Siamo nei Balcani baby!

Do te me mungoje Kroacia kete vere (u bene disa vite rresht qe ose kaloj tangent ose bej pushimet atje). Do te me mungoje ajo ndjesi e te ndjerurit ne shtepi qe me mberthen sapo kaloj kufirin italian. Kur shoh buze rruges derrat te piqen ne hell, shtepite me hardhi rrushi, ritmet e ngadalta ballkanike, "njerezve qe s'i njoh u them tungjatjeta", femrat qe kurojne veten deri ne detajet me te vogla, kriminelet e luftes qe ketu konsiderohen heronj, bisedat me ze te larte, qoftet...

Megjithese ketu qofteve u therrasin ndryshe dhe secili t'i servir si pjate tradicionale sllovene/kroate/boshnjake/malazeze/shqiptare/greke/romune jane po ato topa mishi me qepe, hudhra e ereza qe ne disa vende i shoqerojne me salce hajvar e ne disa te tjera me kajmak apo me salce kosi. Sot po jua servir njesoj (pothuajse!) siç m'i kane servirur vite me pare ne nje restorant malazez. 

Pjate ballkanike

Perberesit:

per ajvarin (varjanti im):

1 spec i kuq

1 spec jeshil

1 spec i verdhe

1 patellxhan

1 thelb hudher

1 qepe e njome (vetem koka e bardhe)

1 spec djeges

borzilok

majdanoz

uthull vere

vaj ulliri extravergine

kripe

piper

Pergatitja:

ne nje tepsi vendosim specat dhe patellxhanin e ndare pergjysem. U hedhim pak kripe dhe vaj dhe i pjekim per rreth 20 minuta. Me pas specat i fusim ne nje qese ne menyre qe kur te ftohen lekura t'u hiqet kollaj. Me pas i presim ne copa te vogla, po ashtu edhe patellxhanin pasi i kemi hequr lekuren.

Ne nje tigan skuqim hudhren, qepen dhe specin djeges te grire imet.

I shtojme specat dhe patellxhanat. I kaurdisim per pak minuta dhe i shuajme me 2-3 luge uthull vere. I rregullojme me kripe dhe piper. I shtojme majdanoz dhe borzilok te grire imet. Ne fund i sperkatim me vaj ulliri dhe e leme tiganin mbi zjarr te fikur.

per qoftet ne zgare:

200 gr mish

gjysem qepe

1 hudher

1 fete buke e thare paraprakisht dhe me pas e zbutur ne qumesht

1 veze

spec i kuq

piper

kripe

shume pak miell

gjethe dafine

vaj ulliri extravergine

Pergatitja:

grijme ne mixer ose rende hudhren dhe qepen. Ua shtojme mishit te grire, bashke me vezen, buken e shtrydhur, kripen, piperin dhe specin e kuq. E punojme brumin. I hedhim shume pak miell sa te lidhet dhe e vendosim ne frigorifer per 30 minuta. Me pas formojme me duar disa qofte te cilat i kalojme ne telat e hellit duke i alternuar me gjethet e dafines. I lyejme me vaj ulliri dhe i pjekim ne zgare.

Per patatet:

2 patate per person

vaj kikirikesh

kripe

Pergatitja:

i qerojme patatet dhe i presim ne forme cilindrike. I vendosim ne nje tas me uje te ftohte dhe me pas i kullojme. I kriposim dhe i skuqim ne vaj kikirikesh te nxehte.

Kajmak:

shkojme ne nje dyqan prodhimesh etnike. Blejme kaymak :)

Gjak e dhjame :D