Biskota per dhurata

Backe, backe Kuchen,

der Baecker hat gerufen:

Wer will guten Kuchen backen,

der muss haben sieben Sachen:

Eier und Schmalz, 

Zucker und Salz,

Milch und Mehl,

Safran macht den Kuchen gehl.

Sipas kesaj vjershe gjermane per te bere embelsira te mira duhen 7 gjera: veze dhe dhjame derri, sheqer dhe kripe, qumesht dhe miell, edhe shafran per t'i bere te verdha :) 

Kjo vjershe behet lajtmotivi yne, i imi dhe i hanes15she, sa here gatuajme biskota.

E sot kemi gatuar aq shume saqe aroma e vaniljes dhe gjalpit ka pushtuar perveç kuzhines sime, dollapeve edhe shkallen e pallatit. 

Por shyqyr asnje komshi nuk u ankua, ndoshta sepse per Krishtlindje "siamo tutti più buoni" :)

Receta e pare e brumit te biskotave eshte e pastiçerit italian Luca Montersino. Keto biskota nuk jane shume te embla prandaj sperkaten me sheqer pluhur ose zbukurohen me icing sheqeri sipas fantazise. 

Perberesit per afro 2 tepsi:

250 gr miell 00

150 gr gjalp

100 gr sheqer pluhur

2 te verdha vezesh

lekura e nje gjysem limoni e grire

vanilje

per zbukurimet:

karamele te forta shumengjyreshe

sheqer pluhur

e bardhe veze

ngjyra

rruaza

çokollate e bardhe

etj.

Pergatitja:

e presim gjalpin e ftohte ne copa te vogla dhe e perziejme me miellin derisa te formohen disa toptha.

I shtojme sheqerin pluhur, lekuren e limonit dhe vazhdojme e punojme brumin me duar.

Perziejme te verdhat e vezeve me vaniljen dhe ia shtojme brumit. 

Ne kete pike brumi ka filluar te marre formen e njetrajtshme, prandaj e mbeshtjellim me qese kuzhine dhe e vendosim ne frigorifer per nje nate ose per disa ore. 

Te nesermen e nxjerrim nga frigoriferi dhe e punojme pak me duar. Nese brumi do te ju duket gur i forte mos u shqetesoni sepse temperatura e duarve tuaja do te beje qe te rifitoje butesine.

Sidoqofte hapeni brumin ne pete sa eshte i ftohte se po u ngroh shume do te hasni veshtiresi ne formimin e biskotave.

Trashesia e petes eshte 4-5 mm.

Pasi kemi formuar biskotat dhe i kemi rreshtuar ne tepsi i vendosim ne frigorifer per 15 minuta.

Nderkohe ndezim furren ne temp. 180°C.

 

Per biskotat e qelqit me ane te nje forme me te vogel hapim nje vrime ku do te hidhen karamelet. Karamelet i grijme ne mixer derisa te reduktohen ne pluhur dhe i hedhim ne vrimen e formuar.

Pas 15 minutash i vendosim ne furre dhe i pjekim per 10 minuta.

Jo me teper prandaj ju keshilloje te aktivoni timer-in!

Pasi kane dale nga furra duhet te qendrojne ne tepsi derisa te ftohen plotesisht.

Nese doni te zbukuroni pemen me keto biskota mjaft t'i beni nje vrime dhe te kaloni permes saj nje fjongo. 

Ndersa biskotat e tjera i zbukurojme sipas deshires.

Per icing  rrahim nje te bardhe veze. I shtojme sheqerin pluhur dhe ngjyren e deshiruar. 

Mund t'i lyejme me çokollate te bardhe dhe te ngjisim mbi siperfaqe feta bajame etj. etj.

Receta e dyte eshte nje variant i biskotave Linzertorte te Ernst Knam.

Perberesit:

300 gr miell 00

200 gr bajame te reduktuara ne pluhur

100 gr niseshte

2 te bardha vezesh

nje maje luge kripe

vanilje

300 gr gjalp ne temperature ambjenti

200 gr sheqer pluhur

Pergatitja:

sitim miellin me niseshte dhe i shtojme bajamet e reduktuara ne pluhur.

E presim ne kubike gjalpin dhe ia shtojme mases se mesiperme.

I perziejme me duar derisa te na formohet nje mase me toptha te vegjel. Kesaj mase i shtojme sheqerin, vaniljen dhe kripen e tretur ne nje luge te vogel me uje. Ne fund i shtojme te bardhat e vezeve.

E punojme brumin qe te fitoje njetrajtshmeri dhe e mbeshtjellim me qese kuzhine.

E vendosim ne frigorifer per disa ore.

Me pas e punojme brumin shpejt e shpejt, pa arritur ai temperaturen e ambjentit.

E hapim ne nje pete me trashesi gjysem centimetri.

Formojme lulet me formen e biskotave. Ne gjysmat e tyre formojme nje rreth ose zemer ne mes.

I pjekim ne furre ne temp. 170°C per rreth 15-20 minuta.

Me pas i lyejme me reçel dhe i bashkojme.

Ne fund i sperkatim me sheqer pluhur te perziere me vanilje.

Me te njejtin brume une pergatita disa biskota te tjera ne forme gjysemhene.

Ja dhe receta e trete e sa per info kjo me pelqen me shume se 2 te parat.

Biskota me kakao 

Perberesit

300 gr gjalp ne temperature ambjenti
200 gr sheqer pluhur

15 gr mjalte

1 veze

1 e verdhe veze

360 gr miell 00

40 gr kakao

lekure limoni e grire

nje maje luge kripe

Pergatitja:

e rrahim gjalpin me rrahes elektrik. I shtojme sheqerin dhe mjaltin pa nderprere perzierjen.

Kur masa te jete shnderruar ne krem i shtojme lekuren e limonit, vezen e plote me nje maje luge kripe dhe i perziejme derisa masa te thithe plotesisht vezen. Me pas i shtojme te verdhen e vezes dhe i perziejme.

Sitim miellin dhe kakaon dhe ia hedhim mases. I perziejme me luge druri sikur te ishte torte, dmth me levizje rrethore nga poshte-lart.

Me ane te sac à poche formojme disa forma si ne foto. I rreshtojme ne nje tepsi te mbuluar me leter pjekjeje dhe i vendosim ne frigorifer per disa ore, ne menyre qe gjate pjekjes te mos e prishin formen.

I pjekim ne pjesen e siperme te furres, ne temp 200°C per rreth 10-15 minuta.

Mbi siperfaqe i zbukurojme me çokollate te shkrire ose vetem me sheqer pluhur.

Zimtsterne - Yjet prej kanelle

Ja na erdhi viti i ri,

sa jam i gezuar,

porsi une dhe çdo femije

pret per ta festuar.....

Femijet gjermane festat e fundvitit i presin me Zimsterne, qe ne shqip perkthehet, biskota prej kanelle.

Te jem e sinqerte jane me te veshtira sesa biskotat me miell dhe gjalp per t'u realizuar  por, per aromen dhe veçantine e tyre ia vlen te provohen.  E ia vlen te provohen me nje filxhan çaj me aroma.

Zimsterne

Perberesit per afro 30-40 cope:

200 gr bajame te reduktuara

150 gr sheqer

1 e gjysem, te bardha vezesh

1 luge e vogel kanelle

1 luge e vogel me ereza te perziera: xhinxher, arre moskat, karafil, te reduktuara ne pluhur

gjysem luge e vogel lekure limoni

per mbulesen:

125 gr sheqer pluhur

1 e bardhe veze

Pergatitja:

perziejme bajamet e reduktuara ne pluhur me sheqerin, lekuren e limonit dhe erezat.

Veç rrahim te bardhat e vezeve derisa te zbardhen e shkumohen dhe ia shtojme mases se mesiperme, pak e nga pak, derisa te perfitojme nje lloj brumi. Brumi i perftuar do te jete ngjites dhe i paadministrueshem, prandaj e sperkatim siperfaqen e tryezes me miell dhe e hapim brumin me duar.

Gjithashtu sperkatim edhe siperfaqen e brumit me miell, ne menyre qe okllai te mos ngjitet.

E hapim peten me trashesi rreth 1 cm.

Me ane te nje forme biskotash formojme yjet dhe i vendosim ne nje tepsi te mbuluar me leter pjekjeje.

Duke qene masa e brumit jo aq e ngjeshur si per biskotat me gjalp, do te hasni veshtiresi ne formimin e yjeve, pasi masa mbetet e ngjitur tek forma. Hilja ime konsiston ne njomjen e here-pas-hershme me uje te formes se yllit. Kerkon içik durim por garaton rezultatin.

I pjekim ne temp. 150°C per afro 15-20 minuta. Keto lloj biskotash nuk marrin ngjyren e arte te pjekjes prandaj pasi te kaloje koha e mesiperme hiqini nga furra dhe lerini menjane te ftohen.

Per mbulesen e bardhe rrahim me rrahes elektrik te bardhen e vezes derisa te shkumohet dhe i shtojme sheqerin pluhur. 

Me kete krem te bardhe lyejme siperfaqet e biskotave dhe i leme te thahen ne ambjent shtepie.

Keto lloj biskotash mund te konservohen gjate te mbyllura hermetikisht....nese rezitojne gjate :)

  

Italiano

Zimsterne - biscotti tedeschi alla cannella

Ingredienti per ca. 30-40 stelline:

200 gr mandorle in polvere

150 gr zucchero

1 +1/2 albumi

1 cucchiaino cannella

1 cucchiaino aromi macinati: zenzero, noce moscata, garofano

1/2 cucchiaino buccia grattugiata di limone

Per la glassa:

125 gr zucchero a velo

1 albume

Preparazione:

mescolare le mandorle con lo zucchero, la buccia del limone e gli aromi.

A parte montare a neve gli albumi.

Aggiungerli poco a poco alla massa sopraindicata, fino ad ottenere un impasto compatto ma appiccicoso.

Per renderlo maneggiabile spolverare la planetaria con un pò di farina.

Stendere l'impasto con le mani.

Spolverare la superficie dell'impasto con altra farina ed infine stendere non più di 1 cm.

Infornare a 150°C per ca. 20 minuti.

Lasciar raffreddare e preparare la glassa.

Montare a neve l'albume e aggiundere lo zucchero.

Splamare con la glassa i biscotti e lasciar asciugare.

Questi biscotti si conservano parecchio se chiusi ermeticamente...ma resisteranno tanto a lungo?!?! :)

Ottimi per accompagnare il tè alle spezie.

Gurabije

Receten e gurabijeve ma ka dhene nje kusherira ime qe jeton ne Greqi. I vetmi modifikim qe i kam bere recetes eshte pergjysmimi i mases se gjalpit dhe zevendesimi me sallon e derrit. Kjo per t'i dhene shijen e gurabijeve shqiptare.
Keto gurabije eshte mire te gatuhen disa dite para festes.

Perberesit per rreth 50 cope:

1 e verdhe veze

250 gr miell 00

150 gr sheqer pluhur

75 gr bajame (perdora bajame te reduktuara ne miell)
125 gr gjalp ne temperature ambjenti (ndersa une e modifikova duke e reduktuar ne 70 gr gjalp dhe 55 gr sallo derri)

1-2 luge leng portokalli

1 luge e vogel pluhur pjekes

Pergatitja:

perziejme me rrahes elektrik gjalpin, sallon e derrit me gjysmen e sheqerit. Duke i perzier, i shtojme te verdhen e vezes, bajamet, lengun e portokallit. Nje e nga nje dhe pa nxitim!

Perziejme miellin me pluhurin pjekes dhe ia hedhim perberjes pak e nga pak. Kur masa te kete marre formen e brumit e punojme me duar.

Nese e shohim shume te thate i shtojme pak leng portokalli.

E punojme brumin me duar dhe me pas e vendosim ne frigorifer per afro 30 minuta.
Pas kesaj kohe e hapim me okllai duke formuar nje pete me trashesi 3-4 mm ose edhe me teper. 

Me ndihmen e nje forme biskote, presim disa rrathe te vegjel ose forma te tjera.

I pjekim ne furre ne temp. 160°C per rreth 20 minuta.

Sipas recetes origjinale i sperkatim me arome trendafili dhe sheqer pluhur, por une preferova t'i lyej me nje icing blu te perftuar nga brumi i sheqerit i ngjyrosur me blu dhe i holluar ne zjarr me leng limoni. Me pas i zbukurova me codettet e blera ne dyqan. 

 

Qershi party

 Cupcakes me qershi dhe frosting mascarpone dhe boronica

Perberesit per 16 cupcakes:

125 gr gjalp ne temperature ambjenti

150 gr sheqer

200 gr miell

2 veze

150 gr qershi te fresketa

vanilje

2 luge kafeje fryres brumi per embelsirat

kripe, sa te kapin majat e gishtave
2 luge qumesht

Perberesit per frosting:

rreth 500 gr mascarpone

qershi

sheqer, sipas deshires

komposto boronicash

Pergatitja:

perziejme ne nje tas miellin e situr, fryresin e brumit, vaniljen dhe kripen.
U heqim berthamat qershive dhe i presim ne copa te vogla.

Rrahim me rrahes elektrik gjalpin me sheqerin derisa te formohet nje krem.
Me pas i shtojme nje e nga nje vezet, po ashtu edhe miellin e perzier me produktet e tjera. Ne fund i shtojme qershite.

Lyejme me gjalp format e cupcakes dhe u hedhim perberjen e mesiperme.

I pjekim ne furre ne temperaturen 170°C per rreth 15 minuta.

Per pergatitjen e frosting rrahim me rrahes elektrik djathin mascarpone me   sheqer. I shtojme 2 luge leng komposto boronicash.

Kur cupcakes te jene ftohur i dekorojme me fosting e mesiperm dhe me qershi te plota. I vendosim ne frigorifer deri ne momentin e servirjes.

Krostata me reçel qershie dhe luleshtrydhe  & Biskota

Perberesit per brumin frolla:

500 gr miell

200 gr gjalp ne temperature ambjenti

200 gr sheqer

2 veze

1 e verdhe veze

nje luge kafeje fryres brumi per embelsira

1 luge qumesht

kripe, sa te kapin majat e gishtave

reçel

Pergatitja:

perziejme miellin me sheqerin, gjalpin e copetuar, fryresin e brumit, kripen, vezet dhe e punojme derisa te formohet nje brume homogjen. E mbeshtjellim me qese kuzhine dhe e vendosim ne frigorifer per 30 minuta. 

Me pas hollojme nje pete te trashe me okllai, te cilen e shtrojme ne tepsine e lyer me gjalp ose e shtruar me leter pjekjeje (sugjeroj kete te fundit). Me ndihmen e nje piruni bejme disa vrima ne pete dhe i hedhim reçelin. Une i hodha reçel qershie dhe luleshtrydhe por mund t'i hidhni çfaredolloj reçeli apo edhe nutella.

Me brumin e mbetur bera disa lule ndersa krostata tradicionale kerkon disa shirita brumi qe nderthuren me njera tjetren.  

E fusim tepsine ne furre ne temp. 180-200°C per rreth 45 minuta. 

Me brumin e mbetur bera disa biskota, te cilat i mbusha me reçel trendafili te eger. 
Kam provuar disa receta brumi frolla por per mendimin tim ky eshte me i mire. Si i thone ne gjuhen e amvisave te shkrihet ne goje :)

Receta tjeter qe doja t'ju jipja eshte limonata me qershi. Ideja per kete limonate me lindi nga receta e nje mikes sime Genes, qe e falenderoj per idete, gjithashtu falenderoj edhe Genten per idene e cupcakes. 


Limonate me qershi


1 kg qershi
sheqer, sipas deshires
5 - 6 limona
bar blete (http://en.wikipedia.org/wiki/Melissa_officinalis)


Pergatitja: 


ziejme per disa minuta ne uje dhe sheqer qershite e plota derisa te nderrojne ngjyre dhe te zbuten. Me pas lengun e kullojme dhe e hedhim ne nje shishe bashke me disa qershi te plota. Shtrydhim limonat dhe ia shtojme lengut te qershive. I perziejme. I rregullojme me sheqer dhe i hedhim 3-4 gjethe bari bletesh. E vendosim per gati gjysem ore ne frigorifer dhe me pas e servirim. Aroma e kesaj limonate eshte sublime!

Biskota me muesli dhe çokollate

Perberesit per rreth 20 biskota: 

300 gr miell 00

300 gr muesli me fruta dhe mjalte

150 gr sheqer

150 gr gjalp ne temperature ambjenti

 2 kokrra veze

1/2 pako sode buke

150 gr çokollate  (une i vura 50 gr çokollate te zeze + 100 gr çokollate te bardhe)

Pergatitja:

shkermoqim mueslit ne nje tas dhe i perziejme me miellin, soden e bukes dhe sheqerin. Shkrijme ne banjomaria çokollaten dhe sapo te jete ftohur pak e hedhim ne tasin ku kemi perberesit e tjere. Hedhim gjithashtu edhe gjalpin e vezet. E punojme brumin per afro 10 minuta dhe me pas e mbeshtjellim me qese kuzhine dhe e vendosim ne frigorifer per gati 1 ore. 

Nderkohe shtrojme me leter pjekjeje nje tepsi dhe nxehim furren ne temperaturen 180°C.

Per te formuar biskotat nuk perdora as holluesin e peteve dhe as formen e biskova por me duar formova disa gogla te cilat me pas i shtypa duke i dhene formen si ne foto.

E vendosim tepsine ne furre ne temperaturen 180°C per 10-15 minuta. Pasi ka mbaruar koha e pjekjes i nxjerrim nga furra dhe i leme te ftohen.

Sugjeroj t'i sherbeni per mengjes te shoqeruara me nje gote qumesht pasi keto bistoka, duke pasur ne perberje te tyre fibra, mjalte, yndyrna dhe fruta i japin trupit energjine e nevojshme per te perballuar diten.