Sultjash i karamelizuar me fruta pylli

E di qe pothuajse te gjitha amvisat shqiptare dine te gatuajne sultjashin por.... nuk besoj te dine kete variant :)

Ky sultjash serviret ne nje nga hotelet me chic te Val Pusteria (hotel Adler, Dolomiten, Alto Adige, Italy) dhe krijuesja e tij eshte nje kuzhiniere suedtiroleze, Helene Markart. 
Megjithese emri i recetes eshte krem orizi, ngjashmeria me sultjashin eshte mese evidente, si ne shije ashtu edhe ne pamje, ndryshon vetem menyra e gatimit.
Perveç kesaj m'u duk shume interesant karamelizimi i sheqerit ne fund si te ishte creme brulè dhe pastaj shoqerimi i pjates me fruta te fresketa pylli qe i jep nje freski verore kesaj embelsire.

Sultjash i karamelizuar me fruta pylli (receta origjinale titullohet krem orizi i karamelizuar)

Perberesit per 4 persona:

100 gr oriz

400 ml qumesht

60 gr sheqer

100 gr pana e fresket per embelsira

2 te bardha vezesh

3,5 flete xhelatine

pak kanelle

pak vanilje
pak sheqer integral

1 rrip lekure portokalli

1 rrip lekure limoni

Per dekorimin:

fruta pylli

Pergatitja:

hedhim ne nje tenxhere sheqerin dhe kanellen. I shtojme qumeshtin pak e nga pak. I hedhim shume pak kripe (sa te kapin majat e gishtave) dhe vaniljen. E vendosim tenxheren ne zjarr derisa te arrije temperaturen e vlimit. Me pas e heqim nga zjarri, nxjerrim prej tenxheres shkopin e vaniljes dhe i hedhim orizin, duke e perzier vazhdimisht.

I shtojme lekurat e limonit dhe portokallit. E mbulojme tenxheren me leter alumini dhe e pjekim ne furre ne temp. 180°C per rreth 20 minuta apo derisa orizi te jete zier.

E zbutim xhelatinen ne uje te ftohte per 10 minuta. Me pas e shtrydhim dhe ia shtojme tenxheres me oriz, kur kjo sapo ka dale nga furra. E kaurdisim qe xhelatina te shperbehet ne menyre homogjene.

Rrahim te bardhat e vezeve me sheqerin, derisa te fryhen e te zbardhen, dhe i perziejme me orizin.

E leme te ftohet.

Pasi eshte ftohur i shtojme panen, te cilen e kemi rrahur me sheqerin. E ndajme sultjashin ne tasa te vegjel dhe e vendosim ne frigorifer per disa ore, derisa te mpikset.

Une perdora tepsine e cupcakes

Permbysim sulltjashin mbi nje tepsi, ne te cilen kemi shtruar leter pjekjeje.

E sperkatim me sheqer integral dhe e pjekim ne grill per 3 minuta, ne menyre qe sheqeri te karamelizohet.
E sherbejme me fruta pylli te fresketa.

 

Gjak e dhjame :D