Gurabije

Receten e gurabijeve ma ka dhene nje kusherira ime qe jeton ne Greqi. I vetmi modifikim qe i kam bere recetes eshte pergjysmimi i mases se gjalpit dhe zevendesimi me sallon e derrit. Kjo per t'i dhene shijen e gurabijeve shqiptare.
Keto gurabije eshte mire te gatuhen disa dite para festes.

Perberesit per rreth 50 cope:

1 e verdhe veze

250 gr miell 00

150 gr sheqer pluhur

75 gr bajame (perdora bajame te reduktuara ne miell)
125 gr gjalp ne temperature ambjenti (ndersa une e modifikova duke e reduktuar ne 70 gr gjalp dhe 55 gr sallo derri)

1-2 luge leng portokalli

1 luge e vogel pluhur pjekes

Pergatitja:

perziejme me rrahes elektrik gjalpin, sallon e derrit me gjysmen e sheqerit. Duke i perzier, i shtojme te verdhen e vezes, bajamet, lengun e portokallit. Nje e nga nje dhe pa nxitim!

Perziejme miellin me pluhurin pjekes dhe ia hedhim perberjes pak e nga pak. Kur masa te kete marre formen e brumit e punojme me duar.

Nese e shohim shume te thate i shtojme pak leng portokalli.

E punojme brumin me duar dhe me pas e vendosim ne frigorifer per afro 30 minuta.
Pas kesaj kohe e hapim me okllai duke formuar nje pete me trashesi 3-4 mm ose edhe me teper. 

Me ndihmen e nje forme biskote, presim disa rrathe te vegjel ose forma te tjera.

I pjekim ne furre ne temp. 160°C per rreth 20 minuta.

Sipas recetes origjinale i sperkatim me arome trendafili dhe sheqer pluhur, por une preferova t'i lyej me nje icing blu te perftuar nga brumi i sheqerit i ngjyrosur me blu dhe i holluar ne zjarr me leng limoni. Me pas i zbukurova me codettet e blera ne dyqan. 

 

Torta Puffetta

Per nje rezultat te shpejte dhe mbi te gjitha te sigurte, ne vend te recetes sime te pandispanjes, e cila kerkon qe vezet te rrihen me rrahes elektrik per gati gjysem ore, vendosa te provoj kete pandispanje te modifikuar, te cilen e keshillojne shume nga amvisat e forumit italian cookaround. 

Meqenese jam veterane ne pergatitjen e tortave me brume sheqeri - çdo vit gatuaj rreth 3-4 te tilla :D - do ju keshilloja qe te fraksiononi kohen e pergatitjes se tortes. E kjo per 2 arsye. E para, torta behet me e mire dhe e dyta, ju lodheni me pak.

Ne rastin konkret bazen e tortes e pergatita te shtunen ne darke. E mbusha dhe e lashe gjithe naten ne frigorifer.

Te dielen ne mengjes e leva te gjithe siperfaqen me pana te rrahur dhe e lashe per gati 5 ore ne frigorifer te mpiksej. Me pas e perfundova me zbukurimet me brume sheqeri.

 

Torta "Puffetta"

Torte per tepsi me permasa 30x40 cm


Per bazen:
12 veze ne temperature ambjenti
480 gr sheqer
2 pako te vogla vanilje (ne mos gaboj peshojne 0,16 gr) 
2 luge lekure limoni
300 gr miell 00
200 gr niseshte
2 pako fryres brumi per embelsira
200 gr gjalp
nje maje luge kripe

Pergatitja:ndajme ne 2 tasa te verdhat dhe te bardhat e vezeve.

Rrahim me rrahes elektrik, per afro 10 minuta, te verdhat e vezeve me disa luge uje rubineti te ngrohte (jo me teper se 10 luge).
I shtojme 400 gr sheqer, kripe, vaniljen dhe lekuren e limonit. I rrahim per disa minuta derisa te perftojme nje mase kremoze dhe te bardhe.
Veç rrahim te bardhat e vezeve me sheqerin e mbetur.
Me pas i hedhim te bardhat me shume delikatese ne masen me te verdhat dhe e perziejme me nje luge druri nga poshte-lart, me levizje rrethone, ne menyre qe masa te mos bjere.
Sitim miellin, niseshtene dhe fryresin e brumit dhe ia shtojme mases se mesiperme pak e nga pak (nga 2-3 luge), duke e perzier me te njejten delikatese.
Shkrijme gjalpin dhe sapo te jete ftohur ia shtojme mases se tortes.
Lyejme me gjalp nje tepsi me permasa 30x40 ose lagim letren e pjekjes me uje dhe e shtrojme ne tepsi.

Hedhim ne tepsi masen dhe e vendosim ne furre ne temp. 170°C. Koha ndryshon nga furra ne furre, prandaj sugjeroj gjithmone te perdorni kruajtesen e dhembeve per te provuar nese torta eshte pjekur plotesisht apo jo. Sdq mos e hapni furren 20 minutat e para! (Furra ime e poqi per rreth 50 minuta.)

Pasi torta te jete pjekur e leme edhe 10 minuta te tjere ne furre te fikur.
Me pas e nxjerrim dhe presim derisa te ftohet plotesisht. Pasi eshte ftohur e ndajme me shume kujdes ne 3 shtresa.

Per shurupin me te cilen do te lagim torte ju duhen:
1 liter qumesht ne temperature ambjenti

Shtrojme shtresen e pare te pandispanjes dhe njomim te gjithe siperfaqen e saj me qumesht. 


Siç edhe jua kam thene ne recetat e meparshme, nese nuk keni shishe te posaçme pastiçerie, merrni nje shishe uji dhe bejini nje vrime tek tapa.


Me pas procedojme me shtrimin e kremit Rocher.
Mbi kremin Rocher shtrojme nje shtrese tjeter pandispanja, te cilen e njomim me qumesht.
Shtrojme kremin chantilly dhe ne fund e mbulojme me pandispanjen e mbetur.

 

Per mbushjen me krem chantilly:

1 l qumesht i fresket
4 te verdha veze
160 gr sheqer
70 gr miell
pak kripe
vanilje
250 gr pana per embelsira.

Pergatitja:
ziejme qumeshtin me vaniljen.
E leme te ftohet pak dhe nderkohe rrahim te verdhat e vezeve me sheqerin dhe nje maje luge kripe. I shtojme miellin dhe i perziejme.
Ne fund i shtojme qumeshtin pak e nga pak, duke e perzier pa nderprerje.
E rivendosim kremin ne zjarr te ulet dhe e kaurdisim derisa te arrije temperaturen e vlimit.  (Kremi nuk duhet te vloje!!!)
Kur kremi te jete trashur e heqim nga zjarri dhe e leme te ftohet.
Veç rrahim panen.
Ia shtojme kremit me delikatese dhe kur te dyja masat te jene perzier mire me njera tjetren, e mbulojme tasin me qese kuzhine.

Per mbushjen me krem rocher:
800 gr nutella
2 pako biskota wafer me lajthi, nga 100 gr secila
200 gr lajthi te grira 

400 gr pana per embelsira

Pergatitja:

e vendosim kavanozin e nutelles (te hapur!) ne mikrovale per 3 sek. ne menyre qe te zbutet. I shkermoqim biskotat wafers ne nje tas.
I shtojme te gjithe perberesit dhe i perziejme.

Per zbukurimin e tortes:
400 ml pana per embelsira e sheqerosur

1 kg sheqer pluhur
60 ml uje
10 gr xhelatine per embelsira
100 gr mjalte

Pergatitja:

Lyejme me pana te gjithe siperfaqen e tortes.

E vendosim torten ne frigorifer dhe merremi me pergatitjen e brumit te sheqerit.

I vendosim fletet e xhelatines ne nje tas me uje te ftohte dhe kur te jene zbutur i shtrydhim. I hedhim ne nje tenxhere, te cilen e kemi vene mbi zjarr, bashke me ujin dhe mjaltin. Kur keta 2 perberes te jene shperbere, aq sa te formohet nje leng homogjen (pune sekondash), e heqim tenxheren nga zjarri.
Ne mixerin e kuzhines (ose nese keni robot nga ai qe ben buke akoma me mire) hedhim sheqerin pluhur dhe lengun e perftuar si me siper dhe e perziejme derisa te formohet nje top brumi. E punojme me dore kete brume qe te fitoje pak elasticitet.
Sipas deshires e ndajme ne topa dhe e ngjyrosim.
Mbulesen e tortes e hollojme me okllai si te ishte pete byreku, vecse ne vend te niseshtese perdorim sheqer pluhur.

Kete pete sheqeri e shtrojme me shume kujdes mbi torte dhe e zbukurojme sipas deshires. 

Puffimi i nje feste

Per ftesen ju duhen: 1 leter e trashe, 1 leter normale, 1 stampante, nje bisturi bricolage dhe vinovil.

e diele, 9 tetor 2011
Ballakumja, z. Tironc dhe hana15she sapo jane zgjuar. Pasi perkedhelen per afro 20 minuta me fjalet me te embla te gjuhes shqipe, Ballakumja mendon se erdhi momenti i pershtatshem per nje bisede serioze.

"Po sikur ditelindjen e hanes15she ta festojme ketu ne shtepi...vetem ne te shtepise...pa miqte...he si thua"- belbezon Ballakumja

Hana15she var turinjte. 

Ballakumja mallkon veten qe i nxorri ato fjale.
Z. Tironc kerkon te zbuse situaten.

Kalojne edhe 20 minuta te tjera derisa situata qetesohet, dmth Ballakumja terheq te gjitha ato qe tha, me pika e me presje, e shpreh gatishmerine e saj per organizimin e festes.

"Babi me jep kompjutrin!"

"ma ço tek vidjo!"

"mami hajde ktu!" - jep urdhra hana15she, e bindur qe tani e ka ne dore.

Pasi shikon nja 20 video, ndalet tek nje torte Barbie. 

"Mami mso sesi bahet, se kshu e du une torten" 

"ç-f-a-r-e!!!!!!!!  Po mami nuk eshte skulptore..."-

e hene, 10 tetor 2011

Prenotimi i salles.

Ne zgjedhjen e salles duhet te tregoheni stratege. Salla duhet te jete jo me larg se 500 m ne vije ajrore nga çerdhja, kopshti apo shkolla. 

Ku qendron hilja?...siç e dini edhe ju, femijet e sotem jane teper te influencuar nga prinderit. Nese ti je nje nene antifashionista e bindur, nese ti kur kontakton me prinderit e tjere nuk e pajis veten me kova, furçe e mjete te tjera lyerje, te jesh e sigurte qe nena e L. (nje superfashionista, supersexy dhe superbibe) nuk do te ta sjelli kurre femijen ne festen e ditelindjes, ashtu siç nuk do te ta sjelli as T-racistja qe, megjithese ti ke kaluar me teper vite te jetes tende ne Itali sesa ne vendlindje, vazhdon akoma te te konsideroje si "extracommunitare".

Apo arabi...por kjo eshte histori e gjate...

Raste te tilla kur femijet perdoren si marioneta nuk jane aspak sporadike. Biles duhet te sqaroj qe viktimat, nese mund t'i quaj keshtu, nuk jane vetem femijet e te huajve. Snobimi i festave po behet gjithmone e me i shpeshte edhe ndermjet italianeve. 
Qe t'i kthehemi hiles...zgjedhja e salles afer shkolles mund te beje qe disa nga keta prototipa-prinderish, qe permenda me lart, ta rikonsiderojne vendimin e tyre.
E di qe shume prej jush do te thone "te plasi ty!"...mua jo, por hajt t'i shpjegosh nje femije arsyet pse disa nga miqte e tij nuk kane ardhur ne feste... 

Ky eshte detaji qe me pelqen me teper por qe shume pak veta e vune re...

e marte, 11 tetor

Zoti bekofte Google, Martha Stewart, blogun "Kara's party" e te gjitha ato gra, te cilat organizmin e festave e kane profesion, per idete fantastike qe hedhin online!
Te arrish te riprodhosh nje feste tyren eshte pothuajse e pamundur, mgjth ndihmesa qe japin per ne nenat eshte shume e madhe.

Pasi ka seleksionuar nje game te gjere temash dhe ka krijuar njefare ideje per realizimin e tyre, Ballakumja ia paraqet ne darke hanes15she, e cila ia hedh te gjitha poshte, pa i dhene as beneficion e diskutimit. 

"Mami dua nje feste me Puffi!"

(Sa dua do te doja pufoja bytheve! - mendon Ballakumja)

Dhurata me marshmallow Puffi.

E hene, 17 tetor

Pasi eshte kthyer nga nje weekend i kendshem ne shoqerine e miqve, Ballakumja harton nje liste me detyrat qe duhet t'i kryeje vete dhe ato qe do t'ia delegoje gjyshes dhe tezes se hanes15she.

Dhe pa ngritur as menderen nga poltrona, porosit online disa nga materialet e nevojshme per zbukurimin e salles. (Kush eshte i interesuar t'i hedhi nje sy Partytime shop. Personalisht mbeta e kenaqur. Pako erdhi brenda 24 oreve.)

E shtune & e diel, 12, 13 nentor
E keni parasysh Bree tek Disparate Houswifes? Ajo pispiruqja borgjeze gjysem-handikapate-mendore...ajo qe me te njejten gjakftohtesi vret burrin, e varros dhe pastaj vihet te gatuaje ...

- torte te mbuluar me brume sheqeri dhe te zbukuruar me lule, gjethe dhe nje Puffetta qe shkon per te mbushur uje ne lume;
- 30 panine te mbushura me proshute, sallamra, mortadella etj.;
- 20 gota me mousse kosi dhe fruta te fresketa;
- 30 cupcakes me karrota dhe bajame dhe me frosting prej mascarpone dhe pure molle, te aromatizuar me kanelle.
- 50 biskotat me bajame te zbukuruara me icing blu;
- sallam çokollate e zeze;
- sallam çokollate e bardhe;
- 2 pako wuerstel ne perde pasta sfoglia;
- shkopinj prej pasta sfoglia te mbushura me djathe grana padano dhe te sperkatura me fara suzami;
- pica te vogla prej pastafoglie;
- trekendesha buke me gjalp dhe reçel luleshtrydheje;
- rolè pancarreje te mbushur me mousse proshute.
...tamam ajo!! :DDD

e hene, 14 nentor
ora 21:20
Perpara se te mbylle syte, Ballakumja i premton vetes qe ne  nentor te 2012 do te semuret aq shume sa mjeku do t'i urdheroje qendrim shtrati... :DDDD
Bej shaka, sigurisht. Me mjafton nje "mami te dua sa qielli e sa toka" qe ta ribeje prape festen..qofte edhe neser :)

P.S.: Recetat vijojne sot, neser, pasneser ose parcineser :DDD