Nikoqire gati-tu!

Jemi gra nikoqire e kjo s'vihet ne diskutim! Kjo dhunti tipike e femrave shqiptare del me teper ne pah gjate stines se veres kur ne kulmin e vapes, nxirren nga dollapi tenxheret e medhaja.

Pyeten gjyshet, nenat, shoqet, vjehrrat, komshijet, per receten e glikose se qershise, arrave, shalqirit, reçelit te fikut, luleshtrydhes, boronicave, kumbullave e çdo fruti tjeter qe, mund te perziehet me sheqerin ne temperatura te larta.

Blihet sheqer ne sasi industriale. 

E pasi vishen me nje durim qe do ua kishin zili edhe monaket tibetane, nis nje maratone me qellimin e vetem: KONSERVIMIN!

Pergatitja eshte e njejte: mblidhen, pastrohen, vlohen, kaurdisen...dhe ne fund mbyllen ne kavanoza te sterilizuara bashke me kujtimet, ngjyrat, aromat e nje vere qe eshte duke shkuar.

P.S.: Falenderoj Ilden per recetat e meposhtme.

Gliko sipas recetes se Ildes

Perberesit:

1 kg luleshtrydhe
1 kg sheqer

Pergatitja:

vendosim ne nje tas luleshtrydhet e pastruara. U hedhim sheqerin, i mbulojme me pecete dhe i leme te pushojne nje nate ne frigorifer ose ne ambjent te fresket.

Te nesermen i ziejme ne zjarr te ulet per rreth treçerek ore, duke i hequr here pas here shkumen qe krijohet ne siperfaqe. Kontrollojme gjithashtu trashesine e lengut dhe nese verejme qe eshte shteruar shume i shtojme uje.

Pasi lengu ka arritur trashesine e duhur e heqim tenxheren nga zjarri. E mbulojme me pecete te lagur dhe e leme te pushoje per disa ore.

Une s'po prisja dot prandaj i mbusha tasat menjehere per t'i provuar dhe fotografuar, por ju sugjeroj te prisni  :)

Sipas deshires mund ta konservojme duke e hedhur ne kavanoza te sterilizuar.

Me te njejten recete gatova edhe glikone e manaferrave.

Soufflè me qershi (furre dhe frigoriferi)

Sot do ju servir 2 receta nazelie :)

Ajo e furres duket shume e thjeshte kur e lexon por ne fakt nuk eshte keshtu, pasi soufflè kerkon nje çik eksperience ne gatim. Perberesit duhet te rrihen mire dhe e rendesishme eshte qe furra te mos hapet gjate gatimit.

Mua siç e shikoni m'u shfry pasi bera nje gabim trashanik, i vura qershine sapo doli nga furra.

Souffle me qershi

Perberesit per 6 persone:

360 gr qershi

150 gr sheqer

lengu i nje çerek limoni

3 te verdha vezesh

6 te bardha vezesh

30 gr niseshte

Pergatitja:

hedhim ne mixer qershite, te cilave u kemi hequr berthamen, me 90 gr sheqer dhe lengun e limonit, derisa te perftojme nje krem. I shtojme te verdhat e vezeve nje e nga nje dhe niseshtene. I perziejme mire e mire me tel kuzhine.

Rrahim te bardhat e vezeve me sheqerin e mbetur.

Perziejme te dy permbajtjet dhe i hedhim ne tasat e lyera paraprakisht me gjalp. 

I pjekim ne furre ne temp. 180°C per rreth 15 minuta, pa e hapur furren. 



Ky i mesipermi ishte versioni i furres ndersa per versionin e frigoriferit ju duhen...



Soufflè me qershi

Perberesit per 6 persona:

100 ml pana per embelsira
100 gr qershi pa berthama
100 gr sheqer
2 te bardha vezesh

Pergatitja:
ne nje tenxhere hedhim qershite bashke me nje luge uje dhe nje luge sheqer dhe i japim nje vale per 5 minuta.
Heqim menjane disa qershi ndersa te tjerat i kalojme ne frulator derisa te perftojme nje si tip pureje.

Sheqerit te mbetur i shtojme 2 luge uje dhe e vendosim ne zjarr derisa te shnderrohet ne shurup.
I rrahim te bardhat e vezeve derisa te fryhen dhe zbardhen. U shtojme shurupin e sheqerit akoma te nxehte.
Rrahim gjithashtu edhe panen.

I shtojme me kujdes te bardhat e vezeve te rrahura dhe purene e qershive.
Vendosim ne fund te çdo tasi disa qershi nga ato qe hoqem menjane ne fillim.
 

Veshim me leter pjekjeje disa tasa me borde te larta, ideale jane keto te soufflese.

Hedhim kremin dhe e nivelojme.
I vendosim ne frigorifer per 4-5 ore dhe para se t'i servirim i permbysim dhe eliminojme letren e pjekjes.

Gjak e dhjame :D

P.S.: sa per info. receta e dyta korri me teper sukses.

Gliko me qershi dhe vere te kuqe per dashamiresit e alkoolit :)

Perberesit per 2 persona:

320 gr qershi 

140 gr uje

140 gr vere e kuqe (une kisha vetem Monferrato Dolcetto prandaj i hodha kete vere)

80 gr sheqer integral (por nese e doni me te embel mund t'i shtoni me teper)

1/2 leng limoni

lekura e nje limoni bio

vanilje

pak kanelle

 

Pergatitja:

perziejme ne nje tenxhere ujin me veren, sheqerin, lekuren e limonit, vaniljen dhe kanellen. I vendosim ne zjarr derisa te arrijne temperaturen e vlimit.

 

Nderkohe u heqim berthamat qershive dhe i sperkatim me leng limoni. I hedhim ne shurupin qe kemi ne zjarr dhe i gatuajme per 15 minuta ose derisa te zbuten.
 

       
 
Me pas eliminojme shkopin e kanelles dhe lekurat e limonit. 

E rivendosim ne zjarr mesatar dhe e leme derisa te trashet.

Pasi eshte ftohur e vendosim ne frigorifer per disa ore.
E servirim me akullore. Do ju sugjeroja ta provoni me akullore kosi... :)))

Gjak e dhjame :D