Ah te befsha sushin!

Per te arritur ne sushin e mesiperm jane hudhur ne plehrat organike 1 kg oriz japonez, 2-3 avogado. Kane shkuar ne te njejtin destinacion edhe fletet e algave, ndersa salmoni apo karkalecat e detit u rekuperuan per t'u perdorur ne sallata e panine (me aq sa kushton salmoni i tymosur do i kisha hyre vetes ne shpulla po ta hidhja ne plehra).

Miqte e mi kjo eshte hera e trete qe provoj te pergatis sushi. Siç jua thashe pak me siper, 2 heret e pare qene katastrofike. Nje njeri normal do te kishte hequr dore duke llomotitur kushedi se çfare shprehjesh popullore, por Ballakumja, e shtyre edhe nga dashuria per z. Tironc, i induktoi vetes nje doze te madhe vullneti e kembengulje derisa pergatiti nje vakt te lavderueshem "sushi for 2".

P.S.: me erdhen shume ne ndihme keshillat e chefi-t japonez tek masterchef

P.P.S.: me erdhen ne ndihme heret kur kam ngrene sushi (Kjo per te nenvizuar qe per ta pergatitur vete, duhet te shkosh perpara ta provosh ne restorant, keshtu je ne gjendje te vleresosh nese ia ke arritur qellimit apo jo... ne fakt kjo vlen jo vetem per sushin por per te gjitha pjatat etnike)

Perberesit per nigiri sushi, maki sushi dhe california rolls per 2-4 persona:

510 gr oriz japonez 

600 gr uje

100 ml uthull orizi

alge

gjysem luge e vogel kripe

50 gr sheqer

4-5 flete alga nori

1 avogado

1 limon jeshil

1 kastravec

salmon i tymosur

karkaleca deti

salce soje

wasabi

fara suzami

Pergatitja:

per te eliminuar sa me shume niseshte, e shpelajme orizin ne uje te rrjedhshem derisa uji i shpelarjes te behet i kthjellet. E kullojme mire dhe me pas e hedhim ne nje tenxhere se bashku me 600 gr uje dhe nje alge. 

E vendosim mbi zjarr mesatar per 10 minuta. 

Me pas e ulim temp. e zjarrit dhe e leme te gatuhet edhe 12 minuta te tjera. 

Ne fund e fikim zjarrin dhe e leme tenxheren mbi zjarr te fikur edhe per 10 minuta.

Gjate gjithe kohes se gatimit nuk duhet kurrsesi t'i hiqet kapaku  tenxheres.

Ndersa gatuhet orizi merremi me pergatitjes e salces. 

Hedhim ne nje tenxhere uthullen e orizit, kripen dhe  sheqerin, e i vendosim ne zjarr shume te ulet. 

I perziejme derisa sheqerin te shkrihet.

Orizin e hedhim ne nje tas ose tave (me mire do te ishte nje tas i ceket druri), eliminojme algen dhe e perziejme me salcen e perftuar me siper.

E mbulojme tasin me nje pecete te lagur dhe e leme menjane te ftohet 

   

Nderkohe presim ne shkopinj te holle avogadon dhe kastravecin, e i njomim me lengun e limonit.

Shtrojme mbi mbulesen e bambuse fleten e alges. 

Njomim me uje duart dhe marrim pak oriz, te cilin e hapim me mollezat e gishtave, duke lene nje hapesire prej rreth 3 cm ne pjesen e siperme te alges.

Lyejme me salce wasabi mesin e alges dhe shtrojme fetat e salmonit te tymosur, avogados ose kastravecit.

Per te formuar maki sushi rrotullojme mbulesen e bambuse dhe ushtrojme pak force per ta shtypur.

Sapo maki sushi eshte formuar e ndajme me nje thike te mprehur mire e te njomur ne uje te ftohte.

Per pergatitjen e california rrolls ndiqet pak a shume e njejta procedure, veçse pas shtrimit te orizit, e kthejme algen ne te kundert. Pra, orizin ne kontakt me mbulesen e bambuse dhe algen ne siperfaqe. E mbushim sipas deshires.

Nigiri sushi eshte akoma me i thjeshte. Njomim duart me uje te ftohte dhe me pak oriz formojme nje si tip qofteje, te cilen e shtypim brenda grushtit.

Lyejme feten e salmonit me pak wasabi dhe e ngjisim me orizin.

I servirim me tofu, feta xhinxheri dhe natyrisht salce soje.

Sayonara!

  

Arigato!

Reklama e mesiperme, e realizuar ne zonen ku jetoj une, ironizon snobizmin e turisteve milaneze qe vijne per ski ne Dolomiten dhe kerkojne sushi, pra qiqra ne hell do thoshim ne :)
Kuzhina japoneze eshte nje fenomen i ri qe ka fituar shijet e  italianeve vetem ne 10 vjeçarin e fundit. Fillimisht u induktua si tendence nga foodbloggers, te cilet per te bere diferencen ndermjet tyre mundoheshin te percillnin receta nga me te çuditshmet, por me pas fenomeni sushi pati nje sukses te jashtezakonshem e kete e vertetojne shifrat e restoranteve aziatike te hapur ne nje hark kohor shume te shkurter.
Madje edhe ketu tek ne, midis Dolomiteve, gjinden restorante luksoze qe i kane besuar sektorin e kuzhines etnike chef-ave aziatike,  sepse eshte pikerisht kuzhina japoneze ajo me e kerkuara nga klientet. Nuk di te them nese kjo kerkese vjen si pasoje e snobizmit apo adoptimit te nje menyre te ushqyeri te shendeshem, por ju betohem qe po ta provoni disa here rrezikoni te shnderroheni ne sushi-addicted :)

Personalisht pata nje qasje pak te çuditshme me kuzhinen japoneze.  Duke qene menefregiste kundrej modave te momentit dhe aq me pak snob (te pakten une kshu e njoh veten :P) kureshtjen per Japonine ma ndezen disa shkrimtare.
Qene librat e Kawabata Yasunarit, Haruki Murakamit e Banana Yoshimotos qe zgjuan interesin tim per çdo gje "made in Japan", aq sa endrra ime ne sirtar eshte te vizitoje Kyoton. Me aq sa kushton nje udhetim turistik ne Japoni, i bie qe endrres te qendroje ne sirtar per nje kohe relativisht te gjate, por nderkohe une kenaqem  duke shijuar çdo arome qe me servirin ne restorantet japoneze.
Nje zinxhir shume i suksesshem restorantesh aziatike administrohet  ne Bolzano nga 2 djem shqiptare qe kane studiuar per turizem ne Itali (http://www.shiro-bz.it/).
Te varej nga une, do te haja japonezçe perdite, por ahimè kushton e shkreta, prandaj e influencuar nga disa miq qe jane te apasionuar pas kuzhines japoneze dhe arrijne te pergatisin recetat ne kushte shtepie, mendova ta provoje edhe une.
Rezultati ishte i shkelqyer, ndoshta jo aq i mire sa ne restorant por aty afer :)

Yakitori - my way


Perberesit per 4 persona:


500 gr mish pule, tul nga pjesa e gjoksit ose e kofshes
2-3 qepe te njoma
ereza Sichimi Togarashi
3 luge salce soje
1 luge sheqer
2 luge sakè (fakoltative)
2 kunguj jeshile
2 luge vaj ulliri


Pergatitja:
erezat Sichimi Togarashi shiten te konfeksionuara ne dyqane etnike apo edhe ne ndonje supermarkate, mgjth ne pamundesi mund te pergatiten ne kushte shtepie. Fundja behet fjale per spec te kuq djeges, lekure portokalli, fara suzami, fara lulekuqe, piper nga Sichuani (qe mund te zevendesohet fare mire me piper te zi), alga nori apo xhinxher. Keto thahen dhe grihen imet. Perdoren gjeresisht ne kuzhinen japoneze.


Yakitori eshte shishqebabi i pules por meqe z. Tironc, specialisti i zgares, mbreme nuk ishte ne shtepi, une i bera ne tigan. 


Ndajme gjoksin e pules ne kubike te vegjel 2-3 cm dhe grijme trashe qepet e njoma dhe kungujt jeshile. 
Pergatisim salcen duke hedhur ne nje tenxhere te vogel salcen e sojes, sakè-ne dhe sheqerin. E vendosim tenxheren ne zjarr te ulet dhe e vlojme per 1-2 minuta. 
Vendosim nje tigan ne zjarr te larte dhe sapo te jete nxehur i hedhim kubiket e pules, kungujt jeshile dhe qepet e njoma.
I sperkatim me salcen e perftuar si me siper.
I gatuajme per rreth 5-6 minuta, nese mishi eshte i fresket, duke i perzier here pas here.
Me pas i hedhim 1 luge ereza Sichimi Togarashi dhe 2 luge vaj ulliri dhe vazhdojme gatimin per 5-6 minuta te tjera.
E servirim me oriz te zier dhe salce soje.
Gjak e dhjame :D

Torta me pekmez rrushi - Torta con mosto cotto

Pekmezi eshte shurupi qe perftohet nga zierja e mushtit te rrushit. Perveç vetive kurative ka nje shije shume te mire qe kombinohet me djatherat e stazhonuar.

Une e perdora per pergatitjen e kesaj torte mengjesore. 

Torte me pekmez

Perberesit per nje tepsi rrethore me diameter 24 cm ose ne forme unaze:

250 g miell 00

200 gr sheqer

3 veze

150 gr leng portokalli

50 gr pekmez

nje pako pluhur pjekes

lekura e nje portokalli

110 ml vaj luledielli

ereza te reduktuara ne pluhur: xhinxher, kardamom, kanelle, arre moskat, karafil

arra te thyera (fakoltative)

Pergatitja:

rrahim me tel kuzhine vezet me sheqerin derisa masa te zbardhet.

I shtojme vajin, lengun dhe lekuren e portokallit, ne te cilin kemi tretur pekmezin dhe erezat.

I perziejme dhe i shtojme pak e nga pak miellin e situr me pluhurin pjekes.

Sipas deshires mund t'i shtoni edhe arra te thyera.

Lyejme me gjalp dhe miell nje tepsi per torta dhe shtrojme masen.

E pjekim ne furre ne temp. 175°C per afro 40 minuta.
Mascarpone dhe pekmez jane nje kombinim shume i mire.

Italiano

Il mosto cotto è un prodotto che in Albania trova uso nella medicina popolare. A parte le sue proprietà curative, è ottimo per accompagnare i formaggi stagionati. E anche per la preparazione di questa torta mattutina.

Torta con mosto cotto

Ingredienti:

250 gr farina 00

200 gr zucchero

150 gr succo d'arancia

50 gr mosto cotto

1 lievito per dolci

buccia d'arancia

110 ml olio di girasole

aromi tritati: zenzero, cardamomo, cannella, noce moscata, chiodi di garofano

noci tritate (facoltativo)

Preparazione:

sbattere le uova con lo zucchero fino ad ottenere una massa chiara.

Aggiungere l'olio, la buccia ed il succo d'arancia, nel quale va sciolto il mosto e gli aromi tritati.

Setacciare la farina con il lievito ed unirla poco a poco alle uova.

Volendo potete aggiungere anche una manciata di noci tritate.

Ungere con burro ed infarinare una teglia oppure una forma di ciambella.

Versare l'impasto ed infornare a 175°C per 40 minuti.
Mascarpone e mosto cotto sono un ottimo accompagnamento.

Toglietemi tutto..ma non il mio chocolate!

E pranoj! Jam chocolate-addicted! Do te jetoja duke u ushqyer vetem me çokollate te zeze. Lere pastaj kur çokollata eshte e aromatizuar me Bailyes.....ekstaze!
Keto toptha prej çokollate jane shume te mira dhe kombinimi i Bailyes me kafe ishte ideal por...u betova qe kurre me nuk do t'i pergatisja vete!  Per kohen, koston dhe per kakaon qe perhapet ne gjithe kuzhinen ia vlen me mire te shkoje t'i bleje tek pastiçeria :(
Sidoqofte ishte nje eksperiment i bukur edhe ky!

Toptha prej çokollate me kafe dhe Baileys Irish Cream

Perberesit:

100 gr panna e lengshme per embelsira

2-3 luge Baileys Irish Cream

1 luge kafe e tretshme (une i hodha caffè solubile Hag)

60 gr gjalp

75 gr mjalte

250 gr çokollate e zeze 70% kakao

200 gr çokollate me qumesht

200 gr çokollate e zeze

200 gr kakao pa sheqer

Pergatitja:

ne banjomaria, dmth brenda nje tenxhere me uje vendosim nje tenxhere me te vogel, shkrijme çokollatat.
Veç ziejme panen me mjaltin.
Hedhim panen e nxehte tek çokollatat e shkrira, pak e nga pak dhe pa nxitim.
Kur masa te kete filluar te ftohet i shtojme gjalpin ne temperature ambjetin dhe e perziejme.
Ne 2-3 luge Baileys shkrijme kafen e tretshme dhe ia shtojme mases.
E mbulojme tasin me qese kuzhine dhe e leme te pushoje per afro 12 ore ne ambjent te fresket.
Me pas formojme disa toptha te vegjel dhe i vendosim ne frigorifer.
Shkrijme çokollaten e zeze dhe i kalojme topthat ne çokollaten e shkrire dhe me pas ne nje pjate ku kemi hedhur rreh 200 gr kakao pa sheqer.
I servirim me liker sipas deshires.

Italiano

Eh, sì! Sono chocolate-addicted. Vivrei di cioccolata fondente. E poi se la cioccolata e profumata con Baileys......estasi!

Queste praline sono molto buone e l'abbinamento Bailyes/caffè solubile era eccezionale però...mi sono promessa che mai più li avrei preparati da sola! Per il tempo di preparazione, il costo e per il cacao che si espande in cucina conviene comprare le praline della pasticceria :(

Cmq è stato un bel esperimento!
 

Praline di cioccolato al caffè e Baileys Irish Cream

Ingredienti

100 gr panna per dolci

2-3 cucchiai Baileys  Irish Cream

1 cucchiaio caffè solubile

60 gr burro

75 miele

250 gr cioccolato fondente 70% cacao

200 gr cioccolato al latte

200 gr cacao amaro

200 gr cioccolato fondente

Preparazione:

scioglire a bagnomaria la cioccolata.

In un altro pentolino far bollire la panna con il miele.
Aggiungerla poco a poco alla cioccolata.
Appena inizia a raffreddarsi aggiungere il burro.
Far sciogliere nel Baileys il caffè solubile ed aggiungerlo alla massa.

Ricoprire con una pellicola e lasciarla riposare per ca. 12 ore in un luogo fresco.
Dopodichè formare delle palline, le quali vanno prima tuffate in cioccolato fondente sciolto e poi passate in un piatto dove è stato versato del cacao amaro in polvere.

Eksperimente me picen e Genes :)

Dy fjale si per parathenie...para disa javesh mikja ime Gena gatoi nje pice te bardhe qe mua m'u duk shume interesante per nderthurjen e perberesve. Pica e Genes kishte te gjithe ato perberes, per te cilet ne shqiptaret "leme koken"...mish qingji, salce kosi, speca... Sot provova ta gatuaj. Pavaresisht kohes qe me mori dhe lodhjes fizike, mua me pelqeu shume. Por heres tjeter do te me pelqente ta gatuaj si kebab. Dmth te ndaje picen pergjysem dhe ta mbushe me mish dhe spec te kuq dhe salcen t'ia hedh siper.

Pica e bardhe ose siç quhet ne Itali "pizza romana"

Perberesit per nje tepsi te ceket 20 x 30 cm:

200 gr miell 0
(per pizza une perdor miellin 0 pasi nga eksperienca ime ky lloj mielli e thith me mire ujin dhe i dhuron pices nje kore me te trashe dhe e ben me te shijshme. Pra, pizza me miell 0 i afrohet me teper pizzes origjinale italiane)

150 ml uje

1 luge vaj ulliri

gjysem luge pure patatesh

gjysem luge e vogel kripe

gjysem luge e vogel mjalte

4 gr maje birre

disa kokrra kripe e trashe

Pergatitja:

hedhim ne nje tas miellin dhe gjysem luge pure patatesh. Tresim ne 100 ml uje majen e birres me mjaltin.

Lengun e perftuar e hedhim pak e nga pak ne tasin ku kemi miellin dhe purene.

I perziejme derisa mielli ta thithi te gjithe ujin dhe me pas i shtojme pak e nga pak 50 ml e mbetura te ujit, kripen dhe ne fund vajin.

E punojme brumin derisa perberesit te perziehen mire me njeri-tjetrin dhe brumi te fitoje elasticitet.

E mbulojme me nje pecete linoje dhe me nje batanije dhe e leme te bymehet ne nje vend te ngrohte, mundesisht aty ku rreh dielli. Brumi duhet te trefishohet prandaj dielli apo ngrohja artificiale jane te domosdoshem.

Une e lashe brumin 4 ore.

Me pas e transferojme ne planin e derrases, ne te cilin kemi sperkatur miell dhe e punojme brumin me duar. E hapim dhe me pas palosim dy cepat. E perserisim kete veprim disa here.

E mbulojme brumin me nje pecete te lagur dhe e leme te pushoje 20 minuta te tjere.

I lyejme duart me vaj ulliri dhe e hapim brumin me duar. E shtrojme ne nje tepsi te lyer me vaj ulliri. Nese e keni gatuar me perpikmeri sipas recetes, gjate hapjes do t'ju formohen disa flluska ajri ne siperfaqen e pices. Mos i shfryni pasi ato i japin  pices lezet.

Lyejme siperfaqen e pices me vaj ulliri extravergine dhe disa kokrra kripe te trashe. E leme tepsine jashte furre edhe per 20 minuta te tjere.
 Nderkohe ndezim furren ne temperaturen maksimale, 250°C.

1 spec i kuq i madh

nje dore mish qingji

1 thelb hudher

100 ml salce kosi

vaj ulliri

kripe

majdanoz 
xhinxher i fresket

Pergatitja:

ne nje tigan nxehim pak vaj ulliri me nje thelb hudher. I shtojme mishin dhe specat e prere ne copa te medha. I kriposim & peperosim dhe po qe e nevojshme i shtojme disa luge uje derisa mishi te zbutet. I gatuajme ne zjarr mesatar dhe me kapak te mbyllur, ne menyre qe te gatuhen me avullin e tyre.

Me pas i aromatizojme me majdanoz te fresket, te grire imet.

Salcen e kosit e hollojme me 2 luge uje dhe e perziejme me nje maje luge xhinxher te grire.

Shtrojme mbi pice masen me mish dhe e sperkatim me salcen e kosit.

E vendosim tepsine ne furre dhe e pjekim derisa siperfaqja e pices te marre nje ngjyre te florinjte.

P.S.: Fln shume Genen. Ta shperblefsha ne te tilla raste :))))

Kek me ullinj dhe djathe te bardhe i shoqeruar me salce bari blete

Per realizmin e ketij keku u nisa nga nje recete tradicionale franceze, kek me ullinj. Nga receta origjinale hoqa djathin gruyère, mishin e tymosur dhe i shtova djathe te bardhe dhe ereza te fresketa. E shoqerova me nje salce te perftuar nga bari i bletes, spinaqi etj... per me teper lexoni receten.

Perberesit per kekun:

180 gr miell
3 veze
10 cl qumesht
10 cl vaj ulliri
nje grusht ullinj te zi
300 gr djathe i bardhe
2 ose 3 luge ereza te fresketa (borzilok, mente, majdanoz, hudher gjarpri, koper)

1 pako fryres brumi

kripe

piper

Pergatitja:

fillimisht ngrohim furren ne temp. 180°C. Presim ne kubike djathin e bardhe dhe grijme erezat.

Lyejme me gjalp dhe miell nje tave per plumcake ose per ciambella.

Ne nje tas rrahim vezet me vajin dhe qumeshtin. I shtojme miellin, djathin dhe erezat. I  kriposim dhe peperosim. Duke i perzier i shtojme edhe fryresin e brumit.

E hedhim permbajtjen ne tave dhe e fusim ne furren e nxehte per rreth 40 minuta.

Para se ta presim ne feta e leme te ftohet.

Salca me bar blete

Perberesit:

rreth 30 gjethe bari blete
100 gr spinaq
djathe kaçkavall ose pecorino romano
80 gr stika pishe
2 feta buke e bardhe
1 hudher
vaj ulliri extravergine
kripe

Pergatitja:

i reduktojme ne salce duke i grire ne mixer ose duke i shtypur ne havan. Gjate grirjes ose shtypjes i hedhim pak e nga pak vajin e ullirit. E vendosim salcen ne frigorifer per disa ore.

Gjak e dhjame :D

Dulce de leche

Dulce de leche eshte krem qumeshti dhe sheqeri. I lindur ne Argjentine, shume shekuj me pare, nga nevoja per te konservuar qumeshtin, u perhap ne te gjithe Ameriken Jugore e me vone ne te gjithe boten.

Sipas gojedhenave popullore lindi ne vitin 1829, ndersa gjenerali Rosàs firmoste traktatin e paqes, sherbetori i tij harroi ne zjarr qumeshtin dhe sheqerin...dhe krijoi dulce de leche.  

Pra qumeshti dhe sheqeri duhet te vlojne per plot 2 ore, duke u kaurdisur pa pushim...por meqe deshire per te qendruar mbi zjarr ne kete vape skam hiç fare, mendova te provoj alternativen evropiane te ketij kremi.... 

 
Ne nje tenxhere plot me uje vendosim nje kuti qumeshti me sheqer te kondensuar (te pahapur!) dhe e leme te vloje per 2 ore. Une perdor qumeshtin e markes Nestlè.

Presim derisa te ftohet per ta hapur dhe e servirim me feta buke  ose mund te perdoret edhe per pergatitjen e biskotave.