Shkruaj perberesin ...

Sunday, September 30, 2012

Menu vjeshte




Gnocchi me kungull te verdhe, karrota dhe pesto gjenovez

Perberesit per 4-6 persona:
500 gr gnocchi te gatshme ose homemade
2 karrota
150-200 gr kungull i verdhe
100 gr pesto gjenovez
vaj ulliri 
kripe
piper

Pergatitja:
presim a julienne karrotat dhe kungullin.
I skuqim per pak minuta ne vaj ulliri te nxehte.
Veç ziejme ne uje te kripur gnocchi-it.



Marrim pak uje nga gnocchi-t dhe me te shuajme karrotat dhe kungullin.
I kullujme gnocchi-it duke ruajtur pak uje per te lidhur pjaten.
Bashkojme peston gjenovez me perimet dhe i shtojme ujin qe hoqen nga zierja. I kaurdisim mbi zjarr.
E rregullojme harxhin me kripe dhe piper.
I shtojme gnocchi-t e kulluar. I perziejme shpejt e shpejt dhe i servirim menjehere te sperkatur me djathe parmigiano reggiano.




Fileto mishi me krem kungulli

Perberesit per 4-6 persona:

rreth 500 gr fileto viçi (mundesisht te fresket, pra te blere tek kasapi)
200 gr speck
5 te bardha vezesh
1,5 kg kripe kokerrmadhe
2 luge miell
rozmarine e fresket
trumez e fresket

Pergatitja:
lyejme me miell fileton e mishit dhe e skuqim ne nje tigan te nxehte. E kriposim dhe peperosim.
Nderkohe perziejme kripen kokerrmadhe me te bardhat e vezeve.
Gati nje çerek te sasise e vendosim mbi nje tepsi te veshur me leter alumini.
 

 
Vendosim mbi kripe edhe erezat e fresketa.
E mbulojme fileton me feta speck-u dhe me kripen e mbetur.



E shtypim fort me duar ne menyre qe fileto te vishet me kripe.
E shpojme ne siperfaqe me pirun dhe e pjekim ne furre ne temp. 190-200 °C per afro 50 minuta.
E leme te ftohet, para se ta presim ne feta.





E sherbejme mbi nje krem kungulli te verdhe
Perberesit per 4-6 persona:
1/2 qepe
1/2 pras
1/2 kungull i verdhe
1 thelb hudher
1 karrote
kripe
piper
vaj ulliri
gjysem gote vere e bardhe
leng perimesh
3 luge pana

Pergatitja:

aromatizojme vajin me thelbin e hudhres dhe sapo hudhra te ndryshoje ngjyre, e heqim nga tigani.
Skuqim ne te njejtin tigan qepen, prasin, karroten dhe kungullin, te prera trashe, derisa te zbuten.
I kriposim, peperosim dhe i shuajme me vere te bardhe.
Sapo vera te shteroje, i hedhim leng perimesh ose thjesht uje.
Me ane te nje frulatori e reduktojme masen ne nje leng homogjen.
E rivendosim mbi zjarr dhe e trashim se bashku me panen.
Shtrojme nje shtrat kremi ne pjate dhe mbi te vendosim fileton e viçit. E sperkatim me piper te zi dhe pak vaj ulliri.

Ndersa per ta paraqitur sa me rustike, ziejme perimet dhe i skuqim ne gjalp.

P.S.: kremi mund te serviret edhe veç si supe.
 


 
Per ta mbyllur kete menu vjeshte mendova per nje embelsire te lehte...

Xhelatine rrushi

Perberesit per 4-6 persona:
per xhelatinen e rrushit:
400 cl uje
80 gr sheqer
20 gr xhelatine (colla di pesce)
2 luge liker menteje
1 luge leng limoni
rrush

per xhelatinen e qumeshtit:
300 cl qumesht
60 gr sheqer
7 gr xhelatine
40 cl uje
esence vanilje

Pergatitja:
zbusim ne uje te ftohte xhelatinen.
Ne nje tenxhere hedhim ujin dhe sheqerin dhe i vendosim mbi zjarr derisa te arrijne temp. e vlimit.
I shtojme xhelatinen dhe i perziejme mire me tel kuhine derisa xhelatina te shperbehet. 
Me pas i shtojme leng limoni dhe liker menteje.
E hedhim gjysmen e lengut te perftuar ne nje tas dhe sapo te jete ftohur pak vendosim kokrrat e rrushit.
E ftohim tasin ne uje te akullt e me pas per pak minuta ne frigorifer ne zonen e akullit.
Nderkohe pergatisim xhelatinen e qumeshtit.
Zbusim fletet e xhelatines ne uje te ftohte. 
Hedhim qumeshtin, sheqerin dhe vaniljen ne nje tenxhere dhe i vendosim mbi zjarr derisa te arrijne temp. e vlimit.
Shtrydhim fletet e xhelatines dhe ia shtojme qumeshtit.
I perziejme me tel kuzhine derisa xhelatina te shperbehet.
E ftohim qumeshtin duke e vendosur tenxheren mbi nje ene me uje te akullt.
Sapo xhelatina ne frigorifer te jete mpiksur, i hedhim xhelatinen e qumeshtit, tashme te ftohur.
E rivendosim tasin ne frigorifer, ne zonen e akullit, derisa te mpikset edhe xhelatina e qumeshtit.
Me pas i hedhim gjysmen e mbetur te xhelatines se rrushit dhe e rivendosim ne frigorifer (jo ne zonen e akullit!) per disa ore.




Saturday, September 29, 2012

Sandwich vjeshte

Nga koleksioni vjeshte/dimer i Ballakumes vjen per ju Sandwich-i chic!...






Homemade sandwich me kungull 
(po te vini ne kete periudhe vjeshte ne Bolzano, keto lloj buka te vogla me kungull te verdhe i gjeni ne te gjitha dyqanet e bukes. Ne fakt edhe une zakonisht i blej atje, por sot, si per t'i uruar mireseardhjen stines se vjeshtes, vendosa t'i bej vete)

Perberesit:
rreth 500 gr miell (une perdora 300 gr miell 00 + 200 gr miell amerikan Manitoba 0)
20 gr gjalp
30 gr maje birre e fresket
300 gr kungull i verdhe (vetem tuli)
200 ml qumesht
gjysem luge (gjelle) kripe

Pergatitja:

fillimisht pjekim ne furre ose e gatuajme ne avull kungullin. 
E reduktojme ne pure duke e shtypur me pirun.
Perziejme miellrat me tulin e kungullit.
Tresim ne qumeshtin e vaket majen e birres te fresket dhe kripen.
Ia shtojme mases me miell e kungull dhe i perziejme derisa te perftojme nje brume homogjen.
E leme te bymehet per afro 1 ore ne vend te ngrohte.
Pas kesaj kohe e ripunojme brumin siç bejme me pizza-n..duke e  palosur disa here (shiko ketu pergatitjen e pizzas-:Pizza ).
E ndajme ne topa te vegjel dhe e vendosim mbi nje tepsi te lyer me vaj.
I leme te bymehen edhe per 1 ore tjeter dhe i pjekim ne temp. 180°C per afro 50 minuta.
Ne fund i lyejme me gjalp.

Per kompletimin e sandwich duhen:

gjalp
djathe provola
speck i pjekur ne zgare
rradhiqe te pjekura ne zgare ose te skuqura ne pak vaj ulliri
kripe
piper
salce tartare

Pergatitja:

Pjekim ne zgaren e nxehte rradhiqet e pastruara dhe fetat e speck-ut. Rradhiqet i kriposim dhe peperosim.
Ndajme me dysh paninet dhe i lyejme me gjalp.
I mbushim me rradhiqet e nxehta. Vendosim mbi rradhiqe djathin, i cili nga nxehtesia do te shkrihet pak dhe mbi te vendosim disa feta speck.
E servirim menjehere sandwich-in te shoqeruar me coca-cola, birre ose me vere te bardhe dhe me salce tartare.
Gjak e dhjame :D



Tuesday, September 25, 2012

Valixhja e emigrantit


Fenomeni i emigracionit, kesaj zhvendosje te nje individi ose te nje grupi individesh nga nje vend ne tjetrin ne kerkim te nje jete ekonomike, politike ose sociale me te mire, eshte perceptuar nga nje pjese e mire e shoqerive te varfera dhe patriarkale si nje plage e madhe.
Kujtoj qe ne vitet '90 momenti i ndarjes ne port apo aeroport merrte konotacione dhimbjeje dhe perjetohej me nje mallengjim te papershkrueshem ne nje pasarele dialektizmash me shami ne koke qe percillnin emigrantin drejt nje Qerbelaje shume komforte.
Megjithe bindjet e mija qe emigracioni nuk eshte aq i keq sa duket....jo se mua me ka ecur mire...(marshallah! :P)...por sepse i ndodhur perballe nje realiteti krejt te ndryshem nga ai shqiptar, qe te hap shume dyer edhe fale nepotizmit, korrupsionit e imoralitetit, ne emigrim je askushi, e ky status te ndihmon te kuptosh cili je, pra te ben te rivleresosh veten me objektivitet duke te qartesuar aftesite e limitet e tua. 
Te perball me kultura te reja dhe (po pate nje mimimum QI) kupton qe ne kete bote jemi te gjithe njesoj, pavaresisht ngjyres se lekures apo prejardhjes.
Eshte njesoj sikur te te zhvendosin nga nje poçe qelqi ku jetoje i vetem, ne nje akuarium te madh me lloje te ndryshem peshqish. Sado te jesh masturbuar me idene qe ti je me i zgjuari, sepse i perket nje populli te lashte, sipas disave te perzgjedhur qe prej gjenezes, ne akuarium meson se je veçse nje peshk midis shume peshqish. Per disa eshte tragjedi, por per shume te tjere eshte hapi i pare dhe me i rendesishem per te hequr nga vetja ate barre te rende paragjykimesh te bazuara ne ndjenja inferioriteti apo superioriteti e per ta konsideruar veten qytetar i botes. 

Pra, mgjth keto bindjet e mija komplet majtiste, perpjekjeve per te qene menefregiste para çdo patetizmi, antikonformiste e papare, para ketyre skenave ne aeroportin Nene Tereza mbushja syte me lot e me ikte kerthiza per 1 muaj rresht.
Prandaj them rrofsh o internet qe na i zvogelove distancat! 
Tanime jo vetem aeroporti Nene Tereza ngjason me çdo aeroport tjeter te jashte-shtetit, por edhe emigracioni eshte bere me i lehte per t'u perballuar. Malli per Aqifin (busti i te cilit ishte vendtakimi kur lihej ora e mesimit e vend gjuetie lidhjesh dashurore) shuhet brenda dites, sepse del kusherira apo shoqja nje xhiro andej, i ben nje foto me Iphone dhe tak ta dergon ne facebook. 
Kur te shkon mendja per tave me kos i ben nje cerre gjyshes ne skype dhe jo vetem me fjale por edhe me figure ta tregon sesi bahet.
Daja do te mesoje ku jeton?...mjafton nje klik tek google earth dhe ai mund te shikoje ballkonin tend, makinen e parkuar jashte, madje edhe ty duke pire kafen tek bari poshte shtepise :))
Azhornimi i statuseve ne fb te shoqes tende te kopshtit, me te cilen nuk je pare qe nga koha kur thithnit gishtin e madh te dores te djathte ne nje cep dhome te kopshtit tek Odesa, te ben te qeshesh, te gezohesh e te merakosesh, duke e bere miqesine tuaj me te forte seç ishte ne kohen e kopshtit.

Ah more rilindas e shikoni çka bere interneti!...edhe guret e mehalles ku copetoheshim ne femijeri t'i sjell para syve...
Sikur te ekzistonte mundesia te te lehtesonte edhe valixhen duke te sjellur djathin kaçkavall, gizen e Elbasanit, bozen, llokumin me arra, simiten me bugaçe, byreket me mish.... ah sa mire do te ishte!!
Por une jam shume e bindur qe do te vije edhe ajo dite! Nderkohe  ne emigranteve s'na mbetet gje tjeter veçse te ngarkohemi si gomere dhe te bejme te paditurit kur polici na pyet ne kemi gje per te deklaruar :PPP 

Duke perfituar nga ky udhetim treditor ne Shqiperi, u nisa nga Bolzano e pajisur me post-it(in) e reçelit te fikut per ta pergatitur  nen mbikqyrjen e nanes.
(ç'qenke ftof n'tajare ti goce! - qene shprehjet shprehimisht te shprehura, por me thoni ju ku t'i gjeje goca fiqte e katunarit elbasanas ne mes maleve Dolomiten????)
Por nana mi aveva battuto sul tempo! Duke e ditur sa qejf i kam une fiqte me kishte bere gati 2 kavanoza me reçel fiku :)




Reçel fiku sipas nanes

Perberesit:
1kg fiq katunaresh elbasanas (po edhe tironas..pse jo!)
600 gr sheqer 
1 gote uje
gjysem luge e vogel limontoz


Pergatitja:

vlojme sheqerin me ujin ne zjarr te ulet derisa te trashet dhe te behet sherbet (e jo uje prroi! - tha nana).
Hedhim fiqte e lare por te plote dhe i ziejme derisa te zbuten.
Ne fund i hedhim limontosin dhe i leme ne zjarr edhe 10 minuta te tjera
Gjak e dhjame :D


  

Tuesday, September 18, 2012

Menuja e pritjes

Antipastat e mireseardhjes ne stilin fingerfood, qe zakonisht Ballakumja preferon t'i sherbeje me kembe:





Domate te mbushura....

....me pesto:
10 domate qershize
rreth 50-60 gr gjize pa kripe
nje luge pesto gjenovez
nje luge stika pishe
borzilok

Pergatitja:
pastrojme domatet dhe i zbrazim nga farat. I permbysim qe te humbasin lengun dhe nderkohe perziejme gjizen me peston dhe stikat e pishes.
Mbushim me kete krem domatet dhe i fusim ne furre ne temp. 200°C per rreth 15 minuta.
I sherbejme te zbukuruara me borzilok.

...me krem ulliri
10 domate qershize
10-15 ullinj
quark ose kos grek 
kripe

Pergatitja:
pastrojme domatet dhe i zbrazim nga farat. I permbysim qe te humbasin lengun dhe nderkohe grijme ne mixer ullinjte.
Perziejme ullinjte me quark ose kos grek te trashe. E rregullojme me kripe dhe piper dhe mbushim me kete mase domatet.

... me kos grek dhe hudher gjarpri

Pergatitja:
pergatiten njesoj simesiper, por mbushja behet me kos grek dhe hudher gjarpri.





Torteza me kos grek dhe ereza te fresketa

Perberesit:
pete pastasfoglia
rreth 200 gr kos grek
ereza te fresketa: hudher gjarpri, majdanoz, koper
1 veze
kripe
piper
gjalp

Pergatitja:
shtrojme ne tepsine e muffin peten e pastafoglia-s duke i dhene formen e nje foleje.
Perziejme kosin me vezen, erezat e fresketa te grira imet, kripe, piperin dhe 2 luge gjalp.
Mbushim çdo foleze me harxhin dhe e pjekim ne furre ne temp. 180° derisa te marrin nje ngjyre te arte.
I servirim te ngrohta.






Bruschetta me speca te pjekur

Perberesit:
feta buke per bruschetta
speca te pjekur
'nduja kalabreze ose salsiçe pikante
hudher
salce domatesh
vaj ulliri
kripe

Pergatitja:
pjekim specat ne zgare.
Aromatizojme vajin e ullirit me hudhren e shtypur ne nje tigan dhe sapo hudhra te ndryshoje ngjyre e heqim nga tigani dhe skuqim ne te 'nduja-n kalabreze ose salsiçen pikante te shkermoqur.
I shtojme salcen e domates dhe specat e pjekur.
I gatuajme ne zjarr mesatar derisa salca te trashet.
E rregullojme me kripe dhe e servirim sebashku me mozzarella-n dhe buken e thekur per te formuar secili bruschetta-n e vet.







Pjata e pare
Palaçinka me spinaq dhe gjize

Perberesit per palaçinkat:

4 veze
rreth 500 ml qumesht
200 gr miell
40 gr gjalp

Perberesit per mbushjen:
1 kg spinaq
200 gr gjize
1 veze
djathe parmigiano reggiano
arre moskat
beshamel

Pergatitja:

Ziejme spinaqin ne uje te kripur per pak minuta, e kullojme dhe e shtrydhim mire.
E grijme imet dhe e skuqim ne gjalp.
I shtojme gjizen dhe e rregullojme me kripe dhe arre moskat.
I shtojme gjithashtu disa luge beshamel, ne menyre qe mbushja te behet sa me kremoze.
Per palaçinkat rrahim vezet me qumeshtin, miellin dhe gjalpin e shkrire. I rregullojme me kripe dhe i vendosim per gjysem ore ne frigo.
Me pas i gatuajme ne tigan te nxehte e te lyer me gjalp per pak sekonda.
Mbushim me kete harxh palaçinkat dhe i palosim me dysh.
Lyejme me gjalp nje tave dhe shtrojme palaçinkat e palosura.
I hedhim persiper disa luge beshamel.
I sperkatim me djathe parmigiano reggiano te grire dhe disa copa gjalpi.
I pjekim ne furre ne temp. 180° per afro gjysem ore.







Pjata e dyte
Rosto me cironka dhe kontorno patatesh e kerpudhash

Perberesit per 6-8 persona:

Per roston:
afro 1 kg mish viçi i madh per rosto
5 cironka te konservuara ne kripe 
2 salsiçe (mantovane)
2 qepe
1 gote vere e bardhe
kripe
miell
vaj ulliri
2 luge gjalp

Pergatitja:
lidhim me spango mishin. 
Grijme ne feta te holla qepet dhe i skuqim ne gjalp e vaj ulliri sebashku me salsiçen e shtypur me duar ose pirun dhe me cironkat e shpelara mire e mire ne uje te ngrohte.
I kaurdisim derisa cironkat te shperbehen.
Lyejme me miell mishin dhe e skuqim nga te gjitha anet me harxhin e mesiperm.
E shuajme me vere te bardhe dhe sapo vera te shteroje, i hedhim uje sa te mbulohet.
E ziejme ne zjarr mesatar per afro 3 ore ose derisa mishi te rezultoje shume i bute, sikur "te shkrihet ne goje".
Pasi eshte ftohur e presim ne feta. Per ta bere me delikat e filtrojme lengun dhe e shterojme ne zjarr.
(Personalisht e preferoj te pafiltruar.)
Vendosim ne pjatance fetat e mishit dhe i lagim me lengun e mesiperm.





Per kontornon me patate dhe kerpudha:

8 patate
afro 500 gr kerpudha champignon
djathe parmigiano reggiano 
majdanoz i fresket
kripe
piper
vaj ulliri 
gjalp

Pergatitja:
qerojme dhe presim ne feta patatet dhe kerpudhat.
Lyejme me gjalp nje tepsi dhe shtrojme nje baze me feta patatesh, te cilat i mbivendosim pak mbi njera-tjetren.
Mbi patate shtrojme nje shtrese me feta kerpudhash dhe e perfundojme kete tip lasagne perimesh me fetat e patateve.
I kriposim dhe i sperkatim me djathe parmigiano reggiano, piper te zi, vaj ulliri dhe pak gjalp mbi secilen.
I sperkatim gjithashtu me 1 gote uje.
I pjekim ne furre me temp. 180°C per afro gjysem ore.
Duhet te rezultojne krokante ne siperfaqe dhe te buta ne brendesi.
E servirim roston me kontornon e mesiperme.







Embelsira
Pavlova te vogla me gliko dredhezash

Perberesit per 8 persona:

400 gr te bardha vezesh
400 gr sheqer normal
400 gr sheqer pluhur

dredheza
sheqer sipas deshires
pana per embelsira

Pergatitja:
per te realizuar mafishet vezet duhet te jene ne temp. ambjenti, prandaj e mira eshte t'i nxirrni nga frigo nje nate me pare dhe para se t'i rrihni, t'i zhysni per disa sekonda ne uje te ngrohte.
Rrahim me rrahes elektrik te bardhat e vezeve me sheqerin normal derisa te fryhen, te dendesohen dhe te zbardhen. Masa duhet te jete aq kompakte, sa po te provojme ta kthejme permbys tasin, ajo s'duhet te levize fare.
Pra, kur masa eshte gati, i shtojme sheqerin pluhur dhe e perziejme, jo me me rrahes elektrik, por me luge druri ose tel kuzhine, duke bere levizjen rrethore nga poshte-lart.




Veshim me leter kuzhine nje tepsi dhe me ane te nje sac-a-poche formojme disa fole.
I pjekim ne furren ne temp. 60°-70°C per rreth 3 ore, duke e lene kanatin e furres pak te hapur (si ne foto).




Pasi jane pjekur, pra kur rezultojne te forta ne prekje, i leme te ftohen per afro 1 ore tjeter ne furre te fikur. 
Per mendimin tim eshte mire te gatuhen nje dite perpara, sepse sa me teper te pushojne aq me te mira jane ne shije.
Ne fund i vendosim mbi pjaten e servirjes dhe i mbushim me pana te rrahur me pak sheqer dhe me gliko dredhezash, te cilen e pergatisim duke vluar per disa minuta dredhezat me sheqer dhe pak leng limoni.

Gjak e dhjame :D

Wednesday, September 12, 2012

Meze me qiqra dhe djathe halloumi







Perberesit per 1 person:

1 kavanoz qiqra te konservuara (ose po jua mbajti zieni vete per disa ore :D)
2-3 gjethe mente
1 luge uthull vere e bardhe
1-2 veze
feta buke
feta djathi halloumi
kripe
vaj ulliri
qepe ose me mire scalogno


Pergatitja:

kullojme dhe shpelajme ne uje te rrjedhshem qiqrat.
Presim ne feta scalogno-n ose qepen.
Hedhim ne mixer menten dhe uthullen, i grijme derisa te reduktohen  ne nje krem homogjen.
I shtojme vaj ulliri dhe perziejme qiqrat me kremin e perftuar dhe me qepen.
Thekim fetat e bukes.
Presim djathin ne feta dhe e skuqim ne vaj ulliri.
Shtrojme fillimisht ne pjate qiqrat, me pas grijme me thike ne copa te vogla vezen e zier dhe e shtrojme mbi qiqra e ne fund mbi to vendosim djathin e skuqur. 
I sperkatim me pak vaj ulliri dhe e servirim mezen me raki rrushi.

Hajt gzuar! :P





Tuesday, September 11, 2012

Kush e njeh Hugon?

Aperitivi Hugo eshte shpikur vitet e fundit ne Bolzano dhe e veçanta e tij eshte se permbledh pijet e preferuara te bolzanineve, prosecco-n, e cila eshte nje vere e embel dhe shurupin e shtogut, te aromatizuara keto me mente te fresket. 
Mendoj se kjo pije ka influencuar dukshem ne rritjen e numrit te femrave bolzanine qe konsumojne alkol, pasi Bolzano eshte qyteti i vetem ne Itali ku 66% e femrave konsumojne te pakten 1 pije alkolike ne dite, pra ne si province tejkalojme me 6% mesataren kombetare (53,4%). 

Ehhehe e di ç'po mendoni!... :PPP
Por, pa dashur te marre rolin e avokatit-te-djallit, po ju them qe Bolzano ka nje tradite te hershme aperitivi. 
Nese ne Elbasan takimi me miqte ndodhte pasditeve, gjate shetitjeve ne bulevardin kryesor, per te perfunduar me pas para nje filxhani kafe, ketu si piketakimi eshte bari (lokali). Pas ores 19.00, ath kur njerezit dalin nga puna, baret mbushen plot me grumbuj miqsh, qe diskutojne te rejat e dites duke konsumuar kryesisht alkol. 
Pastaj ne varesi te diskutimeve jane ndare edhe baret, psh. kush frekuenton "Nadamas" apo "Banco di Pesce" eshte kryesisht individ me bindje politike te majta, por po te shkosh pak me tutje, ne sheshin kryesor Walther, gjen disa bare qe mbushen me njerez chic qe harrojne te heqin xhaketen edhe ath kur Ballakumes i shkon djersa ne vendet e turpshme, ndersa po te shkosh ne barin e muzeut kontemporan gjen dashamires te artit, sepse aty here pas here zhvillohen takime me artiste.... 
Kjo ndodh sot, por dikur keto bare frekuentoheshin pothuajse vetem nga meshkujt, pra kjo perqindje e larte e femrave qe konsumojne  alkol nuk eshte gje tjeter veçse indikator emancipimi mendoj une. 
He pra..! - do te thoshte nje mikja ime qe me shoqeron ndonjehere per aperitiv :P





P.S.: Hugon e fotos e kane pergatitur baristet e hotel-wolfsgrubenersee ne liqenin Costalovara/Renon (afro 20 minuta nga Bz), por ju siguroj qe receten e meposhtme e kam provuar me dhjetera here ne shtepi...



Costalovara




Meqe jemi ne temen e pijes, ja dhe nje grup çunash kosovare qe me pelqejne fort-fort....e qe me Hugon shkojne persembari! :)







HUGO

Masat jane me sy...
2/4 e enes me vere te thate te embel, pra prosecco
1/4 e enes me shurup shtogu, i cili blihet i gatshem ose pergatitet vete (sciroppo di sambuco hidhi nje sy wikit: http://it.wikipedia.org/wiki/Sambucus)
1/4 e enes me uje te gazuar
disa gjethe mente te fresketa 
akull

Pergatitja e Hugos:
hidhen  lengjet njeri pas tjetrit ne ene. I shtohen gjethet e mentes dhe disa kubike akulli. 
Serviren menjehere....duke i shoqeruar me nota jazz-i dhe ZUM WOHL ("me shendet", ne dialektin e gjermaneve te Alto Adiges)


P.P.S.: Per pergatitjen e shurupit te shtogut, qe ketu gjen perdorim  edhe si pije freskuese gjate stines se veres, ka shume variante.
Ne fillim te veres nje mikja ime me kaloi receten e saj qe fotokopjova, por qe s'pata nge ta provoja... 

Ne nje tas hedhim 2 l uje dhe 2 limona te ndare pergjysem. Shtojme ne tas 15 lule shtogu dhe i marinojme per rreth 2 ore e gjysem.
Me pas nxjerrim nga tasi lulet dhe limonat e shtojme 3 kg sheqer dhe dy luge limontoz. I perziejme mire e mire derisa sheqeri te shkrihet plotesisht.
E leme shurupin te pushoje per 24 ore e me pas e filtrojme ne shishe te pastra. 
E ruajme ne frigorifer.

Monday, September 10, 2012

Gjyveçi me oriz dhe 2 llafe per Kroacine

Qekur ka lindur hana15she, Kroacia eshte bere destinacion habitue per familjen time, pra mahnitja e heres se pare eshte zvanitur prej kohesh. Prandaj per kete arsye kisha vendosur te mos ju flisja per pushimet e mija, por nje mikja ime me shkruante ne e-mail qe eshte ne pritje te recetave, prandaj per te kenaqur kureshtjen e saj u vura te shkruaj dy fjale per Kroacine e te gatuaj nje specialitet qe haset me shpesh ne restorantet kroate.
Kroacia fale çmimeve te uleta eshte bere ne vitet e fundit destinacioni i preferuar i shtreses se mesme gjermane, austriake, italiane, polake, sllovake dhe çeke.
Kur e zgjodha per here te pare per te kaluar pushimet verore te 2006, isha goxha skeptike, por fatmiresisht, ne paragjykimet e mija u gabova. Ne pergjithesi kroatet jane njerez te sjellshem, te perulur dhe menderisht shume me te hapur sesa pjesa tjeter e Ballkanit. E theksoj kete te fundit duke u nisur nga fakti qe, Kroacia qe vendi i pari qe lejoi nudizmin (qe me 1936) dhe sot, mgjthse nudistet kane plazhet e tyre, qe ne te shumten e rasteve gjinden ne zona te fshehura e shpesh jo fort te kollajshme per t'u arrire, shpeshhere te apasionuarit e kesaj kulture i gjen "ashtu si i ka bere nena" edhe ne plazhet e vogla qe s'kane shenjen FKK (nga gjermanishtja Frei Koerper Kultur), pra edhe ne ato plazhe te destinuara per plazhistet me kostume. 
Per te mos folur pastaj per topless, qe lejohet absolutisht ne te gjitha plazhet.
Kjo persa i perket hapjes mendore kundrejt thyerjes se tabuve, sepse kur behet fjale per nacionalizmat, ngel sharra ne gozhde edhe atje...


Ishulli Losinj


Nga pikepamja e pejsazhit, Kroacia me nje vije bregdetare prej 5.325 km, eshte nje bukuri e rralle natyrore. Nje pafundesi gjiresh te vegjel me det kristalor qe shnderrohen gjate veres ne plazhe relaxuese dhe shume intime.


Ishulli Rab

Pushimi ne det mund te thyhet nga vizitat neper qytetet si Split, Zadar, Trogir,  Dubrovnik, Pula etj., te cilat jane nje thesar per njerezimin, sepse kane te skalitur ne muret e tyre historine e kohes se lulezimit te perandorise romake, por po te kerkosh gjen edhe gjurme akoma me te hershme, kur Kroacia e sotme i perkiste ilireve.





Goli Otok, burgu i kundershtareve te regjimit komunist 

Per ato pushuese qe preferojne qetesine dhe jeten rurale, Kroacia eshte perfekte, pasi politika turistike qe ndiqet eshte "Ne te bejme te ndjehesh si ne shtepine tende", pra mungojne struktura hotelerie te stermedha (qe une i quaj monstra) dhe i eshte dhene prioritet prones private.
Ne vitet e fundit edhe çmimet e apartamenteve apo dhomave private jane unifikuar. Kudo ne Kroaci çmimi i nje apartamenti i perbere nga nje dhome gjumi/kuzhine/banjo/ballkon, ne muajt korrik e gusht, vertitet tek 50 euro nata.



Ishulli Losinj




Persa i perket kuzhines, si gjithe ballkanasit e tjere, edhe kroatet nuk kane kulture peshku. Mgjthse vend bregdetar, Kroacia ka nje kuzhine te varfer, ku ndjehet shume influenca e kuzhines austro-hungareze dhe turke. Peshkut nuk dine t'i bejne shume salltanete. E marinojne me hudhra, vaj e ndonje ereze dhe e pjekin mbi zgare. 
Do te ishte nje pjate bajate, por e shpeton vetem freskia e peshkut!
Siç ndodh rendom kudo neper restorantet ballkanike, si pjata tipike te servirin berxolla mishi, kryesisht te pjekur ne zgare, qofte, sallate e salca, ndersa per pjatat e veçanta, si tavat apo superat, pra pjatat me te vertete tipike, duhet te djersitesh 7 kemisha per t'i gjetur.
Ama kuzhina italiane nuk mungon asnjehere! Makaronat bejne namin nder gjermane, por jane aq te ziera sa shpesh te ngecin ne fyt...
Pjatat kryesore me mish, qe gjinden ne menyne e te gjitha restoranteve kroate, jane cevapcici dhe plejskavica te shoqeruara me salce hajvar dhe ajke qumeshti te kripur.
Shume te mira nese pergatiten vete, por rrallehere i gjen te tilla, sepse ne te shumten e rasteve perdorin produkte industriale.
Edhe persa i perket embelsirave, asgje e veçante per t'u shenuar...
(ose me sakte: asgje e veçante nga ato qe servirin ne restorante apo pastiçeri, shume prej te cilave nuk jane embelsira kroate, por kjo s'do te thote qe pastiçeria kroate nuk ka embelsira te veçanta.... vetem se edhe keto duhet t'i kerkosh me qiri dylli...)

Vererat jane çka-çka...
Produkti kroat qe pelqej shume eshte nje lloj djathi qe prodhohet ne ishullin Pag e qe quhet "paski sir". Kosto e tij i tejkalon 400 Kuna, pra me shtrenjte sesa Grana Padano apo Parmigiano Reggiano, por per shijen e mrekullueshme i ka hallall :).





Kete vit une i kalova pushimet ne nje ishull, te cilin kroatet e quajne Rab, por qe para se te pushtohej prej tyre kishte emrin ilir Arbe.
Nje ishull me pejsazhe shume te bukura. Me lloje te ndryshme plazhesh e me bimesi te dendur. Gjithashtu nder te paktet ne Kroaci qe ka nje numer te madh plazhesh me rere.
Duke qene i njohur pikerisht per plazhet me rere, eshte shume i frekuentuar nga turistet, sidomos familjare me femije te vegjel.
Ne vere mbipopullimin e has qe tek rradhet per te kapur tragetin (gjate dites rradha zgjat 4-5 ore), pastaj ne plazhet, me i frekuentuari i te cileve, San Marino ne Lopar, mbushet me plazhiste me keq se Riviera Romagnola ne muajin gusht.
Ndersa per te shijuar pak intimitet e qetesi duhet te marresh me kembe shtigjet per te arritur ne plazhet FKK. Mesatarisht duhen rreth 20 minuta me kembe dhe kur mberrin gjuha te ka shkuar tek sholla e kepuces. Aspak komode!
Gjeja me e mençur ishte marrja me qira e nje barke. çmimet nuk jane te ekzagjeruara dhe mbi te gjitha per barkat e vogla me motor nuk kerkohet as patente. Marrja me qira e nje barke te jep mundesine te zbulosh shume plazhe te virgjera, ku  je vetem ti dhe deti... e ndonje pulebardhe.
Pra, miqte e mi nese veren tjeter keni ndermend te shkoni ne Kroaci, ju keshilloj ishujt. Nese nuk jeni familjare, mos prenotoni ne nje vend te gjithe pushimet tuaja, por levizni dhe vendosni atje ne baze te ekzigjencave tuaja. çdo vend i banuar ka nje agjensi turistike. Jane shume te organizuar, te sjellshem me klientin dhe flasin disa gjuhe te huaja edhe ne fshatrat me te humbur. 


Ishull Pag
Ishulli im i zemres, aty ku kam kaluar pushimet me te bukura dhe  ku ndaloj sa here shkoje ne Kroaci (qe te shkoni aty duhet te me kerkoni leje :D), eshte ishulli Pag, qe gjindet 1 ore larg Zadarit.
Ka plazhe si per ato qe preferojne turmen edhe per ato qe duan qetesine. Madje ka edhe plazhe ku niveli i jodit ndjehet me hunde. 
Afersia me Zadarin garanton jeten e nates, mgjthse ne Pag gjindet gjithashtu edhe nje diskoteke e madje edhe nje plazh qe frekuentohet kryesisht nga te rinjte.
Aty prodhohet djathi qe permenda me siper, gjithashtu edhe kripa me te njejtin emer.

OK, kaq per Kroacine se u lodha...nese doni informacione me te detajuara me kontaktoni ne privat :)




Ballakumja ne Split


Receta e gjyveçit nuk eshte tamam kroate, por ata ta servirin si te tille :)
Ta servirin pothuajse kudo si kontorno, sebashku me cevapcici.
Une sot po ju percjell variantin me mish. 
Me thene te drejten ia futa içik kot sepse nuk e di receten e gjyveçit...por ama ju garantoj qe doli me nam :)




Gjyveç me oriz dhe mish qingji

Perberesit:
3-4 kunguj te njome
1 qepe
200 gr oriz 
majdanoz
2 domate te kuqe e te buta
3 luge salce domatesh
kripe
piper
vaj ulliri
mish qingji


presim ne feta qepet dhe i skuqim ne vaj ulliri sebashku me thelat e mishit te qingjit. Me pas i shtojme salcen e domateve.
I hedhim 3 gota uje dhe kripe, e i japim nje vale mishit, sa te zbutet pak. Me pas ndajme veç mishin nga gjella.
Presim ne feta kungujt e njome.
Veç zhysim per pak sekonda ne uje te nxehte domatet, sa per t'i hequr kollajshem lekuren, e me pas i presim ne feta.
Shpelajme orizin ne uje te ngrohte.



Ne taven e baltes shtrojme ne fillim fetat e kungullit, mbi to shperndajme nje dore oriz dhe i hedhim nje garuzhde gjelle.  




Vazhdojme me kete renditje derisa te mbarojne harxhet dhe ne fund vendosim mbi siperfaqe fetat e domateve dhe thelat e mishit.



Sperkatim siperfaqen me shume pak nenexhik dhe e pjekim ne furre  ne temp. 200°C per afro gjysem ore ose derisa orizi te rezultoje i zier.
Gjak e dhjame :D






Related Posts Plugin for WordPress, Blogger...