Tave me koke qingji dhe patate

Kuzhina e Sardegna-s me pelqen jashte mase sepse i afrohet shijeve te mia ballkanike. Ashtu si kuzhina greke, sidomos ajo e ishujve, apo kuzhina e Rivieres shqiptare, eshte nje kuzhine e thjeshte por, fale karakteristikave morfologjike dhe klimes, e forte ne shije dhe aroma. 
Te ngreje doren kush ka ngrene qingj te pjekur e te shoqeruar me pilaf e kos ne Llogara dhe nuk eshte mahnitur nga shija e tyre?
...idem me produktet e Sardegna-s. 
Por kuzhina e Sardegna-s ka pasur avantazhin e evoluimit dhe te pasurimit me prurje nga gadishulli, ndersa fatkeqesisht kuzhina jone deri me vitet '90 ne mos u varferua qendroi ne vend, sepse kontakti me kuzhinat e tjera ishte i pamundur. 
Zona ku jetoj une eshte malore (ne fakt une jetoj buze Dolomiteve...me malore se kaq! :)), e ketu mishi i qingjit eshte i fresket dhe i shijshem, por i mungon pikerisht ajo shija e forte per te cilen fola me siper, prandaj kokat e qingjit me pelqen t'i gatuaj sipas kesaj recete nga Sardegna, e cila eshte nje kombimin i recetes antike me prurjet e gadishullit italian.

Tave me koka qingji dhe patate


Perberesit per 2 persona:

1 koke qingji e ndare ne 2 pjese

3-4 luge buke e grire

sherbele e fresket

rozmarine e fresket

pecorino sardo por edhe djathi kaçkavall ben pune

vaj ulliri 
kripe

patate sipas deshires

Pergatitja:

pastrojme ne uje te bollshem kokat e qingjit. 

qerojme dhe presim ne copa te medhaja patatet. I vendosim patatet ne nje tave te lyer me vaj ulliri dhe i rregullojme me kripe.

Vendosim mbi to kokat e qingjit duke i mbeshtetur nga pjesa e syrit.

I sperkatim 2 gjysmat e kokes me buke te grire, rozmarine, sherbele, djathe kaçkavall te grire, kripe dhe piper. 

I hedhim vaj ulliri, 2 gota uje dhe i pjekim ne furre ne temp. 230 per rreth 40 minuta duke i njomur here pas here me lengun e tyre.

Gjak e dhjame :D

Vezet e Pashkes

Perberesit per 8 persona:

per pandispanjen:

6 veze

80 gr niseshte

80 gr miell 00

150 gr sheqer

arome vanilje
nje maje thike pluhur pjekes

per mbushjen:

500 ml pana e fresket

500 ml qumesht i fresket

150 gr sheqer

5 te verdha vezesh

30 gr xhelatine per embelsira

30 ml liker

arome vanilje

per zbukurimin:

250 gr çokollate e zeze

pana e rrahur me sheqer

gliko vishnjesh ne alkool

Gjithashtu nevojiten 2 forma gjysme-veze me kapacitet gjysem kg secila.

Pergatitja:

fillimisht pergatisim pandispanjen.

Rrahim me rrahes elektrik te verdhat e vezeve, te cilat i kemi nxjerre nga frigoriferi te pakten 4 ore me pare,  me 150 sheqer, derisa sheqeri te shkrihet, pra per rreth 20 minuta.

Veç rrahim te bardhat derisa te transformohen ne shkume.

Bashkojme te bardhat me te verdhat e vezeve dhe i perziejme me delikatese me nje luge druri, duke bere levizje rrethore nga poshte-lart.

Sitim miellin me niseshtene dhe ia hedhim pak e nga pak mases me veze bashke me pluhurin pjekes.

Ne fund e aromatizojme me vanilje.

Marrim tepsine katrore te furres (ate qe eshte e holle dhe e madhe), sepse pandispanja duhet te dale e holle dhe e lyejme me gjalp dhe miell. Shtrojme ne tepsi masen e pandispanjes dhe e pjekim ne furren e ngrohur paraprakisht ne temp. 180°C per afro 30 minuta.

Pasi pandispanja eshte ftohur, eliminojme koren dhe e presim si ne foto. E ruajme menjane.

Shkrijme ne banjomaria 125 gr çokollate te zeze me 50 ml pana te fresket.

E heqim nga zjarri dhe e perziejme me luge druri per ta bere me kremoze.

Pjesen e mbetur te pandispanjes e lyejme me liker e çokollate dhe e rrotullojme rreth vete me kujdes.

E mbeshtjellim rolene e pandispanjes me qese kuzhine dhe e vendosim ne frigorifer per afro 15 minuta.

Veshim me qese kuzhine nje forme gjysme-veze.

Shtrojme ne gjysme-vezen pandispanjen qe hoqen menjane ne fillim dhe e njomim me liker te holluar me uje.

Pasi kane kaluar 15 minuta nxjerrim nga frigoriferi rolene e pandispanjes dhe e presim ne feta.

Shtrojme fetat ne pjesen bosh te gjysme-vezes, duke i ngjeshur me njera-tjetren ne menyre qe kremi te mos kulloje.

Me pas pergatisim kremin. Zbusim ne uje te ftohte xhelatinen per afro 10 minuta.

Vlojme qumeshtin me vaniljen.

Ne nje tas rrahim 5 te verdha vezesh me 150 gr sheqer derisa sheqeri te shkrihet.

Heqim qumeshtin nga zjarri dhe prej tij eliminojme shkopin e vaniljes.

Hedhim qumeshtin ne masen me te verdhat e vezeve dhe i perziejme panderprerje.

E vendosim tenxheren ne zjarr te ulet per afro 10 minuta, duke e rrahur papushim dhe pa e çuar kremin ne temp. e vlimit.

E shtrydhim xhelatinen dhe ia shtojme kremit. E perziejme derisa te shperbehet dhe me pas e heqim tenxheren nga zjarri dhe e leme menjane te ftohet.

Rrahim me tel kuzhine panen e ftohte derisa te behet shkume.

Kremit me veze i shtojme likerin dhe panen e rrahur, pak e nga pak dhe duke e perzier me delikatese nga poshte-lart.

Hedhim kremin ne formen e gjysme-vezes. E nivelojme me nje shpatull kuzhine te lagur ne uje. E mbyllim formen me qese kuzhine dhe e vendosim ne frigorifer per te pakten 3 ore (sugjeroj me mire ta lini gjithe naten).

Per zbukurimin e gjysme-vezes shkrijme ne banjomaria çokollaten e zeze te mbetur.

I shtojme nje luge pana dhe e perziejme derisa te fitoje kremozitet.

E nxjerrim gjysme-vezen nga frigoriferi. 
I heqim qesen me te cilen e kemi mbuluar dhe e permbysim ne planin e derrases apo ne ndonje pjatance.

Lyejme embelsiren me çokollaten e shkrire dhe e zbukurojme me pana te rrahur me sheqer, çokollate te grire, vishnje dhe shurup vishnjesh me alkol.

E vendosim ne frigorifer deri ne momentin e servirjes.

Gezuar Pashket!