Shkruaj perberesin ...

Tuesday, October 4, 2011

Gjelle me couscous dhe mish qingji




Perberesit per 4 persona:

400 gr mish qingji (couscousi behet i mire me mishin e shpatulles)
150 gr couscous i zier (lexoni kutine, couscousi i zier kerkon jo me teper se 5-10 minuta kohe gatimi!)
1 qepe
1 thelb hudher
1 tufe lepjete
spec i kuq pluhur
1 luge salce domatesh
vaj ulliri
kripe
piper
nenexhik
xhinxher

Pergatitja:

i kerkojme kasapit te na e prese mishin ne copa te medha per couscous ose nese jeni te zote priteni vete.
Grijme imet qepen dhe hudhren dhe e skuqim bashke me mishin ne nje tigan ku kemi ngrohur vaj ulliri.
I shtojme salcen e domates, e kaurdisim dhe e shuajme me 1 liter uje.
Sapo mishi te filloje te vloje i shtojme lepjeten e grire trashe.
E rregullojme gjellen me kripe dhe me ereza (piper, xhinxher te grire & spec te kuq pluhur). E ziejme per rreth 40 minuta ne zjarr te ulet.
Ne fund e ulim me teper temperaturen e zjarrit ose e fikim dhe hedhim ne tenxhere couscousin. E sperkatim me pak nenexhik, i veme kapakun tenxheres dhe i japim nje vale per 5 - 10 minuta, apo sipas tregimeve te kutise per gatimin e couscousit.
Gjak e dhjame :D

Monday, October 3, 2011

Supe me makarona dhe qiqra

A e dini ku qendron ndryshimi midis nje ushqimi estetikisht te bukur dhe nje ushqimi estetikisht te shpifur?
Nje ushqim estetikisht i bukur, psh. nje pjate e realizuar nga Gianfranco Vissani apo Alain Ducasse, u shijon shqisava te te parit. Ti e sheh, te shkon goja leng por te vjen gjynah ta prekesh, pasi te duket sikur po shkaterron nje veper arti.
Ndersa ushqimi estetikisht i shpifur, ai qe sherbehet ne bujtina apo taverna (shume prej te cilave higjenikisht nuk shkelqejne tamam xixe) ... ai pra, qe sherbehet ne pjata jo shume te shtrenjta, here-here edhe te ciflosura, perkrah luges dhe pirunit te mbeshtjelle me pecete-leter .....e pra, ti provon nje luge nga ky ushqim estetikisht i shpifur dhe Ahhh.... te vjen te shkulesh floket nga kenaqesia!!! :))
Italia, te dashur miq, eshte plot me bujtina apo taverna te tilla qe terheqin turiste me teper sesa restorantet me shume yje. 
Ne fakt eshte e pamundur te hash nje vakt ne nje vend te tille e te mos dashurohesh me klimen e ngrohte familjare, mikpritjen dhe mbi te gjitha gatimin me produktet lokale. Produktet lokale, fale tokes dhe klimes se favorshme te Italise, jane shume te larmishme nga njera zone ne tjetren, e siç gatuhen ne nje fshat, nuk gatuhen ne fshatin tjeter.
Tavernat qe mua me kane lene me teper mbrese gjinden ne zonen Emilia Romagna dhe Toscana. Ne Emilia Romagna  mbretereshe ne tavolina eshte "pasta" (taljatelle, lazanje etj.) ndersa ne Toscana supat, e kryesisht supat me fasule dhe lakra.
Receta qe po ju jap sot eshte nje supe me qiqra me prejardhje nga Toscana. Eshte nje recete qe fillon ne darke per t'u ngrene te nesermen ne dreke, prandaj nese keni qejf ta provoni, pajisuni me durim dhe kohe.







P.S.. duke zevendesuar qiqrat me fasulet, ne receten e meposhtme, mund te gatuani nje tjeter pjate tipike "pasta e fagioli" (makarona & fasule).

Supe me makarona dhe qiqra 

Perberesit per 6 persona:

gjysem kg qiqra te thate
gjysem qepe
nje degez rozmarine
1 thelb hudher
kripe
afersisht 2 litra uje
3 luge salce domatesh
vaj ulliri extravergine i nje cilesie shume te mire
makarona te fresketa me veze te tipit tagliolini

(siç e shikoni nga foto makaronat ne Itali shiten edhe te fresketa dhe per ate çfare kushtojne nuk ia vlen barra qerane t'i besh vete - 1 kg kushton afro 8 euro - por per ato qe deshirojne t'i gatuajne ne shpi gatuhen vetem me te verdha vezesh dhe miell, mundesisht i tipit 0.  Sdq ne internet mund te gjeni receta per makarona ne te gjitha gjuhet :))






Pergatitja:

i vendosim qiqrat e thata ne nje ene. I mbulojme me uje te bollshem dhe i leme nje nate qe te zbuten. Te nesermen i kullojme, i shpelajme dhe i hedhim ne nje tenxhere bashke me kripen, nje thelb hudher dhe nje dege rozmarine. I shtojme 2 litra uje dhe i ziejme per 2 ore ose me teper, pra derisa qiqra te zbuten. Me pas i kullojme duke ruajtur lengun. Eliminojme vetem rozmarinen dhe hudhren.

Ne nje tenxhere me fund te trashe skuqim ne vaj ulliri qepen e grire imet ose me sakte e zbusim qepen duke e njomur here pas here me ndonje luge uje.
I shtojme qiqrat e ziera dhe lengun e tyre.
Sapo te filloje lengu te vloje i shtojme salcen e domates dhe kripen.
E gatuajme ne zjarr te ulet afro 2 ore, duke i shtuar here pas here lengun e qiqrave.
Pasi kane kaluar 2 ore, marrin disa garuzhde me qiqra dhe i kalojme ne frulator per t'i reduktuar ne pure. (Une i kalova te gjitha se perndryshe ime bije nuk i fuste ne goje)
E rivendosim tenxheren ne zjarr dhe i shtojme makaronat, te cilat i presim ne shirita te vegjel.
I gatuajme derisa te ziehen makaronat dhe me pas e servirim supen duke e sperkatur me vaj ulliri te nje cilesie shume te mire dhe piper. 
Gjak e dhjame :D

Sunday, October 2, 2011

E diela shqiptare

Po te pyesnin shqiptaret çkujtojne nga te dielat e kohes se xhaxhit besoj se te gjithe unanimisht do te thonin "pulen me pilaf". Ishte rituali i se djeles. Ishte mbyllja dinjitoze e nje jave pune. Ishte dreka kur e gjithe familja mblidhej rreth tryezes....  
Qetesohuni, nuk do ju jap receten e pules me pilaf! 
Receta ime eshte me pule, por ama pule kapitaliste :D 





Pule e mbushur

Perberesit: (sasia e perberesve varion nga pesha e pules. E rendesishme eshte qe masa per ta mbushur te kete konsistencen e brumit te qofteve, pra jo shume e ngjeshur por as shume e holle, diçka e ndermjetme)

pule e fresket
te brendshmet e pules
1 ose dy feta buke e bardhe

disa luge djathe kackavall ose djathe tjeter i ngjashem me te, une perdora pecorino romano
nje grusht i vogel stika pishe 
1 veze
hudher
majdanoz
nenexhik
vaj ulliri extravergine
kripe
piper
sherbele
rozmarine
gjalp

Pergatitja:
grijme imet hudhren dhe te brendshmet e pules. I shtojme vezen, erezat, djathin dhe stikat e grira, kripen dhe buken e njomur ne uje dhe te shtrydhur fort. 
E punojme masen me duar derisa perberesit te perziehen me njeri-tjetrin. 
Lyejme me kripe pulen. 
E mbushim me masen e mesiperme. 
E mbyllim me kruajtesedhembesh dhe e lidhim pulen me spango.
Poshte kraheve i vendosim 2 dege rozmarine, qe te aromatizohet edhe pjesa e gjoksit. Sipas deshires i vendosim edhe gjethe sherbele.
E lyejme pulen me vaj ulliri dhe gjalp. 
E ndezim furren ne temp. 180°C dhe e pjekim pulen per afro 1 ore, duke i shpuar lekuren me pirun dhe duke e lagur here pas here me lengun qe leshon.



Para se ta servirim e presim barkun me kujdes dhe nxjerrim mbushjen, te cilen e presim ne feta.
Gjak e dhjame :D  

Nese nuk ju pelqen pilafi ja nje ide per te shfrytezuar lengun e pules qe mbetet ne tepsi:
lengun qe mbetet ne tepsi mblidheni dhe kullojeni. Merrni pak nga mbushja e pules, therrmojeni  dhe hidheni ne nje tenxhere bashke me lengun. I shtoni 2 gota uje dhe sapo te vloje hidhni ne tenxhere nje grusht makarona te vogla per supe (ato qe jane ne forme yjesh apo lloje te tjera qe gatuhen per 5 minuta).  


Saturday, October 1, 2011

Nje tjeter tarte tatin...po kete here me fiq













Tarte tatin me fiq

Perberesit per 2 persona:

Pasta sfoglia sa te mbulohet siperfaqja e tepsise
2 fiq
sheqer integral sipas deshires
nje sperkatje me Porto
nje luge niseshte
gjalp

Pergatitja:
presim fiqte ne kater ose me teper pjese. I rendisim ne nje tepsi te lyer me gjalp. Ne nje tenxhere perziejme sheqerin integral me niseshtene. I shtojme 2 luge uje dhe e vendosim ne zjarr derisa sheqeri te shkrihet. Lengut te perftuar i shtojme Porton. I sperkatim fiqte me kete leng dhe e mbulojme tepsine me pasta sfoglia. E lyejme pasta sfoglian me nje luge qumesht dhe e vendosim ne furre ne temp. 200 per afro 30 minuta. 
E servirim te ftohte me fruta stine ose akullore. 
Gjak e dhjame :D

 

Eksperimente me picen e Genes :)


Dy fjale si per parathenie...para disa javesh mikja ime Gena gatoi nje pice te bardhe qe mua m'u duk shume interesante per nderthurjen e perberesve. Pica e Genes kishte te gjithe ato perberes, per te cilet ne shqiptaret "leme koken"...mish qingji, salce kosi, speca... Sot provova ta gatuaj. Pavaresisht kohes qe me mori dhe lodhjes fizike, mua me pelqeu shume. Por heres tjeter do te me pelqente ta gatuaj si kebab. Dmth te ndaje picen pergjysem dhe ta mbushe me mish dhe spec te kuq dhe salcen t'ia hedh siper.







Pica e bardhe ose siç quhet ne Itali "pizza romana"

Perberesit per nje tepsi te ceket 20 x 30 cm:
200 gr miell 0
(per pizza une perdor miellin 0 pasi nga eksperienca ime ky lloj mielli e thith me mire ujin dhe i dhuron pices nje kore me te trashe dhe e ben me te shijshme. Pra, pizza me miell 0 i afrohet me teper pizzes origjinale italiane)
150 ml uje
1 luge vaj ulliri
gjysem luge pure patatesh
gjysem luge e vogel kripe
gjysem luge e vogel mjalte
4 gr maje birre
disa kokrra kripe e trashe

Pergatitja:

hedhim ne nje tas miellin dhe gjysem luge pure patatesh. Tresim ne 100 ml uje majen e birres me mjaltin.
Lengun e perftuar e hedhim pak e nga pak ne tasin ku kemi miellin dhe purene.
I perziejme derisa mielli ta thithi te gjithe ujin dhe me pas i shtojme pak e nga pak 50 ml e mbetura te ujit, kripen dhe ne fund vajin.
E punojme brumin derisa perberesit te perziehen mire me njeri-tjetrin dhe brumi te fitoje elasticitet.


E mbulojme me nje pecete linoje dhe me nje batanije dhe e leme te bymehet ne nje vend te ngrohte, mundesisht aty ku rreh dielli. Brumi duhet te trefishohet prandaj dielli apo ngrohja artificiale jane te domosdoshem.
Une e lashe brumin 4 ore.


Me pas e transferojme ne planin e derrases, ne te cilin kemi sperkatur miell dhe e punojme brumin me duar. E hapim dhe me pas palosim dy cepat. E perserisim kete veprim disa here.
E mbulojme brumin me nje pecete te lagur dhe e leme te pushoje 20 minuta te tjere.
I lyejme duart me vaj ulliri dhe e hapim brumin me duar. E shtrojme ne nje tepsi te lyer me vaj ulliri. Nese e keni gatuar me perpikmeri sipas recetes, gjate hapjes do t'ju formohen disa flluska ajri ne siperfaqen e pices. Mos i shfryni pasi ato i japin  pices lezet.
Lyejme siperfaqen e pices me vaj ulliri extravergine dhe disa kokrra kripe te trashe. E leme tepsine jashte furre edhe per 20 minuta te tjere.
 Nderkohe ndezim furren ne temperaturen maksimale, 250°C.



1 spec i kuq i madh
nje dore mish qingji
1 thelb hudher
100 ml salce kosi
vaj ulliri
kripe
majdanoz 
xhinxher i fresket

Pergatitja:
ne nje tigan nxehim pak vaj ulliri me nje thelb hudher. I shtojme mishin dhe specat e prere ne copa te medha. I kriposim & peperosim dhe po qe e nevojshme i shtojme disa luge uje derisa mishi te zbutet. I gatuajme ne zjarr mesatar dhe me kapak te mbyllur, ne menyre qe te gatuhen me avullin e tyre.
Me pas i aromatizojme me majdanoz te fresket, te grire imet.

Salcen e kosit e hollojme me 2 luge uje dhe e perziejme me nje maje luge xhinxher te grire.

Shtrojme mbi pice masen me mish dhe e sperkatim me salcen e kosit.





E vendosim tepsine ne furre dhe e pjekim derisa siperfaqja e pices te marre nje ngjyre te florinjte.

P.S.: Fln shume Genen. Ta shperblefsha ne te tilla raste :))))

Related Posts Plugin for WordPress, Blogger...