevendesoja veren me birre dhe duhet te them qe me pelqeu, e per me teper birra eshte me ekonomike sesa vera e bardhe :)

Pergatitja:
pastrojme pulehinen.
E kriposim, peperosim dhe e mbushim me 2 dege rozmarine, sherbele, 1 fete dhjame derri te tymosur dhe pak gjalp.
E mbeshtjellim me fetat e mbetura te dhjamit te derrit dhe e lidhim me spango.
E kriposim dhe peperosim te gjithe siperfaqen e pulehines dhe e skuqim ne nje tenxhere te madhe ku kemi tretur gjalp dhe vaj ulliri.
Pasi te jete skuqur nga te gjitha anet e shuajme me gjysem shishe birre (une e shova me birre Forst).
I veme kapakun dhe e leme te gatuhet ne zjarr te ulet per afro 1 ore.
Pas nje ore e nxjerrim nga tenxherja, i heqim spangon dhe fetat e dhjamit dhe e kalojme ne furre qe te piqet siperfaqja. E leme ne furre per kohen e mjaftueshme, pra sa te marre pak ngjyre.
Me lengun qe leshoi une pergatita nje dollme me buke misri, pras, fetat e dhjamit te mbetura dhe te brendshmet e pulehines, nenexhik dhe arra.

Receta e dyte eshte romsteku i mamit. Mami im "i qan" keto lloj qoftesh, madje duhet ta pranoje qe i gatuan shume me mire sesa une sepse perveç eksperiences ka nje avantazh tjeter, ka nje stufe me gaz. Prandaj ju sugjeroj qe nese nuk zoteroni nje stufe te tille te perdorni zjarrin e zgares.

Romsteke

Perberesit:
per rreth 500 gr mish te grire viçi
1 qepe
2 veze + 2 veze
2 feta buke e bardhe
2-4 thelba hudher
ereza: rigon, piper, spec i kuq
miell
vaj luledielli

Pergatitja:
grijme ne mixer ose me rende qepen dhe hudhrat.
Ne nje tas hedhim mishin e grire. I shtojme qepen, hudhrat, vezet, 2 feta buke te cilat i njomim me pare ne uje te ftohte dhe i shtrydhim fort, kripen dhe erezat.
Pasi e punojme masem me duar e vendosim ne frigorifer per afro gjysem ore.
Nderkohe perziejme 2 veze ne nje pjate dhe vendosim pak miell ne nje pjate tjeter.
Hedhim vaj te bollshem ne nje tigan dhe e vendosim ne zjarr.
Lagim duart me uje dhe formojme disa qofte, te cilat i kalojme ne veze dhe miell, e me pas i fergojme ne vaj te nxehte.
Nje shpikja ime e momentit ishte vendosja e nje fete djathi te bute mbi romsteket e ferguar dhe vendosja e tyre ne furre per 5 minuta sapo djathi te shkrihej.

Gjak e dhjame :D

Monday, January 2, 2012

Gezuar 2012!



Si recete te pare per kete vit une zgjodha nje embelsire te nje pastiçeri italian, Maurizio Santin, i biri i njerit prej pastiçereve me te famshem te Italise, Enzo Santin. 
Sa here lexoj ndonje artikull te Maurizio Santin me vjen ndermend shprehja jone popullore "beme baba te te ngjaje". Maurizio, ashtu si edhe i ati, eshte fitues i disa çmimeve enogastronomike dhe embelsirat qe ai realizon jane vepra arti qe kane arritur prej kohesh nivelin e krijimeve te te atit.
"Sipas meje embelsira duhet te jete e mire dhe e bukur por mbi te gjitha e mire, pasi embelsira eshte nje kapriço" - shpreh ai ne nje interviste konceptin e tij mbi embelsirat.
Une zgjodha nje embelsire tejmase te thjeshte dhe e adaptova sipas shijes sime duke zevendesuar marron glacè (geshtenja te sheqerosura) me hurma arabije.

Plumcake me hurma arabije
Perberesit per 6 persona:
220 gr miell
220 gr sheqer pluhur
175 gr hurma arabije 
125 gr gjalp ne temperature ambjenti
60 ml qumesht i fresket
50 gr niseshte
25 ml rum 
3 veze
5 gr pluhur pjekes

Pergatitja:
rrahim gjalpin me tel kuzhine per disa minuta.
I shtojme pak e nga pak sheqerin pluhur pa e nderprere perzierjen.
Me pas i shtojme nje e nga nje vezet, duke pritur qe masa te thithe plotesisht secilen veze. 
Per realizimin e kesaj embelsire nuk duhet te perdorni rrahes elektrik por vetem telin e kuzhines dhe perzierja duhet te jete delikate.
Kur perberesit e mesiperm te jene perziere mire dhe masa te kete fituar njetrajtshmeri i shtojme, pak e nga pak dhe pa nderprere perzierjen, rumin ose liker tjeter sipas deshires dhe qumeshtin. 
Veç perziejme miellin, niseshtene dhe pluhurin pjekes. 
I sitim mbi masen me veze dhe gjalp ne menyre qe brenda mases te mos formohen toptha.
Presim ne copa te vogla hurmat e arabise. Qe frutat te mos perfundojne ne fund te mases, i perziejme me pak miell.
Me pas ia shtojme mases.
Ndezim furren ne temp. 220°C.
Lyejme me gjalp nje forme plumcake. 
Hedhim ne forme masen dhe e pjekim ne furren e nxehte per 10 minuta.
Pas 10 minutash e ulim temperaturen e furres ne 150°C dhe e pjekim edhe per afro 30 minuta te tjere ose derisa embelsira te rezultoje e pjekur pas proves me kruajtesen e dhembeve.
Pasi eshte  pjekur e nxjerrim nga furra dhe e leme te ftohet plotesisht. 
Para se ta servirim e presim ne feta.
Kete plumcake Santin e shoqeron me nje krem me mascarpone por, ngaqe kisha harruar te blija mascarpone, une optova per nje krem anglez, curd.
Curd eshte nje lloj kremi qe perdoret gjeresisht ne pastiçerine anglo-amerikane.
Zakonisht gatuhet me limona te verdhe apo jeshile dhe portokalle.
Per curd-in tim u nisa nga nje recete e Jamie Oliver "clementine curd" dhe e ndryshova pak fare duke i shtuar portokalle.


Curd agrumesh

Perberesit:
1 dl leng portokalli & mandarinash
lekura e 1 portokalli dhe e 3 mandarinave
150 gr sheqer
2 veze + 2 te verdha vezesh
100 gr gjalp
1 luge niseshte

Pergatitja:
grijme lekurat e mandarinave dhe portokallit dhe i shtrydhim.
Lengun e hedhim ne nje tenxhere.
I shtojme sheqerin, vezet e rrahura, niseshtene dhe e kaurdisim.
I shtojme gjalpin dhe e vendosim tenxheren ne zjarr te ulet, duke e perzier pa nderprerje ne menyre qe vezet te mos priten, derisa kremi te jete trashur.
E heqim nga zjarri. E leme te ftohet dhe e konservojme ne kavanoza te sterilizuara ne frigorifer per afro 10 dite.  

Gjak e dhjame :D

Related Posts Plugin for WordPress, Blogger...