A u beson zanave?

Realizimi i ideve, leximi i librit "Peter Pan", organizimi, gatimi, seleksionimi i lojrave, qe i pershtateshin temes, si loja "ne kerkim te thesarit", CD, me lodhen me te vertete...por e gjitha kjo me argetoi shume. 

U perpoqa te futem ne nje dimension feminor dhe aventurier, per te rigjetur brenda vetes pikerisht ato emocione qe me kishte lene libri dhe filmi shume-shume vite me pare. E rezultati me kenaqi, ashtu siç kenaqi femijet, e mbi te gjitha hanen15she.
Recetat qe pergatita jane keto te meposhtmet, por ato qe u mbaruan sa-hap-e-mbyll-syte ishin te kripurat :)

 Te kripurat:

- muffin me miell misri, djathe parmigiano reggiano dhe pancetta;

- danubi me sallam dhe djathe te bute robiola;

- pizza te vogla;

- varkeza hot-dog

netet e mija para festes

Te emblat:

- torta Piratet me karrota dhe bajame;

- torta Trilly ne pyll;

- embelsira me gjize, molle dhe çokollate.

Pijet:

- coca-cola, çaj, fanta, leng dardhe etj.;

Muffin me miell misri, parmigiano reggiano dhe pancetta

Perberesit per 24 cope:

200 gr miell 00

240 gr miell misri i imet

2 kos natyral (te vegjel)

160 gr pancetta

100 gr djathe parmigiano reggiano

4 veze

2 luge te vogla maje birre per torta te kripura

12 luge vaj ulliri extravergine

kripe

Pergatitja:

skuqim pancetta-n ne nje tigan antiaderent dhe e leme menjane.

Ne nje tas perziejme miellrat me majen e birres. I shtojme kosin, vezet, pancetta-n, djathin e grire, vajin e ullirit, kripen dhe piperin.

I perziejme perberesit derisa te perftojme nje mase homogjene.

E ndajme masen ne format e muffin, te veshur me leter pjekjeje ose ne tepsine e posaçme te lyer me gjalp, e i pjekim ne furren e ngrohur paraprakisht ne temp. 180°C per afro 16-18 minuta, derisa te marrin nje ngjyre te arte ne siperfaqe.

Pizza (i vetmi ndryshim nga pizza normale eshte pureja e patates, e cila ben qe kjo pizza te qendroje e bute per disa ore)

Perberesit:

300 gr miell 0

50 gr pure patate pluhur

15 gr maje birre e fresket

3 luge vaj ulliri

1 luge e vogel kripe

Per salcen:

1 qepe

2 thelpinj hudhra

2 luge vaj ulliri

500 gr salce domatesh

3 luge salce domatesh e koncentruar

kripe

piper

2 luge trymez

50 gr ullinj pa berthame

100 gr sallam

100 gr proshute

125 gr mozzarella

125 gr djathe gouda

Pergatitja:

shkrijme ne uje te vaket majen e birres.

Ne nje tas hedhim miellin, purene e patates, vajin, kripen dhe ujin, ne te cilin kemi tretur majen e birres. E punojme derisa te perftojme nje brume elastik.

E mbulojme me pecete dhe e vendosim ne nje vend te ngrohte te bymehet.

Nderkohe pergatisim salcen.

Skuqim ne nje tigan me vaj ulliri qepen e grire sebashku me hudhrat.

I shtojme salcen e domateve dhe salcen e koncentruar. Gjithashtu i shtojme erezat dhe kripen.

E leme salcen ne zjarr derisa te dendesohet.

Ngrohim furren ne temp. 250°C. Lyejme me vaj tepsine e ceket te furres.

Hapim brumin dhe e shtrojme mbi tepsi.

E lyejme me salce dhe e pjekim ne pjesen e poshtme te furres per afro 10 minuta ne temp. 250°C.

Me pas i shtojme harxhin sipas deshires dhe e perfundojme pjekjen ne pjesen e siperme te furres

Danubi te vegjel me sallam dhe djathe te bute robiola 

550 gr miell 00

250 ml qumesht

50 gr vaj ulliri

1 luge kripe

2 luge sheqer

16 gr maje birre e fresket

1 veze

1 e verdhe veze

fara suzami

Per mbushjen:

sallam

robiola e fresket ose philadelfia

Pergatitja:

rrahim me tel kuzhine vezen me sheqerin dhe vajin, e me pas i hedhim qumeshtin ku kemi tretur majen e birres.

I shtojme miellin dhe kripen dhe punojme me duar derisa te formohet nje brume elastik.

E vendosim te bymehet ne nje vend te ngrohte per afro 2 ore, derisa te dyfishoje masen.

Pas kesaj kohe e ndajme brumin ne topa te vegjel, pak me dimension pak me te madh se nje kokerr arre.

E shtypim secilin top me grusht, ne menyre qe te hapet dhe ne mes vendosim harxhin.

E mbyllim dhe i rijapim formen e topit. I vendosim topat mbi tepsine e lyer me gjalp ose te veshur me leter pjekjeje dhe e veme menjane, ne nje vend te ngrohte, te byhemet per afro gjysem ore tjeter.

Ne fund i lyejme danubet me te verdhen e vezes ne siperfaqe, i sperkatim me fara suzami dhe i pjekim ne furre ne temp. 200°C per afro 20 minuta.

Varkat prej hot-dog

panine hot-dog

wuerstel

per velat: leter e bardhe, shkop bambuje dhe karton i kuq

Torte me karrota

(sipas librit me receta nga bota. Torte tipike zviceriane)

Perberesit:

200 gr sheqer kaf

5 veze

250 gr karrota
60 gr miell

300 gr bajame te qeruara

lekura e nje limoni bio

vanilje

kanelle
gjysem pako pluhur pjekes
gjalp per te lyer tepsine
3-4 luge buke e grire

250 gr sheqer pluhur

afro 3 luge leng limoni

Pergatitja:

rrahim me rrahes elektrik te verdhat e vezeve me sheqerin derisa te perftojme nje mase te bardhe dhe shkumoze.

Grijme ne mixer, veç e veç, karrotat dhe bajamet.
Ne nje tas perziejme miellin me bajamet e grira dhe pluhurin pjekes. I bashkojme  masat ne nje tas te madh.

I shtojme vaniljen, lekuren e limonit dhe kanellen.

Veç rrahim te bardhat me nje maje luge kripe, derisa te zbardhen dhe shkumezohen.

Hedhim te bardhat tek masa dhe i perziejme me kujdes me luge druri.

Marrim nje forme torte me permasa 26 cm dhe e lyejme ne fillim me gjalp e me pas me buke te grire.

Hedhim masen e tortes dhe e pjekim ne temp. 180°C per 1 ore.

Para se t'i hedhim glasaturen, e leme torten te ftohet ne temp. ambjenti per nje nate.

Te nesermen perziejme sheqerin pluhur me lengun e limonit dhe ia hedhim persiper tortes. 

Torta Trilly al bosco

Perberesit:

100 gr gjalp

150 gr sheqer kaf

100 gr sheqer i bardhe

2 veze

vanilje

50 gr miell 00

100 gr miell me permbajtje pluhur pjekes

50 gr kakao

1 gote uje i vaket

250 ml qumesht

Per kremin e gjalpit:

300 gr gjalp

80 gr sheqer pluhur

1 luge boje jeshile pluhur

100 gr çokollate e zeze

Per kerpudhat:

2 te bardha vezesh

100 sheqer pluhur

Pergatitja e bazes:

fillimisht ndezim furren ne temp. 180°C.

Lyejme me gjalp nje forme torte me diameter 20 cm.

Rrahim me rrahes elektrik gjalpin me sheqerin derisa sheqeri te shkrihet. I shtojme me rradhe vezet e rrahura veç dhe vaniljen.

Me pas i shtojme miellrat, pluhurin pjekes, kakaon, qumeshtin dhe e perziejme derisa te perftojme nje mase homogjene.

Ne fund e hedhim masen ne tortiere dhe e pjekim per 1 ore.

Para se ta presim e leme te ftohet per te pakten gjysem ore.

Per pergatitjen e kremit mbushes rrahim me rrahes elektrik sheqerin pluhur dhe gjalpin ne temp. ambjenti.

E ndajme masen ne 2 tasa te veçante. Tasit te pare i shtojme çokollaten e zeze, ndersa te dytit bojen jeshile.

Ndajme torten, tashme te ftohur, ne 2 pjese te barabarta, te cilat i lyejme me kremin me çokollate te zeze.

Siperfaqen e lyejme ne fillim me kremin e çokollates se mbetur e me pas me kremin e ngjyrosur.

Per pergatitjen e kerpudhave ndezim furren ne temp. 150°C. Veshim tepsine e ceket te furren me leter pjekjeje.

E me pas rrahim te bardhat e vezeve me rrahes elektrik. Te bardhat duhet te kene temp. ambjenti , perndryshe nuk fryhen.

I shtojme me ngadale sheqerin pluhur dhe i rrahim derisa sheqeri te shkrihet dhe masa te shkelqeje.

E hedhim masen ne nje sac-a-poche dhe formojme kerpudha te madhesive te ndryshme.

I pjekim per afro gjysem ore.

Per ti bashkuar perdorim çokollate te bardhe te shkrire ose kremin e mesiperm.

E veshim te gjithe perimetrin e tortes me shkopa çokollate  dhe e dekorojme me kerpudhat e sperkatura me kakao.

neper korniza te Ikea-s vendosa imazhe te personazheve dhe citime nga libri

Embelsira me gjize, molle dhe çokollate

Perberesit:

200 gr gjize

qumesht

1 veze

50 gr gjalp + 50

100 gr sheqer + 4 luge sheqer kaf

vanilje

1 luge e vogel lekure limoni

lengu i 2 limonave

400 gr miell

1 pako pluhur pjekes

1 kg molle
1 kavanoz krem lajthie dhe çokollate ose nutella
250 ml leng dardhe 

Pergatitja:

ne nje tas hedhim gjizen, vezen, gjalpin e shkrire, sheqerin, vaniljen, lekuren e limonit dhe nje maje luge kripe. I perziejme me rrahes elektrik duke i hedhur edhe pak qumesht, derisa masa te homogjenizohet dhe sheqeri te shkrihet.

Ne nje tas tjeter perziejme miellin me pluhurin pjekes dhe ia shtojme mases pak e nga pak.

E punojme brumin e formuar me duar dhe e hapim ne nje pete pak me te madhe sesa madhesia e tepsise.

E shtrojme peten mbi tepsine e lyer me gjalp, duke veshur edhe bordet, ne menyre qe te krijohet nje si kontenitor per mbushjen.

Qerojme mollet. I presim ne feta dhe i sperkatim me leng limoni.

I vendosim mollet mbi peten e shtruar dhe i sperkatim me 50 gr gjalp te shkrire.

Ndezim furren ne temp. 180°C.

Perziejme 3-4 luge sheqer kaf me kanellen dhe me te sperkatim siperfaqen e embelsires.

E pjekim ne furre per afro 40 minuta.

Pas pjekjes, e leme te ftohet dhe me pas i hedhim persiper nutella-n e perzier me leng dardhe ose molle.

Deri ne festen e ardhshme....bye bye! 

Sweet sweet sweet Macarons!!!!

Macarons te mbushura me krem kosi

Per macarons:

120 gr bajame te reduktuara ne miell

220 gr sheqer pluhur

90 gr te bardha vezesh

30 gr sheqer normal

Pergatitja:

vendosim nje tepsi te madhe ne furre dhe e ndezim ne temp. 155°C.

Perziejme ne mixer sheqerin pluhur me bajamet dhe me pas i sitim per te eliminuar kokrrizat e mundshme.

Veç ne nje ene qelqi rrahim me rrahes elektrik te bardhen e vezes me 1 pike leng limoni. Kur e bardha te shnderrohet ne shkume, i shtojme sheqerin, pa nderprere rrahjen.

Me pas i hedhim gjysmen e mases se ngurte (dmth sheqerin pluhur dhe bajamet) dhe i perziejme me shpatull kuzhine nga poshte-lart ne menyre qe e bardha e vezes te mos bjere ne volum.

Kur masa te jete homogjenizuar, i shtojme pjesen e mbetur te mases se ngurte dhe i perziejme me delikatese si me siper.

E hedhim masen e perftuar ne nje sac a poche dhe formojme ne nje tepsi te veshur me leter pjekjeje disa pufka.

Kete tepsi e vendosim mbi tepsine qe kemi ne furre dhe i pjekim per 14 minuta.

Pas kesaj kohe, i nxjerrim nga furra, i leme te ftohen dhe i heqim me shume kujdes.

P.S.: Ju rrefej qe provat e mija te para me macarons kane qene katastrofe sepse me prisheshin ne momentin qe kerkoja t'i nxirrja nga tepsia. 
Ne fakt macarons-at qe te fryhen siç duhet dhe te dalin kollajshem nga tepsia, kerkojne furre me ventilator. Por une jam kokemushke, kur i ve vetes nje objektiv s'ka macarons te me ndaloje! Pas shume katastrofash mendova ta provoje me shokun termik. I lashe te ftohen plotesisht e pastaj i vura per pak sekonda mbi zjarr te nxehte dhe dolen menjehere. Mgjth eksperimentet vazhdojne akoma sepse jam shume larg objektivit. Per macaron-sa si te Parisit duhet shume shume shume pune dhe eksperience.....

Mbushja:

200 gr kos me sheqer

2 flete xhelatine per embelsira

1 luge mjalte

1 luge leng limoni

1 luge e vogel vaj ulliri

Pergatitja e mbushjes:

Ne nje tas me uje te ftohte zbusim fletet e xhelatines.

Ngrohim pak lengun e limonit, mjaltin dhe vajin e ulliri dhe i shtojme fletet e xhelatines te shtrydhura sh. mire dhe i perziejme derisa xhelatina te shperbehet.

Sapo te ftohet pak ia shtojme kosit dhe e perziejme me energji. 

E mbulojme tasin e kosit me qese kuzhine dhe e leme nje nate ne frigorifer. 

Te nesermen e hedhim mbushjen ne nje sac a poche dhe me te mbushim macarons.

Me shume delikatese thyejme me mollezen e gishtit te madh pjesen e brendshme te macarons ne menyre qe mbushja te fiksohet dhe te marrin nje pamje te bukur dhe te rregullt.

Para se t'i servirim i leme nje nate ne vend te ftohte ose i vendosim ne frigorifer nese na duhet t'i servirim menjehere
.
To be continued...

Luleshtrydhe party

Te premten mbaron viti shkollor....URRAAAA!!!!!!

E per t'i uruar nje vere te mbare hanes15she dhe shoqeve te saj, Ballakumja organizoi edhe kete vit "festen e fundvitit shkollor". Nese ju kujtohet, vjet festa pati si teme qershine (Qershi party), ndersa sivjet hana15she zgjodhi luleshtrydhen.
Kisha menduar ta organizoja jashte ne pyll, por siç ndodhi edhe vjet, ne kete dite shejtani shkundi b..... mbi Bz dhe detyrimisht festa u zhvillua brenda ne shtepi.
Pas zullumeve te vjetshme, qe i shkaktuan Ballakumes dhimbje kerbishtash per 1 jave rresht, numri i te ftuarve u reduktua dukshmen dhe seksi mashkull u penalizua rreptesisht nga festat ne shtepi, te pakten deri ne klase te gjashte.

Pra, meqe te ftuarat ishin vetem goca u frymezova nga filmi vizatimor per femije "Luleshtrydhja zemerembla" per ngjyrat e zbukurimit te tryezes dhe embelsirave. Ndersa ne internet gjeta  material te bollshem si vizatime per t'u ngjyrosur, kapele e çanta letre per t'u prere dhe ngjitur nga gocat etj. Gjithashtu nga interneti shkarkova nje format letre me vija (letra poshte pjatave) e u kerkova gocave te shkruanin ndonje gje per shoqen e tyre te zemres, ndonje kujtim apo çfare te donin ato e t'ia jepnin diten e fundit te shkolles. 

Luleshtrydhe pops

(une i quajta keshtu, por ndoshta keto luleshtrydhe kane nje emertim te caktuar ne anglisht...)

Perberesit:

luleshtrydhe

çokollate e bardhe

xhel i kuq per zbukurim

Pergatitja:
shkrijme çokollaten e bardhe ne bagnomaria.
Zgjedhim luleshtrydhet me te medhaja dhe i ngulim ne disa shkopa per perdorim gastronomik.
I zhysim ne çokollaten e bardhe dhe me pas i leme te ftohen.
I dekorojme sipas deshires.

Gjarpri prej profiteroli me mascarpone dhe luleshtrydhe

Perberesit per 4 persona:

Per gjarprin:

90 gr margarine

90 gr miell

3 veze 
1 gr pluhur pjekes per embelsira

210 ml uje

kripe sa te kapin majat e gishtave

Pergatitja e gjarprit:

ne nje tenxhere ngrohim ujin. I shtojme margarinen dhe kripen.

Sapo uji te arrije temp. e vlimit, i shtojme miellin, pak e nga pak.

E perziejme ne fillim me tel kuzhine dhe me pas me luge druri.

Kur masa te shkeputet plotesisht nga bordet e tenxheres, pra kur merr formen e brumit, ath eshte gati.

Para se t'i hedhim vezet, e transferojme masen ne nje plan derrase dhe e hapim me luge druri ne menyre qe te ftohet.

Me pas i shtojme vezet, nje e nga nje dhe e punojme brumin qe t'i thithe ne menyre homogjene me tel kuzhine ose rrahes elektrik.

Ne fund i shtojme 1 gr pluhur pjekes, pra nje maje luge apo thike me sakte.

Mbushin nje sac a poche me masen dhe formojme gjarprin ne nje tepsi te lyer me gjalp. 
E pjekim ne furre ne temp. 200°C derisa te marrin nje ngjyre te arte.

Perberesit per mbushjen:

200 gr mascarpone ose lloj tjeter djath i bute

50 gr pana per embelsira

2 te verdha vezesh

100 gr sheqer 

Pergatitja e mbushjes:

si mascarpone ashtu edhe pana duhet te jene shume te ftohta ne menyre qe te rrihen mire. Italianet kane nje term shume te lezetshem per te treguar qe mascarpone ose pana nuk po fryhen, sipas tyre "ato po çmenden" :).

Rrahim me rrahes elektrik te verdhat e vezeve me treçerekun e sheqerit, per te pakten 10 minuta.

I shtojme mascarponen dhe i perziejme. E vendosim enen ne frigorifer.

Rrahim panen me sheqerin e mbetur derisa te perftojme nje mase shkumoze dhe te trashe. 

E nxjerrim enen me mascarpone nga frigoriferi dhe e perziejme me tel kuzhine. 

I shtojme panen pak e nga pak, duke e perzier nga poshte-lart, ne menyre qe masa te mos bjere.

Montimi i tortes:

i bejme disa vrima gjarprit, te cilat i mbushim me kremin e mascarpones. Sugjeroj te perdorni nje sac a poche.
Ndersa ne siperfaqe e lyejme me reçel luleshtrydhesh dhe fiksojme fetat e luleshtrydheve si ne foto.

Tartine te ndryshme me krem djathi dhe proshute, krem djathi dhe ullinj jeshile etj.

Pizza te vogla me pasta sfoglia, salce domatesh dhe djathe stracchino

Smoothie me luleshtrydhe


200 gr luleshtrydhe
2 banane
2 pjeshke
mjalte

qumesht 
sheqer


Hedhim ne frullator luleshtrydhet, bananet, pjeshket, 2-3 luge mjalte dhe pak qumesht. I frulojme derisa te homogjenizohen. E hollojme me qumesht dhe i shtojme sheqer sipas deshires.

Kjo eshte receta ime, deri me sot sekrete, per "coccolare me stessa", por qe i pershtatesh shume mire edhe temes se festes.

Festa mbaroi. Gjithçka shkoi mire. Asnjera nuk krisi e ndrydhi ndonje dore apo ndonje kembe. Asnjera nuk u merzit apo xhelozua. Te gjitha kaluan pragun e deres me buzeqeshjen te stampuar ne fytyre, sepse Ballakumja u premtoi qe gjate veres do t'u organizoje nje feste tjeter. :)
E Ballakumes, si gjithmone, i duhet te sjelle ne terezi shtepine, mbi te cilen duket se ka kaluar ndonje uragan ose nje bande hajdutesh ne kerkim te kasafortes :((((.....

Ushqime dhe popull

Ne fundjaven e shkuar u prezantova denjesisht  ne festen e popujve te organizuar ne Bolzano .... nderova veten, blogun, shoqaten, e gjithe shqiptaret :P (Shyqyr, thuaj, qe  s'merrnin pjese turqit, se do me kishin hyre ne dru per vjedhjen e recetes se kadaifit lol)

Kadaif me arra - recete puro shqiptare

(receten duhet ta dini, por une po e shkruaj per veten time qe t'i kem masat gati per here tjeter..)

per 1 kg kadaif te pjekur

arra (rreth 400 gr)

Per sherbetin:

2 kg sheqer

1 kg e gjysem uje

karafil

lekure limoni

400 gr gjalp

Pergatitja:

ne nje tenxhere hedhim sheqerin, ujin, 2 shirita lekure limoni, 2 luge leng limoni, gjalpin dhe içik karafil per lezet. E vendosim tenxheren ne zjarr dhe e leme te vloje per afro 10-15 minuta, derisa sherbeti te trashet pak.

E leme te ftohet, derisa ta duroje gishti, e me pas ia hedhim kadaifit pak e nga pak.

E mbulojme me leter alumini dhe e leme 1 nate ne temp. ambjenti.

Ndersa kur kadaifi eshte i papjekur, e hapim vete me duar dhe nje pjese e shtrojme ne nje tepsi te lyer me gjalp. Shtrojme gjithashtu nje shtrese me arra te thyera dhe siper vendosim pjesen e mbetur te kadaifit. Shkrijme gjalpin dhe ia hedhim persiper. E vendosim tepsine ne furre ne temp. 160°C derisa te piqet e te marre ngjyre te florinjte.

Kur eshte ftohur i hedhim sherbetin qe ne kete rast nuk do te permbaje gjalpin.

qofte dhe salce kosi

Ja nje zonje qe po shijon kadaifin :)

Rizoto kantonez me fileto pate dhe salce soje

 

Kronike nga Bolzano ne feste

Nje turme biblike pushtoi kete fundjave qytetin tim. 

Bolzano, nje qytet me rreth 100.000 banore, priti rreth 300.000 alpine nga gjithe Italia. 

(Alpinet jane trupat malore te ushtrise italiane, te cilet karakterizohen ne veshjen e tyre nga nje kapele me pende shpendi. Sipas grades ndryshon edhe lloji i shpendit, qe mund te jete pate, sorre ose shqiponje.

Kush ka qene i vemendshem gjate emisionit te lajmeve i ka pare gjate misionit te tyre ne Kosove, ju te tjereve jua tregon kjo video e realizuar ne Bolzano)

Takimi i alpineve eshte cilesuar si evenimenti me i madh qe zhvillohet çdo vit ne Itali. Sivjet na ra ne per hise. 
Nje makine e madhe organizative u vu ne pune, fillimisht me organizimin e takimeve, prezantimeve te librave dhe ekspozitave mbi temen ne fjale, e me pas me mbarevajtjen e kesaj feste.  

Ne vendasve na u kerkuan disa sakrifica si ndalimi i mjeteve private gjate ketyre diteve e ndalimi i mjeteve urbane ne qender, mbyllja e shkollave me date 11 maj etj.. 

Per dike ndoshta ishte tragjedi, sepse ne jemi nje qytet shume i qete ku njerezia ankohet se autobuzi mberrin 5 minuta pas orarit. 
(E sikur te mos kishin mberritur te huajt kete 10-vjeçarin e fundit per ta bere me interesante kroniken e zeze te gazetave lokale, lajmet kryesore ketu do te vazhdonin te ishin "nje e moshuar u rrezua ne rruge ndersa kalonte ne vijat e bardha" ose "filan clochard vodhi nje cope djathe ne supermarkate" lol)

Megjithate duket se atmosfera e festes fitoi mbi pakenaqesite e vogla qe rridhnin prej mungeses se komoditetit. 
Bolzaninet, pavaresisht etnise perkatese, treguan nje qytetari dhe nje aftesi organizuese te pashembullt. 
Asnje zenke, mgjthse u festua 72 ore non-stop! S'kane kaluar as 24 ore nga mbarimi i festes, e sot ne dreke s'te kapte syri asnje  mbetje-feste ne qender te qytetit! Qe nje feste unike qe na fali buzeqeshje dhe na beri te gjitheve te ndjehemi krenare per qytetin tone.