Sallate makaronash me djathe Brie

Djathi Brie eshte nje nga djatherat me te famshem franceze me prejardhje nga krahina qe mban po te njejtin emer, Brie. Karakteristike e tij eshte korja qe perftohet nga nje trajtim me myshqe te veçanta. Gjithashtu nje tjeter e veçante  e tij eshte pergatitja me qumesht lope te ftohte, dmth temperatura maksimale e qumeshtit s'kalon 37°C.
Mua me shijon mbi buke te thekur, me pak vaj ulliri extravergine dhe i sperkatur me piper te zi :) por para disa vitesh provova ta gatuaj si ne receten e meposhtme dhe shija ishte fantastike.

Perberesit per 4 persona:

400 gr makarona fusilli

2 speca te kuq

100 gr djathe Brie

1 luge majdanoz i grire

kripe

piper

hudher

vaj ulliri

Pergatitja:

E presim specin, e lare dhe te qeruar nga farat, ne shirita te holle dhe e skuqim ne nje tigan me vaj ulliri, ku kemi vendosur nje thelb hudher qe te leshoje arome. I hedhim kripe dhe majdanoz. E shuajme me pak uje dhe e leme ne zjarr me kapak te mbyllur per rreth 10 min.. Nderkohe ziejme ne uje me kripe makaronat. I kullojme dhe i vendosim ne nje tas sallate. Pasi kemi hequr hudhren nga tigani, peperosim specin dhe ia hedhim makaronave. I perziejme mire e mire dhe i leme te ftohen. Presim djathin Brie ne kubike te vegjel dhe ia shtojme sallates se makaronave, kur kjo e fundit te jete ftohur pak. Serviret e vaket ose e ftohte.  

Sallata me molle dhe dieta e panisur

Duke lexuar gazeten dje ne mengjes Ballakumes i hipi ne koke t'i nenshtrohej nje regjimi te rrepte dietik. Qe sot - i premtoi vetes - gatime te lehta 1200 kalorike dhe 1 luge vaj ulliri ne dite!
Ia shprehu kete vendim vendimtar kamarieres kineze duke e rakomanduar qe te mos i sillte me embelsira per te shoqeruar kafen por vetem dolcificante, qe eshte nje sheqer/jo sheqer per diabetiket dhe dietiket.

Sì! Sì! Sì, signola! - ia ktheu kinezja topolake me syte prej bajame, qe s'i ngre kurre nga dyshemeja.

Ndersa rrekellente nje gllenjke leng geshtenjash - se vetem kafe nuk mund ta quash ate qe bejne kinezet (me gjithe respektin qe kam per kinezet!) - nje flash forward iu shfaq para syve. Iu duk sikur vraponte buze bregdetit grek me nje fizik prej Brigitte Bardot e viteve '60, me floket qe i shpurpuriseshin nga flladi mengjesor i Mesdheut dhe qe i rrihnin lehtas lekuren e bardhe prej porcelani si "made in china"....

Oh, s'kishin kaluar 24 ore dhe dieta po funksiononte! Ballakumja po ndjehej me e lehte! Silueta qe pasqyrohej ne vitrinen e dyqanit ishte holluar dukshem!

Gjithe krenari dhe besim ne vetvete kthehet ne shtepi te gatuaje darken.
Qeron mollet, hap frigoriferin per te marre pak kos-bio-pa-pike-yndyre por.... syri i kap nje cope sallam....

Pergatit nje mega tas me molle, sallam dhe djath fontina qe e sperkat me piper te zi, uthull molle, vaj ulliri extravergine dhe..........auuuu dieta!!!!! 

Molle granny smith

sallam cacciatore si ky ketu http://www.negroni.com/ita/stelle/tutelati/cacciatore.shtml

djath fontina

piper

kripe

vaj ulliri extravergine

uthull molle
P.S.: masat me sy :)

Sallate me fruta

Nese per te bere torten me fruta keni blere fruta ne sasi industriale, apo nese ne frigorifer ju kane mbetur disa banane qe po te rrine edhe disa ore aty duket sikur kane qene me pushime ne Kenia, apo nese keni nje neps te pafrenueshem per embelsira por jeni ne diete, kjo recete eshte per Ju!

Perberesit per 4 veta:

2 kiwi

2-3 mandarina

2 molle

2 banane

Arra te thyera sipas deshires

1 ose gjysem shege

Lengu i nje portokalli

Liker i embel

Sheqer sipas deshires.

Pergatitja:

Presim frutat ne kubete. Pastrojme shegen dhe marrim prej saj kokrrat e vogla. I vendosim frutat ne nje tas dhe shtojme arrat, lengun e portokallit, likerin dhe sheqerin. I perziejme mire e mire dhe i vendosim ne frigorifer per rreth 1 ore.

Gjak e dhjame :D