Menu vjeshte

Antipasta:

- polenta me piper te zi dhe lardo di Colonnata (dhjame derri ne kripe e ereza);

pergatisim polenten dhe ashtu te ngrohte e hedhim ne nje tepsi te lyer me gjalp derisa te ftohet plotesisht.

Me pas e ndajme ne feta dhe e vendosim ne furre per afro 5 minuta.

E nxjerrim dhe mbi çdo fete polenta vendosim nga nje fete lardo di Colonnata. E sperkatim me shume piper te zi. 

E rivendosim tepsine ne furre per 2 minuta dhe e sherbejme te nxehte.

- polenta me qepe, salsiçe mantovane dhe gorgonzola; 

Skuqim ne gjalp qepet e grira imet sebashku me salsiçen. I kriposim dhe peperosim.

Veprojme me polenten si me siper. Pra, e ndajme ne feta dhe mbi çdo fete vendosim pak harxh.

E vendosim ne furre ne temp. 220°C per afro 5-6 minuta. Me pas e nxjerrim dhe i hedhim persiper fetave pak djathe gorgonzola. E rivendosim tepsine ne furre per 2-3 minuta derisa djathi te shkrihet dhe e sherbejme te nxehte.

- djathi dhije i bute me fisteke;

ky ska nevoje per shume shpjegime se foto e tregon vete....

- katrore pasta sfoglia te mbushura me domate te thara, mozzarella dhe pesto gjenovez pa hudher;

grijme imet domatet e thare (domate te thara dhe te konservuara ne vaj), mozzarella-n ne feta.

Marrim 2 peta pasta sfoglia te gatshme. Mbi njeren formojme grumbuj harxhi, duke lyer fillimisht pasta sfoglia-n e me pesto gjenovez e me pas duke vendosur harxhin. E sperkatim harxhin me pak rigon dhe e mbulojme me peten tjeter si ne foto. 

I japim forme katroreve me duar. Per te mos dale harxhi gjate pjekjes, e mbyllim perimetrin e secilit katror duke ushtruar pak force me mollezat e gishtave. E lyejme siperfaqen me qumesht ose te verdhe veze dhe i pjekim ne furre ne temp. 200-220°C derisa te marrin nje ngjyre te bukur ne siperfaqe.

Pjata e pare:  Risotto me kerpudha finferli dhe pankushe (porcini)

Zakonisht per risotto-n perdoren kerpudha porcini, por une mbaj mend qe kam provuar ne nje restorant nje risotto me kerpudha finferli dhe porcini qe ishte sublim. Ideale do te ishte te perdorni finferli te fresket dhe porcini te thare. E di qe nje kg finferli kushtojne mbi 18 euro....por besomeni nje here ne vit ia vlen :)

Perberesit per 6 persona:

500 gr oriz carnaroli per risotto

1 qepe

600 gr kerpudha finferli te fresket

100 gr kerpudha porcini te thare

2 gota vere e bardhe

100-120 gr gjalp

150 gr djathe i tipit taleggio

kripe

piper

vaj ulliri

Pergatitja:

fillimisht vendosim ne nje tas me uje te vaket kerpudhat e thara.

Skuqim ne gjalp dhe vaj ulliri qepen. I shtojme kerpudhat finferli dhe i shuajme me vere te bardhe.

Ne nje tenxhere tjeter skuqim orizin ne pak gjalp. E shuajme me ujin e kerpudhave porcini.

I shtojme kerpudhat dhe i japim nje vale per afro 5 minuta.

Me pas i shtojme qepen dhe kerpudhat finferli te shojtura ne vere dhe vazhdojme ta gatuajme risotto-n duke i shtuar here pas here uje te ngrohte.

Ne fund i shtojme djathin, gjalpin, kripen, piperin dhe e perziejme mire e mire duke tundur tenxheren ne menyre qe risotto te formoje ate kremin qe i jep lezet.

E sherbejme te ngrohte.

Pjata e dyte:

Fileto viçi ne kripe

Perberesit per 6 persona:

rreth 1 kg fileto viçi (mundesisht te fresket, pra te blere tek kasapi)

200 gr speck

nje kuti te bardha vezesh

2 kg kripe kokerrmadhe

3-4 luge miell

rozmarine e fresket

trumez e fresket

Pergatitja:

lyejme me miell fileton e mishit dhe e skuqim ne nje tigan te nxehte. E kriposim dhe peperosim.

Nderkohe perziejme kripen kokerrmadhe me te bardhat e vezeve.

Gati nje çerek te sasise e vendosim mbi nje tepsi te veshur me leter alumini.

Vendosim mbi kripe edhe erezat e fresketa.

E mbulojme fileton me feta speck-u dhe me kripen e mbetur.
E shtypim fort me duar ne menyre qe fileto te vishet me kripe.

E shpojme ne siperfaqe me pirun dhe e pjekim ne furre ne temp. 190-200 °C per afro 1 ore.

Para se ta presim ne feta, e leme menjane te ftohet.
E veçanta e kesaj recete eshte se mishi mbetet i bute edhe te nesermen.
Une e sherbeva me patate te pjekura ne furre ne vaj ulliri dhe vere te bardhe.

Embelsira: 

Torte me çokollate e shoqeruar me akullore dhe dardha te karamelizuara

Perberesit:
1 veze
60 gr sheqer
60 gr miell
50 gjalp
15 gr kakao
4 luge qumesht
vanilje
2 luge konjak
gjysem pako pluhur pjekes

Pergatitja:
shkrijme ne mikrovale gjalpin per 1 minute. 
I shtojme perberesit e tjere duke e perzier masen me tel kuzhine. 
Lyejme me vaj luledielli nje forme porcelani ose qelqi dhe e fshijme me leter kuzhine, ne kete menyre torta nxirret pa e prishur formen. Hedhim masen dhe e pjekim per 7 minuta ne 700 watt. 
Pasi ka mbaruar pjekjen e leme te pushoje per pak minuta brenda ne mikrovale.

Nderkohe merremi me pergatitjen e dardhave te karamelizuara.

Qerojme dardhat dhe i presim ne feta. 
Ne nje tigan shkrijme 1 ose 2 luge gjalp. I shtojme 3-4 luge sheqer kaf dhe fetat e dardhes. 
Sapo sheqeri te shkrije i hedhim pak rum. 
E tundim tiganin mbi zjarr derisa sheqeri te filloje te karamelizohet. 
Ne fund i sperkatim me kanelle 

Tortes i hedhim persiper ganache çokollate, qe e pergatisim duke shkrire çokollaten e zeze me pak gjalp dhe e sherbejme te shoqeruar me dardhat e karamelizuara dhe akulloren me shije vanilje.

Gjak e dhjame :D

Torta me birre

Neser perfundon Oktoberfest, festa e pervitshme e birres qe zhvillohet ne Mynih te Gjermanise. E si per dreq edhe kete vit nuk pata mundesi te shkoje....duket sikur te gjitha impenjimet, rrufat, reumatizmat, etj. etj. me mblidhen kastile ne kete periudhe :((

Por ama birren nuk po e le mangut kete fundjave!

Sot isha e ftuar ne shtepine e disa miqve per nje barbecue. E si per te qendruar ne teme mendova t'u çoje nje torte irlandeze me birre, guinness cake. 

Kjo torte kerkon birren Guinness, e cila eshte e erret ne ngjyre dhe e hidhur ne shije. Pikerisht kjo shije e hidhur me retrogusto kafeje, e kombinuar me kakaon pa sheqer, i jep kesaj torte nje shije shume te veçante.

Birra Guinness eshte paksa e kushtueshme (4 kanaçe te vogla rreth 300 ml secila kushtojne mbi 5 euro), por kam lexuar qe mund te zevendesohet me birra te tjera si birra e kuqe Moretti.  

Ah, harrova t'ju them qe kritiku i pjatave te mija, Miri, me kerkoi te shkruaja ketu ne blog qe torta i pelqeu shume :)))

Torta irlandeze me birre - Guiness cake

Perberesit:

230 gr miell 00

4 veze

400 ml birre guinness

230 gr gjalp

350 gr sheqer integral

100 gr kakao pa sheqer

gjysem pako fryres brumi per embelsira

2 luge te vogla sode buke

400 gr djathe philadelfia

250 gr sheqer

2 luge cream whisky

Pergatitja:

ndezim furren ne temp. 180°C
Pergatitja e kesaj torte kerkon 4 tasa, mundesisht qelqi.

Ne tasin e pare rrahim vezet.

Ne tasin e dyte rrahim gjalpin ne temp. ambjenti me sheqerin integral.

Ne tasin e trete perziejme birren me kakaon dhe ne tasin e katert perziejme miellin me soden e bukes dhe fryresin e brumit.

Me pas bashkojme permbajtjen e tasit te pare me permbajtjen e tasit te dyte :)...dmth vezet e rrahura me gjalpin dhe sheqerin.

I shtojme kesaj mase birren e perzier me kakao dhe ne fund, pak e nga pak miellin e situr.

Lyejme me gjalp dhe miell nje tepsi me diameter rreth 26 cm. I hedhim permbajtjen e tortes dhe e pjekim ne furren e ngohur paraprakisht per afro 1 ore. Pas kohes se pjekjes e leme torten edhe 10 minuta ne furre te fikur.

Ndersa torta piqet merremi me pergatitjen e kremit. Perziejme djathin philadelfia me sheqerin dhe cream whisky.

Pasi torta eshte ftohur, e mbulojme me kremin e mesiperm.

Gjak e dhjame :D

Torte me shalqi dhe akullore

Duke kujtuar me mall pushimet e vjetshme ne Qefaloni e meqe shalqini i ketushem s'ka shijen e shalqinit pergatita nje torte tipike te ishujve Ciklade, Karpouzopita, por te cilen e modifikova duke i shtuar disa perberes te shendetlijes sone.

Torte me shalqi dhe akullore

Perberesit per nje tepsi me diameter rreth 18-20 cm:

100 gr miell

60 gr sheqer

400 gr tul shalqini

me pak se gjysem luge te vogel kanelle

3 luge vaj ulliri

nje luge fara suzami

ne luge mjalte

2 veze

gjysem luge e vogel pluhur pjekes

mjalte sipas deshires

akullore me shije vanilje per ta shoqeruar

Pergatitja:

presim ne copa te vogla shalqinin dhe e kullojme per 3 ore te mira duke ruajtur lengun qe leshon. Madje e shtrydhim qe te eliminojme sa me shume leng.

Ngrohim furren ne temp. 180°C.

Rrahim vezen me sheqerin dhe gradualisht i shtojme mjaltin dhe vajin e ullirit.

Veç perziejme miellin me kanellen dhe pluhurin pjekes. 

I bashkojme masat dhe i perziejme.

Ne fund i shtojme edhe copat e shalqinit.

Lyejme me vaj ulliri nje tepsi dhe e sperkatim me fara suzami.

Hedhim ne tepsi masen e tortes. E sperkatim ne siperfaqe me fara suzami dhe e pjekim ne furren e ngrohur paraprakisht per rreth 30-35 minuta.

Priteni sipas deshires dhe servireni te sperkatur me mjalte dhe me nje top akullore me shije vanilje.

Duke ju uruar pushime te mbara ju pershendes  me nje kantautor italian, disku i fundit i te cilit do te jete padiskutim kolona zanore e pushimeve te mija. Ky eshte Vinicio Capossela dhe video e kesaj kenge eshte realizuar nga nje artist i ri shume i talentuar, Virgilio Villoresi.....Mire-u-lexofshim ne shtator!

Luleshtrydhe party

Te premten mbaron viti shkollor....URRAAAA!!!!!!

E per t'i uruar nje vere te mbare hanes15she dhe shoqeve te saj, Ballakumja organizoi edhe kete vit "festen e fundvitit shkollor". Nese ju kujtohet, vjet festa pati si teme qershine (Qershi party), ndersa sivjet hana15she zgjodhi luleshtrydhen.
Kisha menduar ta organizoja jashte ne pyll, por siç ndodhi edhe vjet, ne kete dite shejtani shkundi b..... mbi Bz dhe detyrimisht festa u zhvillua brenda ne shtepi.
Pas zullumeve te vjetshme, qe i shkaktuan Ballakumes dhimbje kerbishtash per 1 jave rresht, numri i te ftuarve u reduktua dukshmen dhe seksi mashkull u penalizua rreptesisht nga festat ne shtepi, te pakten deri ne klase te gjashte.

Pra, meqe te ftuarat ishin vetem goca u frymezova nga filmi vizatimor per femije "Luleshtrydhja zemerembla" per ngjyrat e zbukurimit te tryezes dhe embelsirave. Ndersa ne internet gjeta  material te bollshem si vizatime per t'u ngjyrosur, kapele e çanta letre per t'u prere dhe ngjitur nga gocat etj. Gjithashtu nga interneti shkarkova nje format letre me vija (letra poshte pjatave) e u kerkova gocave te shkruanin ndonje gje per shoqen e tyre te zemres, ndonje kujtim apo çfare te donin ato e t'ia jepnin diten e fundit te shkolles. 

Luleshtrydhe pops

(une i quajta keshtu, por ndoshta keto luleshtrydhe kane nje emertim te caktuar ne anglisht...)

Perberesit:

luleshtrydhe

çokollate e bardhe

xhel i kuq per zbukurim

Pergatitja:
shkrijme çokollaten e bardhe ne bagnomaria.
Zgjedhim luleshtrydhet me te medhaja dhe i ngulim ne disa shkopa per perdorim gastronomik.
I zhysim ne çokollaten e bardhe dhe me pas i leme te ftohen.
I dekorojme sipas deshires.

Gjarpri prej profiteroli me mascarpone dhe luleshtrydhe

Perberesit per 4 persona:

Per gjarprin:

90 gr margarine

90 gr miell

3 veze 
1 gr pluhur pjekes per embelsira

210 ml uje

kripe sa te kapin majat e gishtave

Pergatitja e gjarprit:

ne nje tenxhere ngrohim ujin. I shtojme margarinen dhe kripen.

Sapo uji te arrije temp. e vlimit, i shtojme miellin, pak e nga pak.

E perziejme ne fillim me tel kuzhine dhe me pas me luge druri.

Kur masa te shkeputet plotesisht nga bordet e tenxheres, pra kur merr formen e brumit, ath eshte gati.

Para se t'i hedhim vezet, e transferojme masen ne nje plan derrase dhe e hapim me luge druri ne menyre qe te ftohet.

Me pas i shtojme vezet, nje e nga nje dhe e punojme brumin qe t'i thithe ne menyre homogjene me tel kuzhine ose rrahes elektrik.

Ne fund i shtojme 1 gr pluhur pjekes, pra nje maje luge apo thike me sakte.

Mbushin nje sac a poche me masen dhe formojme gjarprin ne nje tepsi te lyer me gjalp. 
E pjekim ne furre ne temp. 200°C derisa te marrin nje ngjyre te arte.

Perberesit per mbushjen:

200 gr mascarpone ose lloj tjeter djath i bute

50 gr pana per embelsira

2 te verdha vezesh

100 gr sheqer 

Pergatitja e mbushjes:

si mascarpone ashtu edhe pana duhet te jene shume te ftohta ne menyre qe te rrihen mire. Italianet kane nje term shume te lezetshem per te treguar qe mascarpone ose pana nuk po fryhen, sipas tyre "ato po çmenden" :).

Rrahim me rrahes elektrik te verdhat e vezeve me treçerekun e sheqerit, per te pakten 10 minuta.

I shtojme mascarponen dhe i perziejme. E vendosim enen ne frigorifer.

Rrahim panen me sheqerin e mbetur derisa te perftojme nje mase shkumoze dhe te trashe. 

E nxjerrim enen me mascarpone nga frigoriferi dhe e perziejme me tel kuzhine. 

I shtojme panen pak e nga pak, duke e perzier nga poshte-lart, ne menyre qe masa te mos bjere.

Montimi i tortes:

i bejme disa vrima gjarprit, te cilat i mbushim me kremin e mascarpones. Sugjeroj te perdorni nje sac a poche.
Ndersa ne siperfaqe e lyejme me reçel luleshtrydhesh dhe fiksojme fetat e luleshtrydheve si ne foto.

Tartine te ndryshme me krem djathi dhe proshute, krem djathi dhe ullinj jeshile etj.

Pizza te vogla me pasta sfoglia, salce domatesh dhe djathe stracchino

Smoothie me luleshtrydhe


200 gr luleshtrydhe
2 banane
2 pjeshke
mjalte

qumesht 
sheqer


Hedhim ne frullator luleshtrydhet, bananet, pjeshket, 2-3 luge mjalte dhe pak qumesht. I frulojme derisa te homogjenizohen. E hollojme me qumesht dhe i shtojme sheqer sipas deshires.

Kjo eshte receta ime, deri me sot sekrete, per "coccolare me stessa", por qe i pershtatesh shume mire edhe temes se festes.

Festa mbaroi. Gjithçka shkoi mire. Asnjera nuk krisi e ndrydhi ndonje dore apo ndonje kembe. Asnjera nuk u merzit apo xhelozua. Te gjitha kaluan pragun e deres me buzeqeshjen te stampuar ne fytyre, sepse Ballakumja u premtoi qe gjate veres do t'u organizoje nje feste tjeter. :)
E Ballakumes, si gjithmone, i duhet te sjelle ne terezi shtepine, mbi te cilen duket se ka kaluar ndonje uragan ose nje bande hajdutesh ne kerkim te kasafortes :((((.....

Torta e Eves

Kush eshte Eva?...Eva eshte kusherira ime. E si te gjitha kusherirat e mija eshte shume e zonja ne gatim....(te jete çeshtje gjenesh? Te kete te beje me faktin qe kemi lindur ne nje qytet si Elbasani?...Boh! :)). 

Per te konfirmuar kete qe thashe me siper, ja, prova.

Nje torte me aromen e mrekullueshme te mandarinave.

Shume flm Eva.

Torta me mandarina e Eves

Perberesit per nje tepsi me diameter 26 cm:

Eva ka marre si njesi matese nje gote uji, pra 200 ml.

1 gote vaj ulliri

1 gote leng mandarinash

1 gote e gjysem miell 00

2 gota sheqer

4 veze

nje pako pluhur pjekes

Per sherbetin:

6-8 mandarina

3 gota sheqer

2 gota e gjysem uje
gjethe livandoje (fakoltavive)

Pergatitja:

rrahim vezet me sheqerin derisa ky i fundit te shkrihet.

I shtojme mases vajin e ullirit, lengun e mandarinave dhe miellin te cilin e kemi situr bashke me pluhurin pjekes.

I perziejme qe masa te homogjenizohet.

Lyejme nje tepsi me gjalp dhe miell. Shtrojme masen e tortes dhe e pjekim ne temp. 180°C per afro 40 minuta (derisa te rezultoje e pjekur pas proves se kruajtes se dhembeve).

Per sherbetin ziejme ne uje me sheqer mandarinat e prera ne feta derisa te leshojne esencen e tyre dhe lengu te trashet, pra per afro 30-40 minuta.

Une e aromatizova sherbetin me gjethe livandoje.

Pasi jane ftohur pak, njomim torten me sherbetin dhe e leme disa ore qe ta thithi. 

E vendosim ne frigorifer deri ne momentin e servirjes.

E servirim me fetat e mandarinave qe na sherbyen per sherbetin.

Gjak e dhjame :D

Torta me pekmez rrushi - Torta con mosto cotto

Pekmezi eshte shurupi qe perftohet nga zierja e mushtit te rrushit. Perveç vetive kurative ka nje shije shume te mire qe kombinohet me djatherat e stazhonuar.

Une e perdora per pergatitjen e kesaj torte mengjesore. 

Torte me pekmez

Perberesit per nje tepsi rrethore me diameter 24 cm ose ne forme unaze:

250 g miell 00

200 gr sheqer

3 veze

150 gr leng portokalli

50 gr pekmez

nje pako pluhur pjekes

lekura e nje portokalli

110 ml vaj luledielli

ereza te reduktuara ne pluhur: xhinxher, kardamom, kanelle, arre moskat, karafil

arra te thyera (fakoltative)

Pergatitja:

rrahim me tel kuzhine vezet me sheqerin derisa masa te zbardhet.

I shtojme vajin, lengun dhe lekuren e portokallit, ne te cilin kemi tretur pekmezin dhe erezat.

I perziejme dhe i shtojme pak e nga pak miellin e situr me pluhurin pjekes.

Sipas deshires mund t'i shtoni edhe arra te thyera.

Lyejme me gjalp dhe miell nje tepsi per torta dhe shtrojme masen.

E pjekim ne furre ne temp. 175°C per afro 40 minuta.
Mascarpone dhe pekmez jane nje kombinim shume i mire.

Italiano

Il mosto cotto è un prodotto che in Albania trova uso nella medicina popolare. A parte le sue proprietà curative, è ottimo per accompagnare i formaggi stagionati. E anche per la preparazione di questa torta mattutina.

Torta con mosto cotto

Ingredienti:

250 gr farina 00

200 gr zucchero

150 gr succo d'arancia

50 gr mosto cotto

1 lievito per dolci

buccia d'arancia

110 ml olio di girasole

aromi tritati: zenzero, cardamomo, cannella, noce moscata, chiodi di garofano

noci tritate (facoltativo)

Preparazione:

sbattere le uova con lo zucchero fino ad ottenere una massa chiara.

Aggiungere l'olio, la buccia ed il succo d'arancia, nel quale va sciolto il mosto e gli aromi tritati.

Setacciare la farina con il lievito ed unirla poco a poco alle uova.

Volendo potete aggiungere anche una manciata di noci tritate.

Ungere con burro ed infarinare una teglia oppure una forma di ciambella.

Versare l'impasto ed infornare a 175°C per 40 minuti.
Mascarpone e mosto cotto sono un ottimo accompagnamento.

Torte me kajsi, çokollate & amareta

Ky eshte nje post i publikuar automatikisht, kur tashme Ballakumja do te jete me pushime, prandaj pergjigjet per pyetjet mbi receten do te vijne pas 2 javesh.

Tung 

Perberesit per 4 persona:

50 gr miell

50 gr amareta

100 gr çokollate dark (70% kakao por sipas deshires mund te zgjidhni çokollate tjeter me % kakao me te ulet)

2 veze

75 gr gjalp

50 ml qumesht

75 gr sheqer pluhur

4 kajsi

Pergatitja:

ne nje tenxhere shkrijme ne banjomaria ose ne temperature zjarri shume te ulet çokollaten me gjalpin dhe pak e nga pak i shtojme qumeshtin.

Rrahim me rrahes elektrik te verdhat e vezeve me gjysmen e sheqerit pluhur derisa te zbardhen.

Veç rrahim edhe te bardhat e vezeve me gjysmen e mbetur te sheqerit.

I hedhim mases me te verdhen e vezes çokollaten e shkrire dhe pak e nga pak miellin e situr. Me pas i shtojme amaretat e grira ne mixer ose te shkermoqura me dore dhe ne fund te bardhat e vezeve.

I perziejme me delikatese dhe e hedhim masen ne nje tepsi te lyer me gjalp dhe miell.

Rendisim mbi siperfaqen e tortes kajsite e prera pergjysem dhe e pjekim ne temp. 180°C per rreth 45 minuta ose derisa torta te rezultoje e pjekur pas proves se kruajteses se dhembeve. 

Para se ta servirim e sperkatim me sheqer pluhur.

Gjak e dhjame :D

Torta me krem Rocher

Para disa ditesh isha ftuar ne festen e mireseardhjes se vogelushes se grupit, baby A., prandaj me shume kenaqesi u vura te gatuaj  torten time te preferuar: torta pandispanja me krem Rocher. 

Kremi Rocher eshte fryt i nje elaborimi qe i kane bere disa guzhinjere recetes se çokollates Ferrero Rocher dhe perdoret ne gjithefare embelsirash: si torta me baza te ndryshme, krostata, pasta te vogla etj.

Duhet te them qe kjo torte kerkon minimumi 3 ore pergatitje dhe shume durim. 

Pasazhi me i veshtire i realizimit te kesaj torte eshte dekorimi, funksioni i te cilit eshte thjesht paraqitja, prandaj neqoftese nuk ndjeheni te sigurta per ta provuar, apo nuk keni kohe mjaftueshem, mund ta lyeni siperfaqen e tortes me krem cokollate apo qofte edhe ta sperkatni me sheqer pluhur. Ju siguroj qe shija do te jete perseri fantastike. 

Pandispanja x tepsi me diameter 24 cm

6 veze

80 gr niseshte

80 gr miell

250 gr sheqer

gjalp dhe miell per te lyer tepsine

Pergatitja:

Pikesepari vezet duhet te kene temperaturen e ambjentit prandaj nxirrini nga frigoriferi te pakten 4 ore perpara!

Ne nje tas rrahim te verdhat e vezeve me sheqerin derisa masa te zbardhet dhe te dendesohet, pra per 15-20 min. me rrahes elektrik. Ne nje tas tjeter rrahim te bardhat e vezeve derisa te formojne shkume, te cilen me pas ia shtojme perberjes se mesiperme. Ne kete pike te procedures duhet patur shume kujdes qe masa te mos bjere prandaj leme menjane rrahesin elektrik dhe vazhdojme me nje luge druri. Levizja qe duhet te bejme me lugen eshte ne forme rrethore dhe shume e ngadalte. Gjate perzierjes shtojme niseshtene dhe miellin, mundesisht direkt nga sitesja ne menyre qe mos formohen toptha mielli brenda mases. Ndezim furren ne temp. 180°C. Hedhim masen ne nje tepsi te lyer me gjalp dhe me miell dhe e vendosim ne furre per rreth 40 min. Gjate 30 min. te para nuk duhet kurresesi te hapim furren sepse rrezikojme qe pandispanja te bjere. Pasi kalon koha e pjekjes nuk e nxjerrim menjehere jashte tepsine por e leme akoma edhe 10 min. te tjera brenda, ne furre te fikur.

Kur te jete ftohur e ndajme me dysh dhe e lagim me shurup.

Shurupi per te njomur torten

qumesht

Sheqer

Liker sipas deshires

Shkrijme sheqerin ne qumesht dhe me te njomim torten. Ide: nese ju mungon nje shishe nga ato te perdorin pastiçeret merrni nje shishe plastike uji dhe bejini nje vrime tek tapa. -:)

Kremi Rocher

400 gr nutella

200 ml shtalpe kuzhine (panna)

120 gr lajthi te grira

100 gr bistoka wafers me lajthi

cream whisky

E vendosim kavanozin e nutelles (te hapur!) ne mikrovale per 3 sek. ne menyre qe te zbutet. I shkermoqim biskotat wafers ne nje tas, shtojme te gjithe perberesit dhe i perziejme. I sperkatim me cream whisky dhe e vendosim tasin ne frigorifer per rreth 30 min.

Shtrimi i tortes

Qe te treja shtresat te jene perfekte dhe kremi mos kete tendencen te bjere nga bordet une kam nje truk shume te thjeshte. Praktikisht aty ku kam pjekur pandispanjen, qe eshte nje tepsi, bordi i se ciles eshte i heqshem, vendos shtresen e pare te pandispanjes se lagur, shtoj kremin dhe pastaj vendos pjesen tjeter te pandispanjes. Tepsine e vendosim ne frigorifer per 1 ore.

Dekorimi i tortes

shtalpe ose panna per embelsirat

sheqer me sy

Ingredientet per brumin e sheqerit:

450 gr. sheqer pluhur

5 gr. flete xhelatine per te dendesuar embelsirat (colla di pesce ne italisht)

50 gr. mjalte

30 ml uje

Rrahim shtalpen me sheqer derisa te dendesohet. Qe shtalpa te dendesohet duhet te jete e ftohte prej frigoriferi, biles edhe enen ku do ta rrihni ju sugjeroj ta vendosni disa minuta ne frigorifer! Lyejme me te gjithe siperfaqen e tortes. E vendosim torten ne frigorifer dhe merremi me pergatitjen e brumit te sheqerit.

I vendosim fletet e xhelatines ne nje tas me uje te ftohte dhe kur te jene zbutur i shtrydhim. I hedhim ne nje tenxhere, te cilen e kemi vene mbi zjarr, bashke me 30 ml uje dhe 50 gr. mjalte. Kur ingredientet te jene shperbere aq sa te formohet nje leng homogjen (pune sekondash) e heqim tenxheren nga zjarri. Ne mixerin e kuzhines (ose nese keni robot nga ai qe ben buke akoma me mire) hedhim sheqerin pluhur dhe lengun e perftuar si me siper dhe e perziejme derisa te formohet nje top brumi. E punojme me dore kete brume qe te fitoje pak elasticitet dhe e hollojme me okllai dhe sheqer pluhur ne vend te niseshtese, si te ishte pete byreku por me e trashe. 

Kete pete sheqeri e shtrojme me shume kujdes mbi torte dhe e dekorojme sipas deshires. 

Ne treg mund te gjeni ngjyra te ndryshme ushqimore dhe te formoni gjithefare kafshesh e lulesh per te dekoruar torten tuaj. Dekorimi i tortes me brume sheqeri eshte njesoj si punimi i plastelines prandaj s'duhet gje tjeter vecse kohe dhe fantazi. Me poshte gjeni fotot e tortave qe kam realizuar me brumin e sheqerit. Jane dekorime shume te thjeshta, por kane goxha efekt pamor saqe i bejne kureshtare per ti provuar edhe ata qe s'para u pelqejne embelsirat.

Torta per baby A.

Torta fjongo per miqte e mi ne Bergamo

Torta "zemrat" per ditelindjen e mamit me 14 shkurt  

Torta ping pong

Torta per ditelindjen time

Torta per ditelindjen e tim eti, ish futbollist i Labinotit

Torta Winx per ditelindjen e sime bije

Torta Babadimri me plakun e bores ne versionin Tano Banushi :)

Per nje torte akoma me te elaboruar dhe rrjedhimisht me te mire kliko tek Torta Puffetta: 
http://ballakumeelbasani.blogspot.it/2011/11/torta-puffetta.html