Red passion

 Rizoto Shen Valentin

(kete rizoto e gatova vjet per here te pare, pikerisht per Shen Valentin. Mirepo kishte nevoje te perpunohej edhe pak. Sot e provova dhe jam shume e kenaqur me rezultatin)

Perberesit per 2 persona:

100 gr oriz per rizoto

2-3 panxhare te kuq te zier paraprakisht

gjysem qepe

leng mishi ose leng perimesh

gjalp sipas deshires

gjysem gote vere e bardhe

70 ml panna

100 gr djathe gorgonzola i embel

50 djathe parmigiano reggiano

Pergatitja:

hedhim ne frulator panxharin e kuq dhe e reduktojme ne mase te lengshme dhe homogjene duke i shtuar uje (rreth 200-250 ml uje).

Veç ne nje tenxhere me fund te trashe skuqim ne gjalp dhe vaj ulliri qepen e grire imet.

I shtojme orizin dhe i kaurdisim per 2-3 minuta.

I shuajme me gjysem gote vere te bardhe.

Sapo vera ka avulluar i shtojme masen e lengshme te panxharit.

I kaurdisim dhe e gatuajme rizoton per 15-20 minutave, sipas tregimeve te kutise, duke e kaurdisur here pas here dhe duke i shtuar ndonje garuzhde me leng mishi ose perimesh nese fillon e shteron.

5 minutat e fundit e rregullojme me kripe dhe piper. (mua me pelqen t'i shtoje edhe pak gjalp ne fund)

Veç presim ne copa te vogla gorgonzolen. E hedhim ne nje tenxhere bashke me panen dhe djathin parmigiano reggiano te grire.  E vendosim tenxheren ne zjarr te ulet dhe e perziejme derisa djatherat te shkrihen. I rregullojme me kripe.

E shtrojme rizoton ne pjate dhe e servirim me salcen e djatherave si ne foto.





Nje tjeter recete ku mbizoteron ngjyra e kuqe eshte Heiße Liebe, qe ne shqip do te pershtatej "dashuri e zjarrte" (he e shikoni sa romantike jane gjermanet!..ju qe i quani njerez te ftohte :)).

Eshte nje recete shume e thjeshte dhe shume e pelqyer nga gjermanet. Ju garantoj qe gjindet ne te gjitha pastiçerite dhe restorantet e Alto Adiges, gjithashtu e kam ndeshur ne shume menu restorantesh ne Austri e Gjermani.

Heiße Liebe 

Perberesit:

akullore me vanilje

mjeder (mana te kuqe)

sheqer

pana e rrahur per embelsira

liker sipas deshires

masat me sy

Pergatitja:

per kete embelsire mund te perdorni edhe mana te ngrira.

I vendosim manat ne nje tas. I hedhim sheqer sipas deshires (1 luge per person eshte ok). I gatuajme ne mikrovale per disa sekonda derisa te perftojme nje si tip glikoje. Sipas deshires mund t'i shtoni pak liker.

Hedhim ne tasa akulloren dhe i shtojme menjehere reçelin e nxehte.

Ne disa restorante serviret me pana te rrahur dhe liker, kurse mua me pelqen thjesht akullore & reçel... de gustibus non est disputandum :)

P.s.: shoqerojeni kete post kitch me lady marmalade :D

Il sanguinaccio - receta e mekatit

Sa prej jush, te dashura mikesha, enderrojne qe partneri te çliroje veten nga komplekset maskiliste prej Leke Dukagjini e t'ju pergjunjet duke ju premtuar dashuri te perjetshme?

Sa prej jush jane gati te thyejne tabù ne emer te dashurise?

E di qe jeni shume....e kam bindjen qe ne kete rreth kaq te madh gjinije femerore hyjne si ato qe lexojne Borges-in edhe ato qe ndjekin Gjymyshin (apo Gumyshin?) :D  

A jeni gati per magji?....Ezoterizem?.... Makabritet? 

Nese po, ja receta e mekatit....

shkoni  ne thertore te pajisura me nje termus.
Sapo kasapi te filloje te there derrin, ju mbushni termusin me gjakun e ngrohte.

Hidhini pak kripe dhe perziejeni.

Shkoni me vrap ne shtepi, pasi gjaku nuk duhet te ftohet, e pergatisni kremin....LOL

Eshte shaka, sigurisht!
Por ama receta e kremit te çokollates me gjak derri eshte nje recete tipike e disa zonave italiane, nder to Napolit, e pershkruhet si receta me mekatare qe ekziston.

Megjithese ka vite qe gjaku i derrit per perdorim gastronomik eshte i ndaluar me ligj, nese ju bie rruga nga Napoli ne kete periudhe karnevalesh, kerkoni neper pastiçerite tipike sepse do ta gjeni. 

Receta qe pergatita une eshte napoletane, por siç mund ta imagjinoni nuk permban gjakun e derrit

Krem çokollate

Perberesit per afro 4 persona:

gjysem liter qumesht

50 gr kakao e hidhur

150 gr sheqer

nje maje luge vanilje

20 gr niseshte

25 gr çokollate e zeze

nje maje luge kanelle

Pergatitja:

ne nje tenxhere sitim niseshtene me kakaon.

I shtojme sheqerin, vaniljen dhe kanellen.

I kaurdisim dhe i shtojme qumeshtin, pa e nderprere perzierjen.

E vendosim tenxheren ne zjarr te ulet dhe e perziejme per afro 20-30 minuta derisa kremi te trashet.

Me pas e fikim zjarrin dhe hedhim ne tenxhere çokollaten. E perziejme derisa te shkrihet.

E servirim me biskota savoiardi (ato qe perdoren per tiramisù) ose me nje tip biskotash te skuqura ne vaj, qe quhen chiacchere, e qe jane tipike te kesaj periudhe karnevalesh.

P.S.: bera te shkruaj firmen time "gjak e dhjame" por seç pata nje ndjesi si droje...

P.P.S.: E meqe me kete recete hyme ne atmosfera mesdhetare me lejoni t'ju pershendes me nje kenge te kantautores sime me te preferuar italiane, Carmen Consoli.