Darke informale me receta ballkanike te mixuara

  

Per organizimin e nje darke mjaftojne vetem 3 elemente: miq te mire, ushqim i mire dhe muzike e mire. çdo salltanet tjeter si shtrim tavoline me pjata te shtrenjta apo zbukurime si per festa jane mire te lihen out. Sa me rustike te jete darka aq me i ngrohte behet ambjenti!


Antipasta:

Salce me pras dhe speck

Perberesit:

1 pras i madh

1 qepe

200 gr speck i prere ne kubike te vegjel

1 tas panna acida (salce kosi)

1 tas quark (ne pamundesi mund te perdoret vetem gjize)

kripe

hudher gjarpri (por qe une harrova ta bleje...)

Pergatitja:

skuqim kubiket e speck-ut ne nje tigan dhe me pas i leme menjane.

Ne te njejtin tigan skuqim prasin dhe qepen te grire imet, derisa te zbuten, duke i shtuar here pas here ndonje luge uje.

Ne momentin qe i shtojme ujin, i shtojme edhe speckun e skuqur. 
Pasi qepa dhe prasi jane gatuar, hedhim ne tigan djathin quark, panna acida dhe kripe. I kaurdisim dhe i leme te ftohen me kapak te mbyllur per afro 1 ore.
Para se t'i servirim i sperkatim ne siperfaqe me hudher gjarpri te grire imet.

Salce me fasule e aromatizuar me rozmarine

Perberesit:

1 kavanoz fasule konserve

2 thelpinj hudher

2 luge limon

vaj ulliri

rozmarine e fresket ose vaj me arome rozmarine

kripe

Pergatitja:

skuqim hudhren e grire ne pak vaj ulliri derisa te ndryshoje ngjyre.

E trasferojme ne mixer. I shtojme fasule konserve, lengun e limonit dhe kripen. I grijme derisa te perftojme nje mase homogjene. Ketij kremi i hedhim vaj ulliri me arome rozmarine ose ne pamundesi ngrohim pak vaj ulliri dhe rozmarine ne nje tigan dhe sapo rozmarina te leshoje arome, rreth 3 minuta, e eliminojme dhe vajin e perziejme me kremin.

Kombinimi ideal eshte me focaccia, buke te thekur, qepe te kuqe ne feta dhe kubike sallami.

Salce me djathe grek dhe speca te kuq te pjekur ne zgare

Perberesit:

speca te kuq te pjekur ne zgare, te qeruara nga farat dhe lekura

kos grek

djathe Feta grek

hudher

mente e fresket
vaj ulliri

Pergatitja:

grijme ne mixer specat e kuq se bashku me hudhren, menten e fresket dhe djathin Feta. 
I shtojme kos grek dhe vaj ulliri derisa t'i japim mases konsistencen e duhur.

Salce kosi me kastraveca turshi dhe arra

kos grek

kastraveca turshi te kulluara mire

koper

vaj ulliri

hudher
arra

Pergatitja:
griijme kastravecin turshi me hudhren ne mixer. E perziejme me kosin grek, kopren, vajin e ullirit dhe arra te shtypura.

Te gjitha salcat duhen pergatitur te pakten 24 ore perpara darkes. Une i shoqerova me focaccia dhe japrake me gjethe rrushi.

Qumeshtor me peta bakllavaje  per afro 8 persona:

500 gr peta bakllavaje ose yufka turke te gatshme

150 gr gjalp

5 kokrra veze

gati treçerek litri qumesht

300 gr djathe Feta grek

100 ricotta pugliese

nenexhik

kripe

5 luge vaj luledielli

Pergatitja:

rrahim 4 kokrra veze me kripen, vajin e lulediellit dhe nenexhikun. I shtojme djathin e therrmuar, ricotta-n, qumeshtin dhe i perziejme.

Lyejme me gjalp nje tepsi dhe shtrojme fillimisht 1-2 peta te fresketa.

I hedhim 1 ose 2 garuzhde me harxhin e mesiperm, disa copa gjalpi dhe vazhdojme me te njejten renditje derisa te mbarojne te gjitha petat e tjera, te cilat i kemi pjekur dhe ndare ne copa.
Me gjalpin tregohuni bujare :) Sa me i cilesishem te jete aq me i mire behet byreku! 
Shtrojme ne siperfaqe nje pete.

Rrahim vezen e mbetur me pak kripe e qumesht dhe lyejme me te siperfaqen e byrekut.

E sperkatim me gjalp dhe e pjekim ne furre ne temp. 180°C per afro gjysem ore. E pergatisim disa ore perpara dhe ne momentin e servirjes vetem e ngrohim, keshtu katroret e qumeshtorit qendrojne kompakte dhe shija eshte me e mire per mendimin tim.

 

 

Pjate e pare:

Pashaqofte ne lang

Per pashaqoftet:

500 gr mish i grire

2 te bardha veze

gjysem filxhani oriz

piper i zi

kripe
nenexhik
koper

1 luge vaj ulliri
pak miell

Per langun:

2 luge miell

2 te verdha vezesh

leng mishi

lengu i 1 limoni

gjalp

spec i kuq

koper

Pergatitja:

perziejme 500 gr mish viçi te grire me gjysem filxhani oriz te pazier, erezat, 1 luge vaj ulliri dhe 2 te bardha vezesh, derisa te perftojme nje brume, qe te kete konsistencen e qofteve me mish. 
Me kete brume, e duke lyer duart here pas here me miell, formojme disa qofte te vogla dhe kompakte.

Nderkohe per pergatitjen e lengut, ose langut ne dialekt :=), vlojme ne nje tenxhere lengun e mishit te viçit. E rregullojme me kripe dhe i hedhim nje e nga nje pashaqoftet.
I gatuajme ne zjarr mesatar per afro gjysem ore.

Veç skuqim 2 luge miell ne 3 luge gjalp. Nuk eshte nevoja qe mielli te skuqet shume, duhet thjesht te perziehet me gjalpin e shkrire, pra 2 minuta jane te mjaftueshme.
I shtojme nje maje luge spec te kuq pluhur dhe 1 gote uje te ftohte, derisa masa te hollohet. 
E kaurdisim papushim me tel kuzhine ne menyre qe te mos formohen topthat dhe nderkohe i japim nje vale ne zjarr mesatar.
Me pas ia hedhim lengut te mishit dhe pashaqofteve, te cilat jane duke u zier bashke. 
I leme ne zjarr te ulet per 30 minuta te tjera.

Veç perziejme me tel kuzhine te verdhat e vezeve me pak leng limoni dhe 2-3 luge leng nga pashaqoftet. 
Heqim nga zjarri tenxheren me pashaqoftet dhe sapo te ftohen pak i shtojme salcen e mesiperme dhe pak koper. 
Para se t'i servirim, shkrijme pak gjalp dhe ia hedhim persiper. Per ta shijuar me mire duhet piper i zi i sapobluar dhe leng limoni.

Pjate e dyte:

Spetsofai grek me suxhuk kosovar dhe salsiccia mantovana per afro 8 persona:

100 gr suxhuk kosovar i blere ne dyqanet etnike

500-700 gr salsiccia mantovana

3 speca te kuq te prere ne shirita

3 speca jeshile te prere ne shirita

1 qepe e kuqe (cipolla rossa di Tropea)

2 thelpinj hudher te grira imet

400 gr salce domatesh e holle (passata di pomodoro)

1 domate e bute

100 ml vere e kuqe

rigon

1 luge e vogel spec i kuq pluhur

Pergatitja:

meqenese suxhuku ka nje shije shume te forte, une perdora vetem 100 gr dhe e preva ne kubike te vegjel.
Skuqim suxhukun dhe salsiçet ne pak vaj ulliri. Pasi jane skuqur, i leme menjane.

Ne te njejtin tigan skuqim ne zjarr mesatar qepen e prere ne feta, hudhren dhe specat ne shirita.

I shuajme me vere te kuqe dhe sapo vera te avullojne i shtojme domaten e grire imet.

I kaurdisim mire derisa domatja te shperbehet. Se fundmi i shtojme salce domatesh, spec te kuq pluhur dhe rigon. I gatuajme ne zjarr te ulet per afro gjysem ore.

Pas kesaj kohe i shtojme suxhuket dhe salsiçet. I kaurdisim dhe i leme te gatuhen edhe per 20 minuta te tjere.

E ne fund, per ta sjelle midene n'vend nje sallate me fruta dimerore

Perberesit per 8 persona:

4 kiwi

6 mandarina

2 molle

2 banane

Arra te thyera sipas deshires

1 shege

Lengu i 2 portokalleve

Sheqer ose mjalte, sipas deshires.

e nese nuk jeni shtatzane shtojini edhe pak liker...
 

Pergatitja:

Presim frutat ne kubete. Pastrojme shegen dhe marrim prej saj kokrrat e vogla. I vendosim frutat ne nje tas dhe shtojme arrat, lengun e portokallit, likerin dhe mjaltin ose sheqerin. I perziejme mire e mire dhe i vendosim ne frigorifer per rreth 1 ore.

Gjak e dhjame :D

Dhe lista per kolonen zanore te darkes eshte kjo:

Eda Zari, 
Elina Duni, 
Zig Zag Orchestra, 
BllaBllaBlla

E mos harroni qe me muzike gatuhet edhe me mire :=)
Mua dje me shoqeroi nje kantautor alternativ, Orges Toçe
Tung

Pilafi Ali Pasha

Perberesit per 2-3 persona:

200 gr oriz

600 ml leng pule

gjysem qepe e vogel

100 gr melçi viçi ose pule

30 gr bajame te grira me thike

30 gr arra te grira me thike

30 gr rrush i thate

1 karafil

nje maje luge kanelle

50 - 60 gr gjalp

2 luge vaj ulliri 

Pergatitja:

grijme imet qepen dhe melçite. Shpelajme ne uje te bollshem orizin per te eleminuar niseshtene.

Skuqim ne pak vaj ulliri dhe 1 luge gjalp qepen dhe melçite. 

Pasi i kemi skuqur per 2-3 minuta duke i kaverdisur me luge druri, i shtojme orizin e shpelare dhe te kulluar.

E skuqim mire orizin derisa yndyra te depertoje ne te gjitha kokrrizat e tij, ne menyre qe gjate gatimit orizi te mos shperbehet.

E shuajme me leng pule te nxehte. 

E trasferojme ne nje tave balte dhe e gatuajme ne furre ne temp. 200°C.

Para se ta fusim taven ne furre, i shtojme 1 karafil per arome dhe e rregullojme me kripe dhe piper.

Ne mes kohes se gatimit i shtojme rrushin e thate, te cilin e leme me pare te zbutet per afro 30 minuta ne uje te ftohte, bajamet dhe arrat e grira me thike.

Shkrijme gjalpin e mbetur dhe e perziejme me nje maje thike kanelle. Ia hedhim pilafit dhe e rivendosim ne furre per te perfunduar gatimin.

E servirim me arra te shtypura.

Gjak e dhjame :D

Menuja e nje nate fundvere

Pissaledierè 

nje lloj pizza franceze  

Per bazen:

250 gr miell

125 gr gjalp i kripur ne temp. ambjenti

Per mbushjen:

1 kg qepe

cironka te konservuara ne kripe, aq sa te mbulohet e gjithe siperfaqja e petes

ullinj te zi

vaj ulliri extravergine

kripe

piper

trumez

Pergatitja:

sitim miellin ne planin e punes dhe ne mes formojme nje grope ku hedhim gjalpin ne temp. ambjenti.

I perziejme bashke derisa te na formohet nje brume. (Nese e shihni te nevojshme shtojini mases pak uje)

Brumin e mbeshtjellim me qese kuzhine dhe e vendosim ne frigorifer per afro 1 ore.

Nderkohe presim ne feta qepet dhe i skuqim ne vaj ulliri per afro 45 minuta ne zjarr mesatar, duke i njomur me disa luge uje, derisa te zbuten plotesisht.

Pas nje ore nxjerrim nga frigoriferi brumin e bazes dhe e leme te zbutet ne temp. ambjenti per afro 15 minuta.

Duke qene brumi si brume biskotash, pra prishet kollaj, e hapim direkt mbi letren e pjekjes.

I japim formen e tepsise me ndihmen e mollezave te gishtave dhe e vendosim ne furre ne temp. 180°C per afro 15 minuta derisa te marre nje ngjyre te arte.

Pasi te jete pjekur baza, e nxjerrim nga furra dhe e mbushim me qepet e skuqura, cironkat e lena ne uje te ngrohte per disa ore ne menyre qe te humbasin kripen e tepert dhe ullinjte. 

E aromatizojme me trumez, e sperkatim me vaj ulliri extravergine dhe e rivendosim ne furre per afro 40 minuta te tjera.

P.S.: kjo eshte receta tipike provencale, por ne baze te shijeve apo kohes ne disposicion baza mund te zevendesohet me brume brisé ose brume pizza.

Recete tjeter antipaste ishte Muffin rolls pikante, me te vetmin ndryshim zevendesimin e 'nduja calabrese me sallam pikant napoletan.

Rizoto me presh dhe pana

Perberesit per 8 persona:

6 presh
300 ml pana
500 gr oriz per rizoto
leng perimesh sa te nevojitet
kripe
piper
gjalp (shumeeee!!!!) 
djathe parmigiano + grana (shumeee!!!!) 
vaj ulliri

Pergatitja:
qerojme kercellin e bardhe te preshve dhe i presim ne rrathe te holle.
I skuqim ne pak vaj ulliri dhe 100 gr gjalp, duke i njomur me pak uje, derisa preshte te zbuten.
Pasi uji eshte shteruar, i shtojme orizin. 
E kaurdisim dhe i hedhim disa garuzhde leng perimesh te nxehte.
E gatuajme ne zjarr mesatar duke e kaurdisur dhe duke e njomur me leng perimesh here pas here.
Ne fund te kohes se gatimit, i shtojme panen dhe djathin e grire.
I hedhim piper dhe e servirim te ngrohte.

Brinje derri me hajvar "made by Ballakume" dhe qofte shqiptare me salce kosi dhe kastravec

Perberesit:

1 kg brinje derri

spec djeges i fresket

hudher

trumez

manxurane

rigon 

kripe

piper

vaj ulliri

Pergatitja:

ne nje tas perziejme erezat: specin djeges, hudhren, kripen, piperin dhe vajin e ullirit.
Lyejme me kete marinature brinjet e derrit dhe i leme te marinojne per 2 ore. 
Me pas i pjekim ne furre ne temp. 170°C per rreth 2 ore ose ne zgare. 

 
Per salcen ajvar (versioni i Ballakumes)

2 speca te kuq

2 spec jeshile

2 spec i verdhe

3 patellxhana

2 thelpinj hudher

2 qepe te njoma (vetem koka e bardhe)

1 spec djeges

majdanoz

uthull vere

vaj ulliri extravergine

kripe

piper

Pergatitja:

ne nje tepsi vendosim specat dhe patellxhanin e ndare pergjysem. 
U hedhim pak kripe dhe vaj dhe i pjekim ne furre per rreth 20 minuta. 
Me pas specat i fusim ne nje qese derisa te ftohen, ne menyre qe me pas te qerohen kollaj.
Grijme me thike specat edhe patellxhanat, pasi i kemi hequr lekuren. 
Ne nje tigan skuqim hudhren, qepen dhe specin djeges te grire imet.

I shtojme specat dhe patellxhanat. 
I kaurdisim per pak minuta dhe i shuajme me 2-3 luge uthull vere.
 I rregullojme me kripe dhe piper. 
I shtojme majdanoz te grire imet. Ne fund i sperkatim me vaj ulliri te bollshme dhe e leme tiganin mbi zjarr te fikur.
E servirim te ftohte.

Tiramisù

Pergatitja per nje tepsi me diameter 24-26 cm:

2 pako biskota savoiardi mundesisht prej pastiçerie, sepse jane me te buta dhe shume me te shijshme

340 gr sheqer

500 gr mascarpone

500 gr panna

kakao e hidhur

6-8 filxhana kafe express

Pergatitja:

rrahim mascarponen me panen dhe sheqerin derisa te formohet nje krem relativisht i trashe. 

Si mascarpone ashtu edhe pana duhet te jene shume te ftohta, madje ju keshilloj qe edhe enen ku do te rrihen, bashke me telat, t'i vendosni per disa minuta ne frigorifer.

Njomim ne kafe biskotat savoiardi dhe i shtrojme ne ene.

U hedhim siper kremin dhe vazhdojme me kete renditje derisa te perfundojne perberesit.

E vendosim ne frigorifer per te pakten 3 ore dhe ne momentin e servirijes e sperkatim me kakao te hidhur

Impossible is nothing

Deri para disa vitesh ditelindja e Ballakumes ishte nje dite e festueshme me buzet qe shkonin vesh me vesh ndersa miqte, te afermit, koleget i benin urimet perkatese. Ishte nje dite speciale ku ne qender te vemendjes ishte vetem ajo. Ate dite Ballakumja kujdesej qe edhe veshja e make-up te rrezellenin te njejten hare qe ndjenin edhe qelizat e muskujve me te paperdorshem te trupit, si muskujt e vitheve kur degjonin "hajt, hajt o llokum tundi bythte pak ma shume".  Ishte plot endrra dhe plot shprese per t'i realizuar!

Por me daljen e dhemballeve te pjekurise gjerat u rrokullisen ndryshe. Ne fillim u takoi minifundeve te zgjateshin disa centimetra, buzekuqit te eliminohej nga make-up, u kursyen parate e qirinjve dhe u ndalua rreptesisht te kendohej "Shume urime per ty". Ditelindja mori nje tjeter kuptim per Ballakumen. Me teper sesa nje moment per te festuar - ç'kuptim ka te festosh plakjen? - filloi ta perjetonte si nje moment bilancesh. Nje dite ku duhet te reflektonte mbi ato qe kishte arritur ne jete e ndoshta te "qante" shume raste te humbura.

Edhe festimet e kesaj dite neper restorante u rralluan, duke u zevendesuar me darka te gatuara nga ajo vete. Nje menyre kjo "alla Ballakume" per te falenderuar ato qe e sollen ne jete dhe ato qe e shoqerojne gjate momenteve here te lumtura e here te hidhura qe jeta rezervon. 

 

Darka qe organizoi per ditelindje ishte nje sfide.

Kush e ndjek kete blog e ka kuptuar qe Ballakumja pelqen shume kuzhinen franceze, prandaj mendoi te organizonte nje darke ku kuzhina franzece do te ishte mbreteresha. Ishte nje sfide pasi te afermit e saj nuk jane fort fansa te kesaj kuzhine por, e stimuluar nga slogani i kalendarit te krishtlindjeve - impossible is nothing - u armatos me tela kuzhine, thika, pinca dhe perveshi menget per te fitoren.

Menune dhe recetat i gjeni me poshte.

Fingerfood mireseardhjeje - keshillohet te konsumohet me kembe 

1) Kumbulla te thata me dhjame te tymosur (lardo di Colonnata) - recete qe ma keshilloi nje mike.

I vendosim kumbullat ne uje per gjysem ore.

U heqim berthamen.

I mbeshtjellim me feta dhjami derri dhe i pjekim ne furre per afro 10 minuta.
Jo te gjitheve u pelqen kombinimi i kripur-i embel, prandaj nese te ftuarit tuaj jane tradicionaliste ne shije ju keshilloj te mos ua sevirni.

2) Cheesecake te kripura (shume te ngjashme me cheesecake japoneze)

Per rreth 15 cope:
nje pako biskota te kripura te markes TUC
gjalp ne temperature ambjenti

2 veze
200 gr gjize
100 gr djathe kremoz i tipi philadelfia

Kripe

Piper

Per zbukurim:
70 gr  djathe kremoz i tipit philadelfia
1 luge pana
hudher gjarpi

Pergatitja:

ndjekim te njejten procedure si per cheesecake-un e embel.

I therrmojme biskotat Tuc dhe i perziejme me gjalpin.

I vendosim duke ushtruar pak force me gishterinjte ne format e cupcakes.

Ndezim furren ne 150°C.

Rrahim me tel kuzhine gjizen. I shtojme djathin kremoz, vezet dhe piperin.

E hedhim kete mase mbi biskotat e therrmuara dhe i pjekim per afro 15 minuta.

Me pas i leme 5 minuta te tjera te ftohen.

Rrahim me tel kuzhine djathin kremoz bashke me panen. Zbukurojme cheesecakes-at e vegjel me pufka djathi dhe hudher gjarpri te grire imet ose majdanoz.

3) Tarte Tatin me speca te kuq

Receten e gjeni ketu  ( http://ballakumeelbasani.blogspot.com/2011/09/tarte-tatin-me-speca-te-kuq.html )

Tarte Tatin-in Ballakumja ju keshillon ta shoqeroni me salce kosi dhe arra 

4) Salce kosi dhe arra

Kos grek i trashe

Arra

Vaj ulliri

Scalogno ne italisht (http://it.wikipedia.org/wiki/Allium_ascalonicum), nje lloj qepe/hudhre

Kripe

Perziejme kosin me arrat e thyera, scalogno-n e grire shume imet dhe kripen. I hedhim vaj ulliri te nje cilesie shume te mire.

5) Biskota me djathe parmigiano reggiano

Perberesit per 4 persona:

100 gr miell

100 gr gjalp

100 gr djathe parmigiano reggiano i grire

1 veze

Gjysem luge e vogel maje birre pluhur

Kripe

Piper

Pergatitja:

Hedhim ne nje tas miellin, kripen, piperin, majen e birres dhe djathin e grire.

I shtojme gjalpin e prere ne copa te vogla dhe i perziejme te gjitha bashke.

Mases i shtojme vezen dhe formojme nje brume si per biskota.

E mbeshtjellim me qese kuzhine dhe e vendosim ne frigorifer per afro gjysem ore.

Pas kesaj kohe e hapim ne pete me trashesi rreth 1 cm dhe presim biskotat sipas formes se deshiruar.

I pjekim ne furre ne temp. 180°C per afro 10-15 minuta.

Keto biskota Ballakumja ju keshillon t’i shoqeroni me salcen franceze, tapenade me ullinj 

6) Tapenade me ullinj

Perberesit:

300 gr ullinj te zinj ose jeshile

40 gr kaperi

6 cironka te konservuara

1 thelb hudher

Vaj ulliri

Pergatitja:

U heqim berthamat ullinjve dhe lajme me uje te bollshem kaperit. I grijme shume imet me thike te gjithe perberesit ose i kalojme ne mixer. Ne fund i sperkatim me vaj ulliri te nje cilesie shume te mire.

7) Chutney (tip reçeli) per te shoqeruar djathin (parmigiano reggiano ose tip tjeter te stazhonuar), ose per te shoqeruar nachos ne raste joformale. Kete chutney e provova para disa javesh ne nje darke dhe i kerkova te zonjes se shtepise te me tregonte receten.

Perberesit:

200 gr kungull i verdhe

1 luge e gjysem sheqer integral

Nje maje luge spec djeges

nje luge e vogel xhinxher i fresket

50 ml uthull balsamike

Kripe

E presim kungullin e verdhe ne kubike te vegjel dhe e sperkatim me kripe. E leme menjane te marinohet per afro 6 ore.

Pergatisim nje dressing me 50 ml uthull balsamike, nje luge e vogel xhinxheri te grire dhe nje maje luge spec djeges pluhur.

E vendosim kungullin ne nje tenxhere dhe i shtojme dressing e mesiperm.

I ziejme per afro 1 ore ne zjarr te ulet. Ne mes te kohes se gatimit i shtojme sheqerin duke e perzier me delikatese. Ne fund i shtypim kungujt me pirun.  

Pjatat e para
(nuk arrita t'i fotografoj)

1) Palaçinka me radhiqe, djathe gorgonzola dhe speck

Receten e gjeni ketu (http://ballakumeelbasani.blogspot.com/2011/10/gorgonzola-dhe-radhiqe.html)

2) Palçinka me kerpudha dhe salsiçe - ndiqet e njejta procedure si mesiper, ndryshon vetem mbushja. 

Si pjate e dyte: role e mbushur me presh dhe arra, shoqeruar me salce pana, patate Hasselback dhe sallate ne uthull balsamike

Role e mbushur me presh dhe arra (Receta e kusherires sime Albanes)

Perberesit per 8 persona:

afro 2 kg fileto derri (muskujt e derrit jane pak te veshtire per t'u hapur si flete libri, prandaj ju keshilloj t'i kerkoni kasapit t'ju pergatise per rolè)

5-6 presh

2 grushta arra

2 grushta parmigiano reggiano i grire

kripe

piper

nenexhik

vaj ulliri

gjalp 

1 tufe majdanoz 

2-3 gota vere e bardhe

Pergatitja:

pergatisim fillimisht mbushjen. Grijme imet preshte dhe i skuqim ne vaj ulliri.

Ne mixer hedhim arrat, djathin parmigiano reggiano dhe majdanozin dhe i grijme. 

Bashkojme te dyja masat dhe i rregullojme me kripe, piper dhe nenexhik. 

Hapim filetot e derrit. I kriposim dhe i lyejme me masen e mbushjes. I rrotullojme per t'i dhene formen e rolese dhe i kapim me kruajtese dhembesh ose me spago.

I skuqim filetot ne gjalp. I shuajme me vere dhe i pjekim ne furre per afro 1 ore e ca.

Me pas i leme pak te ftohen dhe i presim ne feta.Fetat duhet te jene sa me te holla!

Me lengun qe kane leshuar pergatisim salen me pana.

Salca me pana

125 ml pana

piper i zi

1 luge miell

1 luge gjalp

Ne nje tigan skuqim miellin ne gjalp. E kaurdisim derisa te ndryshoje pak ngjyre dhe e shuajme me lengun e rolese.

Ne fund i hedhim pana dhe piper te zi.  
Kete salce ia hedhim fetave te mishit.

Patate Hasselback

I qerojme patatet dhe i presim si fisarmonike. I vendosim ne nje tepsi te lyer me vaj dhe i pjekim per afro 30 minuta ne 230°C. Me pas i nxjerrim nga furra dhe i sperkatim me buke te grire, pak kripe, pak gjalp dhe djathe te grire te tipit parmigiano reggiano. I rivendosim ne furre per 20 minuta te tjera ose derisa patatet te marrim ngjyren e arte te pjekjes.

Sallate ne uthull balsamike

Sallate jeshile

Finoke

Vaj ulliri

Uthull balsamike

Kripe

Piper

And the last but not the least: GATEAU OPERA….ne fakt nuk eshte tamam receta origjinale por nje recete tejmase e thjeshtezuar nga Ballakumja. sdq shume velitese pasi permban nje sasi te madhe gjalpi. I kam premtuar vetes qe do ta rigatuaje duke eliminuar nje pjese te gjalpit sipas versionit te pastiçerit Torreblanka por derisa te behem mbare shijoni versionin tim, qe sigurisht eshte me i thjeshte se i Torresblankes :)

Gateau opera e Ballakumes

Perberesit per nje tepsi me diamenter 26 cm

Per bazen e tortes:
6 veze
72 gr gjalp
240 gr sheqer
155 gr bajama te reduktuara ne miell
60 gr miell
sa te kapin gishtat miell

per shurupin:
125 gr sheqer
250 gr uje
1/4 shkop vanilje
6 gr. kafe e tretshme

per chocolate ganache:
300 ml pana per embelsira
350 gr çokollate e erret 60% kakao

Per kremin me gjalp:
330 gr gjalp ne temperature ambjenti
330 gr sheqer
1 dl uje
4 te verdha vezesh

Pergatitja:
nje nate perpara perfundimit te tortes, pergatisim shurupin. Hedhim ne nje tenxhere sheqerin dhe ujin dhe i vlojme derisa shurupi te trashet, si sherbet bakllavaje.
Sapo te jete ftohur pak i hedhim kafen e tretshme (une i hodha caffè solubile Hag), vaniljen dhe i perziejme. E leme shurupin te pushoje per afro 12 ore.
Te nesermen pergatisim bazen e tortes. Ngrohim furren ne temp. 160°C. 
Shkrijme gjalpin. 
Rrahim me rrahes elektrik te verdhat e vezeve me sheqerin derisa te perftojme nje mase te zbardhur. 
Veç rrahim te bardhat e vezeve.   
Perziejme miellin me bajamet dhe kripen. Ia shtojme mases me te verdhat e vezeve.
Me pas kesaj mase i shtojme gjalpin e shkrire dhe ne fund te bardhat e rrahura.
E hedhim masen ne nje tepsi te lyer me gjalp dhe miell dhe e pjekim ne temp. 160° C per afro 40 minuta (beni proven e kruajteses se dhembeve).

Per pergattijen e kremit:
ne nje tenxhere hedhim sheqerin dhe ujin dhe e vendosim ne zjarr derisa te arrijne temp. 120°C.
Nderkohe rrahim te verdhat e vezeve. U hedhim pak e nga pak sherbetin dhe i rrahim derisa kremi te ftohet.
Ne fund i shtojme gjalpin dhe e perziejme me xhiro te ngadalta.

Per chocolate ganache:
vlojme panen dhe ia hedhim çokollates se therrmuar. 
E perziejme derisa çokollata te shperbehet plotesisht. Sipas deshires mund te aromatizohet me cream whisky, rum apo pije tjeter. 

Shtrimi i tortes:
e presim bazen ne tre pjese. 
Lyejme te treja bazat me shurupin dhe i vendosim njera siper tjetres, duke shtruar ne mes se seciles kremin e gjalpit. Ne fund e mbulojme me ganache çokollate dhe e sperkatim me kakao.